Guru Vakri 2023 / 4 સપ્ટેમ્બરથી ગુરૂ ચાલશે ઉલટી ચાલ: આ 5 રાશિના જાતકો રહે સાવધાન, બની રહ્યો છે ધન સાથે પ્રતિષ્ઠાની હાનિનો યોગ

• ગુરુ ગ્રહ વક્રી થવાને કારણે તમામ રાશિના જાતકો પર અસર
• કેટલીક રાશિના જાતકો પર નકારાત્મક અસર જોવા મળશે 
• આ રાશિના જાતકોએ સાવધાન રહેવું

જ્યોતિષ શાસ્ત્રમાં ગુરુ ગ્રહને સુખ, સંપત્તિ અને સુવિધાનો ગ્રહ માનવામાં આવે છે. ગુરુ ગ્રહની તમામ રાશિના જાતકો પર અલગ અલગ અસર જોવા મળે છે. ગુરુ ગ્રહ 4 સપ્ટેમ્બરના રોજ મેષ રાશિમાં વક્રી થશે અને 31 ડિસેમ્બરના રોજ માર્ગી થશે. ગુરુ ગ્રહ વક્રી થવાને કારણે તમામ રાશિના જાતકો પર અસર થશે. કેટલીક રાશિના જાતકો પર નકારાત્મક અસર જોવા મળશે. 118 દિવસના સમયગાળા દરમિયાન આ રાશિના જાતકોએ સાવધાન રહેવું, જે અંગે અહીંયા જણાવવામાં આવ્યું છે. 

મેષ- મેષ રાશિના જાતકો પર ગુરુ વક્રીની સકારાત્મક અસર નહીં થાય. આ રાશિના જાતકોને આરોગ્ય સંબંધિત પરેશાની થઈ શકે છે. ખર્ચો વધી શકે છે. મેષ રાશિમાં ગુરુ બારમાં ઘરના સ્વામી છે.  દરમિયાન સાવધાનીપૂર્વક બજેટ બનાવવું જોઈએ. 

વૃષભ- વૃષભ રાશિના જાતકો પર ગુરુ વક્રીની શુભ અસર નહીં થાય. રોકાણ કર્યું હશે તો તેનો લાભ નહીં મળી શકે. સુખ સુવિધાઓમાં ઘટાડો થશે. શુભચિંતકો અને શત્રુઓને ઓળખી જશો. ઘરેલુ જીવનમાં આવતી પરેશાનીઓ પર ધ્યાન આપવું જરૂરી છે. 

કર્ક- આ રાશિના નોકરિયાત વર્ગને નોકરીમાં ખૂબ જ પરેશાની આવશે, ટ્રાન્સફર પણ થઈ શકે છે. પ્રોફેશનલ જીવનમાં પરેશાની થઈ શકે છે. પિતા સાથે કોઈ બાબતે વાદ વિવાદ થઈ શકે છે. પિતાને જૂની બિમારીને કારણે પરેશાની થઈ શકે છે, આ કારણોસર તેમના આરોગ્યનું ખાસ ધ્યાન રાખવું. 

સિંહ- આ રાશિના જાતકોને શ્વાસ સંબંધિત પરેશાની થઈ શકે છે. નાના અથવા લાંબા અંતરની યાત્રામાં પરેશાની આવી શકે છે. પાર્ટનર સાથે રકઝક થવાને કારણે વૈવાહિક જીવન પરેશાનીઓથી ઘેરાઈ શકે છે. વધુ પડતા ખર્ચાને કારણે મન વિચલિત રહેશે. 

ધન- ગુરુ વક્રી થવાને કારણે આ રાશિના જાતકોએ માતાના આરોગ્ય પ્રત્યે સચેત રહેવું. માતા સાથે વાદ વિવાદમાં ના પડવું. માતા પ્રત્યેની જવાબદારી સમજવી. વૈવાહિક જીવન અને પર્સનલ લાઈફમાં પરેશાની આવી શકે છે.