6 ફોટો ગેલેરી

ગુજરાત વરસાદ / છેલ્લાં 24 કલાકમાં ગુજરાતના 150 તાલુકાઓ વરસાદથી તરબોળ, સૌથી વધુ 4 ઈંચ, જુઓ ક્યાં

Last Updated: 10:34 AM, 2 June 2026

FOLLOW ON

શેર કરો

Gujarat Weather : હવામાનની બદલાયેલી સ્થિતિ વચ્ચે રાજ્યના 150 તાલુકાઓમાં નોંધપાત્ર વરસાદ નોંધાયો, જાણો તમારા વિસ્તારમાં કેટલો વરસાદ પડ્યો ?

1/6

1. ગુજરાતમાં જામ્યો વરસાદી માહોલ

ગુજરાતમાં ચોમાસા પૂર્વે જ વરસાદી માહોલ જામી ગયો છે. છેલ્લા 24 કલાક દરમિયાન રાજ્યના મોટાભાગના જિલ્લાઓમાં વરસાદ નોંધાતા વાતાવરણમાં ઠંડક પ્રસરી ગઈ છે. જોકે, કેટલાક વિસ્તારોમાં ભારે પવન સાથે વરસેલા વરસાદને કારણે જનજીવન પર અસર પણ જોવા મળી છે.

આ તસવીર શેર કરો

2/6

2. છેલ્લાં 24 કલાકમાં 150 તાલુકામાં વરસાદ

હવામાનની બદલાયેલી સ્થિતિ વચ્ચે રાજ્યના 150 તાલુકાઓમાં નોંધપાત્ર વરસાદ નોંધાયો છે. સૌથી વધુ વરસાદ અમદાવાદ જિલ્લાના ધંધુકા વિસ્તારમાં નોંધાયો, જ્યાં આશરે 4 ઈંચ જેટલો વરસાદ પડતા અનેક નીચાણવાળા વિસ્તારોમાં પાણી ભરાઈ જવાના દ્રશ્યો સામે આવ્યા હતા.

આ તસવીર શેર કરો

3/6

3. ઉમરપાડામાં અંદાજે 3 ઈંચ વરસાદ

દક્ષિણ ગુજરાતના ઉમરપાડામાં અંદાજે 3 ઈંચ વરસાદ નોંધાયો હતો, જ્યારે ખેડા જિલ્લામાં 2 ઈંચ જેટલો વરસાદ પડ્યો હતો. માતર, લખતર, ચૂડા, નડિયાદ અને વાલોદ જેવા વિસ્તારોમાં દોઢ ઈંચ જેટલો વરસાદ નોંધાતા ખેડૂતો અને સ્થાનિક રહેવાસીઓમાં ખુશીનો માહોલ જોવા મળ્યો હતો. આ ઉપરાંત હાંસોટ, વઘઈ, ભરૂચ, માણસા, દસાડા, વ્યારા, ઉમરેઠ, મહુધા, તલોદ અને ચિખલી સહિતના વિસ્તારોમાં સવા ઈંચ જેટલો વરસાદ નોંધાયો હતો. રાજ્યના વિવિધ ભાગોમાં પડેલા વરસાદથી તાપમાનમાં ઘટાડો નોંધાયો છે અને ગરમીથી લોકોને રાહત મળી છે.

આ તસવીર શેર કરો

4/6

4. પવન સાથે વરસાદ પડતા વૃક્ષો ધરાશાઇ

જો કે, કેટલાક વિસ્તારોમાં ભારે પવન સાથે વરસાદ પડતા વૃક્ષો ધરાશાઇ થવા, વીજ પુરવઠામાં ખલેલ પહોંચવા અને નાના-મોટા નુકસાનના બનાવો પણ સામે આવ્યા છે. સ્થાનિક તંત્ર દ્વારા અસરગ્રસ્ત વિસ્તારોમાં સ્થિતિ પર સતત નજર રાખવામાં આવી રહી છે.

આ તસવીર શેર કરો

5/6

5. હજી પણ યથાવત રહેશે વરસાદ

હવામાન વિભાગના અનુમાન મુજબ આગામી દિવસોમાં પણ રાજ્યના વિવિધ વિસ્તારોમાં વરસાદી માહોલ યથાવત રહી શકે છે. ખેડૂતો માટે આ વરસાદ લાભદાયી સાબિત થઈ શકે છે, પરંતુ ભારે પવન અને વીજળીના કારણે સાવચેતી રાખવાની પણ જરૂર છે. રાજ્યમાં વરસાદની શરૂઆત સાથે જ ચોમાસાની તૈયારી અને સંભવિત પરિસ્થિતિઓને પહોંચી વળવા તંત્ર સજ્જ બન્યું છે, જ્યારે લોકોમાં પણ આગામી દિવસોમાં વધુ વરસાદની આશા જોવા મળી રહી છે.

આ તસવીર શેર કરો

6/6

6. જાણો ક્યાં કેટલા ઇંચ વરસાદ ખાબક્યો ?

સૌથી વધુ વરસાદ અમદાવાદ જિલ્લાના ધંધુકા વિસ્તારમાં 4 ઈંચ નોંધાયો છે. આ સાથે ઉમરપાડામાં 3 ઈંચ વરસાદ, ખેડામાં 2 ઈંચ, માતરમાં 1.5 ઈંચ વરસાદ લખતરમાં 1.5 ઈંચ, ચૂડામાં 1.5 ઈંચ વરસાદ, નડિયાદમાં 1.5 ઈંચ, વાલોદમાં 1.5 ઈંચ વરસાદ, હાંસોટમાં સવા ઈંચ, વઘઈમાં સવા ઈંચ, ભરૂચમાં સવા ઈંચ, માણસામાં સવા ઈંચ, દસાડામાં સવા ઈંચ, વ્યારામાં સવા ઈંચ, ઉમરેઠમાં સવા ઈંચ, મહુધામાં સવા ઈંચ, તલોદમાં સવા ઈંચ અને ચિખલીમાં સવા ઈંચ વરસાદ નોંધાયો છે.

આ તસવીર શેર કરો

સંકળાયેલા મુદ્દાઓ

Gujarat Weather Gujarat Rain Monsoon Update