બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અંબાલાલ પટેલની મોટી આગાહી: આજથી ગુજરાતમાં ફરી મેઘમહેર, આ જિલ્લાઓમાં 3 ઈંચથી વધુ વરસાદની શક્યતા
7 ફોટો ગેલેરી
Last Updated: 12:33 PM, 7 August 2026
FOLLOW ON
શેર કરો
1/7
ગુજરાતમાં ફરી એકવાર વરસાદી માહોલ જામવાની શક્યતા છે. હવામાન નિષ્ણાંત અંબાલાલ પટેલે આગામી દિવસોમાં રાજ્યના અનેક વિસ્તારોમાં સારા વરસાદની આગાહી કરી છે. બંગાળના ઉપસાગરમાં ભેજનું પ્રમાણ વધતાં રાજ્યમાં વરસાદી ગતિવિધિ તેજ બનશે. ખાસ કરીને ઉત્તર, મધ્ય અને દક્ષિણ ગુજરાતના અનેક જિલ્લાઓમાં વરસાદી ઝાપટાથી લઈને ભારે વરસાદ સુધીની સ્થિતિ સર્જાઈ શકે છે.
આ તસવીર શેર કરો
2/7
અંબાલાલ પટેલના જણાવ્યા મુજબ હાલ ગુજરાત પર કોઈ મોટી હવામાન સિસ્ટમ સક્રિય નથી. તેમ છતાં બંગાળના ઉપસાગરમાં સર્જાયેલા ભેજના કારણે રાજ્યમાં વરસાદ માટે અનુકૂળ વાતાવરણ બન્યું છે. આજથી રાજ્યના વિવિધ વિસ્તારોમાં વરસાદી ઝાપટા શરૂ થઈ શકે છે. આગામી ચારથી પાંચ દિવસ દરમિયાન વરસાદની ગતિવિધિમાં વધારો જોવા મળી શકે છે.
આ તસવીર શેર કરો
3/7
8 ઓગસ્ટથી 11 ઓગસ્ટ દરમિયાન સાબરકાંઠા, અરવલ્લી અને પંચમહાલ જિલ્લામાં 3 ઈંચ કે તેથી વધુ વરસાદ પડવાની શક્યતા વ્યક્ત કરવામાં આવી છે. ઉત્તર ગુજરાતના વાવ, થરાદ અને બનાસકાંઠાના વિસ્તારોમાં પણ સારો વરસાદ થઈ શકે છે. આ વરસાદના કારણે સ્થાનિક નદી-નાળા અને જળાશયોમાં પાણીની આવક વધવાની સંભાવના છે.
આ તસવીર શેર કરો
4/7
અંબાલાલ પટેલે જણાવ્યું છે કે મધ્ય ગુજરાતના વિસ્તારોમાં પણ વરસાદી માહોલ રહેશે. અમદાવાદ, ગાંધીનગર અને વડોદરા સહિત આસપાસના વિસ્તારોમાં વરસાદી ઝાપટા પડી શકે છે. શહેરોમાં વરસાદને કારણે વાતાવરણમાં ઠંડક પ્રસરી શકે છે. જોકે નીચાણવાળા વિસ્તારોમાં પાણી ભરાવાની સ્થિતિ પણ સર્જાઈ શકે છે.
આ તસવીર શેર કરો
5/7
દક્ષિણ ગુજરાતમાં ભારે વરસાદી ઝાપટા પડવાની શક્યતા વ્યક્ત કરવામાં આવી છે. જ્યારે કચ્છના કેટલાક વિસ્તારોમાં પણ વરસાદ થઈ શકે છે. રાજ્યના અલગ અલગ વિસ્તારોમાં પવનની ગતિ પણ વધુ રહેવાની શક્યતા હોવાથી માછીમારો અને ખેડૂતોને સાવચેતી રાખવાની સલાહ આપવામાં આવી છે.
આ તસવીર શેર કરો
6/7
અંબાલાલ પટેલના જણાવ્યા મુજબ આશ્લેષા નક્ષત્રનું પાણી ખેતી માટે ખાસ અનુકૂળ માનવામાં આવતું નથી. તેથી વરાપ થયા બાદ જ કૃષિ કાર્યો કરવાની સલાહ આપવામાં આવી છે. તેમણે વધુમાં જણાવ્યું કે 15 ઓગસ્ટ સુધીમાં મધ્ય પ્રદેશમાં ભારે વરસાદના કારણે નર્મદા નદીનું જળસ્તર વધી શકે છે. તેની અસર ગુજરાતમાં પણ જોવા મળી શકે છે.
આ તસવીર શેર કરો
7/7
અંબાલાલ પટેલના જણાવ્યા મુજબ 17 અને 18 ઓગસ્ટ દરમિયાન મઘા નક્ષત્રમાં પણ સારો વરસાદ થવાની શક્યતા છે. મઘા નક્ષત્રનું પાણી ખેતી માટે લાભદાયક માનવામાં આવે છે. આ ઉપરાંત 23 ઓગસ્ટ બાદ પણ રાજ્યમાં સારો વરસાદ ચાલુ રહેવાની સંભાવના વ્યક્ત કરવામાં આવી છે. જેના કારણે ચોમાસું ફરી સક્રિય બનવાની આશા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
