બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / આગામી 3 કલાક 14 જિલ્લાઓ માટે ભારે, 41થી 61 કિમીની ઝડપે ફૂંકાશે પવન, વરસાદનું રેડએલર્ટ
6 ફોટો ગેલેરી
Last Updated: 08:35 AM, 31 July 2026
FOLLOW ON
શેર કરો
1/6
ગુજરાતમાં વરસાદી સિસ્ટમ સક્રિય બનતા હવામાન વિભાગે નાવકાસ્ટ જાહેર કર્યું છે. વિભાગની આગાહી મુજબ આગામી 3 કલાક રાજ્યના અનેક વિસ્તારો માટે મહત્વપૂર્ણ રહેશે. આ દરમિયાન ભારે વરસાદ પડવાની શક્યતા વ્યક્ત કરવામાં આવી છે. સાથે જ ગાજવીજ સાથે 41થી 61 કિલોમીટર પ્રતિ કલાકની ઝડપે પવન ફૂંકાવાની પણ આગાહી કરવામાં આવી છે. હવામાન વિભાગે સ્થિતિને ધ્યાનમાં રાખીને વિવિધ જિલ્લાઓ માટે રેડ, ઓરેન્જ અને યેલો એલર્ટ જાહેર કર્યા છે.
આ તસવીર શેર કરો
2/6
હવામાન વિભાગ દ્વારા જાહેર કરાયેલા નાવકાસ્ટ મુજબ ખેડા, આનંદ, વડોદરા, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા અને નગર હવેલી, અમરેલી, ગીર સોમનાથ, દીવ, ભાવનગર અને બોટાદ જિલ્લામાં રેડ એલર્ટ જાહેર કરવામાં આવ્યું છે. આ જિલ્લાઓમાં આગામી 3 કલાક દરમિયાન ભારે વરસાદ પડવાની સાથે ગાજવીજ અને 41થી 61 કિલોમીટર પ્રતિ કલાકની ઝડપે પવન ફૂંકાઈ શકે છે. તેથી સ્થાનિક લોકોને જરૂરી સાવચેતી રાખવા સૂચના આપવામાં આવી છે.
આ તસવીર શેર કરો
3/6
આ ઉપરાંત સુરેન્દ્રનગર, રાજકોટ, જૂનાગઢ, પોરબંદર, અમદાવાદ, પંચમહાલ, દાહોદ અને છોટાઉદેપુર જિલ્લામાં ઓરેન્જ એલર્ટ જાહેર કરવામાં આવ્યું છે. આ વિસ્તારોમાં પણ વરસાદી માહોલ વધુ સક્રિય રહેવાની શક્યતા છે. ગાજવીજ સાથે વરસાદ અને તેજ પવનને લઈને લોકોને સતર્ક રહેવાની સલાહ આપવામાં આવી છે.
આ તસવીર શેર કરો
4/6
જ્યારે કચ્છ, મોરબી, જામનગર, દેવભૂમિ દ્વારકા, પાટણ, બનાસકાંઠા, મહેસાણા, સાબરકાંઠા, ગાંધીનગર, મહિસાગર અને અરવલ્લી જિલ્લામાં યેલો એલર્ટ જાહેર કરવામાં આવ્યું છે. આ વિસ્તારોમાં પણ વરસાદી ઝાપટાં, ગાજવીજ અને પવનની અસર જોવા મળી શકે છે.
આ તસવીર શેર કરો
5/6
હવામાન વિભાગે સ્પષ્ટ કર્યું છે કે આગામી 3 કલાક દરમિયાન હવામાનમાં ઝડપથી ફેરફાર થઈ શકે છે. ભારે વરસાદ સાથે વીજળીના કડાકા અને તેજ પવનને કારણે નીચાણવાળા વિસ્તારોમાં પાણી ભરાવાની તેમજ વાહનચાલકોને મુશ્કેલી પડી શકે છે. તેથી નાગરિકોને બિનજરૂરી મુસાફરી ટાળવા, ખુલ્લા મેદાનોમાં ઊભા ન રહેવા અને વીજળી પડવાની શક્યતા દરમિયાન સલામત સ્થળે રહેવા સલાહ આપવામાં આવી છે.
આ તસવીર શેર કરો
6/6
રાજ્યના વિવિધ જિલ્લાઓ માટે જાહેર કરાયેલા આ નાવકાસ્ટને ધ્યાનમાં રાખીને સ્થાનિક તંત્ર પણ સતર્ક બન્યું છે. આગામી થોડા કલાકો દરમિયાન હવામાનની સ્થિતિ પર સતત નજર રાખવામાં આવી રહી છે. નાગરિકોને હવામાન વિભાગ દ્વારા આપવામાં આવતી નવીનતમ સૂચનાઓનું પાલન કરવા અને જરૂરી સાવચેતી રાખવા અપીલ કરવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
