BIG NEWS / ગુજરાત હાઇકોર્ટનો મોટો નિર્ણય, 67 ડિસ્ટ્રિક્ટ, 63 સિવિલ અને 26 સિનિયર સિવિલ જજની બદલી, જુઓ આખું લિસ્ટ

ગુજરાત હાઇકોર્ટે રાજ્યની તાબાની અદાલતોમાં ન્યાયિક અધિકારીઓની મોટા પાયે બદલી અને બઢતીના આદેશો જાહેર કર્યા છે. વિવિધ કેડરના જજોની આંતર જિલ્લા બદલી, આંતરિક કોર્ટ બદલી તેમજ પ્રમોશન સાથે નવી નિમણૂકો કરવામાં આવી છે. તમામ અધિકારીઓએ પોતાની નવી જગ્યાએ 17 ઓગસ્ટ 2026 સુધીમાં ચાર્જ સંભાળવાનો રહેશે. હાઇકોર્ટના આ નિર્ણયથી સિવિલ જજ, સિનિયર સિવિલ જજ અને ડિસ્ટ્રિક્ટ જજ કેડરમાં વ્યાપક ફેરફાર કરવામાં આવ્યો છે.

63 સિવિલ જજની આંતર જિલ્લા બદલી

સિવિલ જજ કેડરમાં રાજ્યની તાબાની અદાલતોમાં કુલ 63 જજોની આંતર જિલ્લા બદલી કરવામાં આવી છે. આ ઉપરાંત વિવિધ જિલ્લાઓમાં એક જ કોર્ટ અંતર્ગત આંતરિક બદલીઓ પણ કરવામાં આવી છે.આંતરિક બદલીમાં અમદાવાદમાં 2, ભરૂચમાં 2, ભાવનગરમાં 1, દાહોદમાં 1, ગાંધીનગરમાં 1, કચ્છમાં 3, મહેસાણામાં 3, મોરબીમાં 1, રાજકોટમાં 6, સાબરકાંઠામાં 1, સુરતમાં 6 અને વડોદરામાં 2 સિવિલ જજનો સમાવેશ થાય છે.

સિનિયર સિવિલ જજ કેડરમાં ફેરફાર

સિનિયર સિવિલ જજ કેડરમાં 26 જજોની આંતરિક જિલ્લા બદલી કરવામાં આવી છે. જ્યારે 79 જજોને પ્રમોશન આપવામાં આવ્યું છે.આ કેડરમાં અમદાવાદમાં 37, અરવલ્લીમાં 1, બનાસકાંઠામાં 5, ભાવનગરમાં 2, દાહોદમાં 2, દ્વારકામાં 2, ગાંધીનગરમાં 4, ગીર સોમનાથમાં 1, જામનગરમાં 8, જુનાગઢમાં 3, કચ્છમાં 1, ખેડામાં 7, મહેસાણામાં 6, મોરબીમાં 3, નર્મદામાં 2, પાટણમાં 1, પોરબંદરમાં 2, રાજકોટમાં 21, સાબરકાંઠામાં 5, સુરતમાં 19, સુરેન્દ્રનગરમાં 2, વડોદરામાં 21 અને વલસાડમાં 2 જજોની આંતરિક બદલી કરવામાં આવી છે.

ડિસ્ટ્રિક્ટ જજ કેડરમાં પણ મોટા ફેરફાર

ડિસ્ટ્રિક્ટ જજ કેડરમાં કુલ 67 જજોની આંતરિક જિલ્લા બદલી કરવામાં આવી છે. ઉપરાંત પ્રમોશન સાથે ટ્રાન્સફર કરાયેલા 57 જજોને નવી જવાબદારીઓ સોંપવામાં આવી છે. આ સિવાય 86 જજોને એડિશનલ સેશન્સ અથવા સેશન્સ કોર્ટમાંથી સેશન્સ ડિવિઝનમાં મુકવામાં આવ્યા છે. આ બદલીઓમાં અમદાવાદમાં 9, અમરેલીમાં 2, આણંદમાં 4, અરવલ્લીમાં 1, બનાસકાંઠામાં 6, ભરૂચમાં 5, ભાવનગરમાં 3, બોટાદમાં 1, છોટા ઉદેપુરમાં 1, ગાંધીનગરમાં 4, જામનગરમાં 2, કચ્છમાં 8, ખેડામાં 1, મહેસાણામાં 5, મોરબીમાં 1, નવસારીમાં 1, પાટણમાં 2, રાજકોટમાં 8, સુરતમાં 17, સુરેન્દ્રનગરમાં 4 અને વડોદરામાં 11 જજનો સમાવેશ થાય છે.

આ પણ વાંચોઃ સેંકડો પરિવારોને પાણી પહોંચાડી ટાંકીમાં 'લીલુ પાણી', VTVના રિપોર્ટરે ટાંકીની અંદર ઉતરીને કર્યો ખુલાસો

ન્યાયિક વ્યવસ્થામાં વહીવટી ફેરફારો

ગુજરાત હાઇકોર્ટ દ્વારા કરવામાં આવેલી આ વ્યાપક બદલી અને બઢતીનો હેતુ રાજ્યની તાબાની અદાલતોમાં વહીવટી વ્યવસ્થા વધુ અસરકારક બનાવવાનો અને ન્યાયિક કામગીરીને વધુ સુવ્યવસ્થિત કરવાનો છે. નવી જગ્યાએ નિયુક્ત થયેલા તમામ જજોએ નિર્ધારિત સમયમર્યાદામાં ફરજ સંભાળવાની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ