દુખદ સમાચાર / તળાવમાં નહાવા ગયેલ 7 કિશોરો પૈકી 3નું ડૂબી જતાં મોત, પરિજનો સહિત પંથકમાં શોક

Daman Antiyava Lake : દમણથી એક દુ:ખદ સમાચાર સામે આવ્યા છે. એક તળાવમાં ડૂબી જવાથી 4 બાળકોના મોત થયા છે. પ્રાથમિક વિગતો મુજબ દમણના આંટિયાવાડ તળાવમાં 7 કિશોરો નહાવા ગયા હતા. જોકે આ 7માંથી 3 બાળકોના ડૂબી જવાથી મોત થયા છે. આ તરફ ફાયર ટીમ દ્વારા આ 3 કિશોરોના મૃતદેહોને બહાર કાઢવામાં આવ્યા છે. ઘટનાની જાણ થતાં મૃતકોના પરિજનો સહિત પંથકમાં શોકનો માહોલ વ્યાપી ગયો છે.

શું છે સમગ્ર મામલો ?

વલસાડ જિલ્લાની નજીક આવેલ સંઘ પ્રદેશ દમણના આંટિયાવાડ તળાવમાં ગઇકાલે સાંજે 7 જેટલા કિશોરો નહાવા પડ્યા હતા. જોકે આપણે ત્યાં કહેવત છે ને કે "ન જાણ્યું જાનકીનાથે કાલ સવારે શું થવાનું" તેની જેમ આ 7 પૈકી અત્યાર સુધી 3 બાળકોના મોત થયાનું સામે આવ્યું છે. આ સાથે અન્ય એક બાળકને સ્થાનિકોએ બચાવી લીધો હોવાનું પણ ખૂલ્યું છે.

પોલીસ અને ફાયર ટીમે મૃતદેહ બહાર કાઢ્યા

આ તરફ સમગ્ર ઘટનાની જાણ થતાં સ્થાનિક પોલીસ અને ફાયરની ટીમ ત્વરિત સ્થળ પર પહોંચી હતી અને રેસ્ક્યૂ ઓપરેશન હાથ ધર્યું હતું. જોકે હાલ સુધી મળતી માહિતી મુજબ 3 બાળકોના મૃતદેહ મળી આવ્યા છે.

આ પણ વાંચો : કાંકરિયા કાર્નિવલ 2025 માટે થઈ જાઓ તૈયાર, ખ્યાતનામ કલાકારો કરશે લાઈવ પર્ફોર્મન્સ, અહીં જાણો તમામ માહિતી

7 ડૂબ્યાં અને 3 બહાર આવ્યા અને પછી...

મળતી માહિતી પ્રમાણે દમણના આંટિયાવાડ તળાવમાં ન્હાવા પડેલા 7 કિશોરોમાંથી 4 કિશોરો અચાનક ડૂબવા લાગ્યા હતા. જોકે આ 7માંથી 3 બાળકોએ બહાર આવી અને મદદ માટે બૂમાબૂમ કરી મુકી હતી. જે બાદમાં તળાવમાં રહેલ એક બાળકને બચાવી લેવાયો તો અન્ય ત્રણના મૃતદેહ મળી આવ્યા છે. આ તરફ 3 કિશોરોના દુ:ખદ મોતને લઈ તેમના પરિજનોને માથે જાણે આભ ફાટી પડ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ