બનાસકાંઠા / અજમલભાઈ ચૌધરી મારામારી કેસમાં મોટી કાર્યવાહી, મહંત બળદેવગીરીની અટકાયત, પોલીસ પૂછપરછ શરૂ

Ajmal Chaudhary Case : બનાસકાંઠામાં અજમલભાઇ ચૌધરી સાથે થયેલી મારામારીના ચકચારી કેસમાં પોલીસે મહત્વની કાર્યવાહી કરી છે. ઓગડ જાગીરમઠના મહંત બળદેવગીરીની બનાસકાંઠા પોલીસે અટકાયત કરી છે. પોલીસ દ્વારા તેમને બ્લેક કલરની કારમાં ડીસા તાલુકા મથકે લાવવામાં આવ્યા હતા, જ્યાં હાલ તેમની સઘન પૂછપરછ કરવામાં આવી રહી છે.

અજમલભાઇ ચૌધરી પર થયેલા હુમલાના મામલે મહંત બળદેવગીરી સામે ગંભીર આક્ષેપો કરવામાં આવ્યા હતા. ઘટનાને લઈને ફરિયાદ પક્ષ દ્વારા આરોપીઓ સામે કડક કાર્યવાહી કરવાની માંગ કરવામાં આવી રહી હતી. હવે પોલીસે મહંત બળદેવગીરીની અટકાયત કરી વધુ તપાસ હાથ ધરી છે.

ચૌધરી સમાજમાં જોવા મળ્યો હતો ભારે આક્રોશ

આ ઘટના બાદ ચૌધરી સમાજમાં ભારે રોષ જોવા મળ્યો હતો. સમાજના આગેવાનો દ્વારા આરોપીઓ સામે તાત્કાલિક અને કડક કાર્યવાહી કરવાની માંગ ઉઠાવવામાં આવી હતી. જો યોગ્ય કાર્યવાહી નહીં થાય તો 11 ઓગસ્ટે ગાંધીનગર સુધી રેલી યોજવાની જાહેરાત પણ કરવામાં આવી હતી.

આ પણ વાંચો : સેંકડો પરિવારોને પાણી પહોંચાડી ટાંકીમાં 'લીલુ પાણી', VTVના રિપોર્ટરે ટાંકીની અંદર ઉતરીને કર્યો ખુલાસો

એસપી સાથેની મુલાકાત બાદ કાર્યવાહી

ચૌધરી સમાજના આગેવાનો દ્વારા બનાસકાંઠા જિલ્લા પોલીસ વડા સાથે મુલાકાત કરીને સમગ્ર મામલે રજૂઆત કરવામાં આવી હતી. આરોપીઓ સામે નિષ્પક્ષ તપાસ અને કડક કાયદેસરની કાર્યવાહી કરવાની માંગ કરવામાં આવી હતી. આ રજૂઆત બાદ હવે પોલીસે મહંત બળદેવગીરીની અટકાયત કરી છે. હાલ પોલીસ સમગ્ર ઘટનાને લઈને તેમની પૂછપરછ કરી રહી છે. તપાસમાં વધુ વિગતો સામે આવે તેવી શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ