બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / ગુજરાતમાં છેલ્લા 24 કલાકમાં વરસાદની ધમાકેદાર બેટિંગ, 172 તાલુકામાં મેઘમહેર
6 ફોટો ગેલેરી
Last Updated: 08:29 AM, 3 July 2026
FOLLOW ON
શેર કરો
1/6
ગુજરાતમાં છેલ્લા 24 કલાક દરમિયાન ચોમાસાએ જોરદાર હાજરી નોંધાવી છે. રાજ્યના કુલ 172 તાલુકામાં નોંધપાત્ર વરસાદ વરસ્યો છે, જેના કારણે અનેક વિસ્તારોમાં વરસાદી માહોલ જામ્યો છે. સતત વરસાદને કારણે ખેડૂતોમાં ખુશીનો માહોલ જોવા મળી રહ્યો છે, જ્યારે ગરમી અને ઉકળાટમાંથી લોકોને રાહત મળી છે. ખાસ કરીને સૌરાષ્ટ્ર વિસ્તારમાં અનેક તાલુકાઓમાં ભારે વરસાદ નોંધાયો છે. વરસાદના કારણે નીચાણવાળા વિસ્તારોમાં પાણી ભરાવાની સ્થિતિ પણ સર્જાઈ હતી, પરંતુ ચોમાસાના આ વરસાદથી જળાશયો અને ખેતી માટે લાભદાયી સ્થિતિ ઊભી થઈ છે
આ તસવીર શેર કરો
2/6
છેલ્લા 24 કલાક દરમિયાન સૌથી વધુ વરસાદ જૂનાગઢ જિલ્લાના માંગરોળ તાલુકામાં નોંધાયો છે. અહીં 12.65 ઇંચ વરસાદ વરસ્યો હતો, જે રાજ્યમાં સૌથી વધુ રહ્યો છે. ત્યારબાદ સુત્રાપાડામાં 12.36 ઇંચ વરસાદ નોંધાયો છે. કેશોદમાં 10.94 ઇંચ અને પાટણ-વેરાવળમાં 10.08 ઇંચ વરસાદ નોંધાતા આ વિસ્તારોમાં પણ ભારે વરસાદી માહોલ જોવા મળ્યો હતો. માંળીયા હાટીનામાં 9.13 ઇંચ અને માણાવદરમાં 9.06 ઇંચ વરસાદ નોંધાયો હતો, જેના કારણે અનેક વિસ્તારોમાં પાણી ભરાવાની સ્થિતિ સર્જાઈ હતી.
આ તસવીર શેર કરો
3/6
ઉત્તર ગુજરાતમાં પણ વરસાદની સારી અસર જોવા મળી છે. મહેસાણા જિલ્લાના કડી તાલુકામાં 8.85 ઇંચ વરસાદ નોંધાયો છે. જ્યારે જામજોધપુરમાં 7.05 ઇંચ વરસાદ વરસ્યો હતો. ગીર સોમનાથ જિલ્લાના કોડીનારમાં 5.98 ઇંચ અને પોરબંદર જિલ્લાના કુતિયાણામાં 5.79 ઇંચ વરસાદ નોંધાયો છે. આ ઉપરાંત વિસાવદરમાં 4.06 ઇંચ વરસાદ નોંધાતા સમગ્ર વિસ્તારમાં ચોમાસાનો માહોલ વધુ મજબૂત બન્યો છે.
આ તસવીર શેર કરો
4/6
દક્ષિણ ગુજરાતમાં પણ વરસાદનું જોર યથાવત રહ્યું છે. વલસાડમાં 3.98 ઇંચ વરસાદ નોંધાયો છે, જ્યારે વંથલીમાં 3.90 ઇંચ વરસાદ વરસ્યો હતો. સુરત જિલ્લાના ઓલપાડમાં 3.78 ઇંચ વરસાદ નોંધાયો છે. રાજકોટ જિલ્લાના ઉપલેટામાં 3.58 ઇંચ વરસાદ પડતા સ્થાનિક લોકોને ગરમીમાંથી રાહત મળી છે. રાજ્યના વિવિધ વિસ્તારોમાં સતત વરસી રહેલા વરસાદથી નદીઓ, તળાવો અને જળાશયોમાં નવા પાણીની આવક શરૂ થઈ છે, જે આવનારા દિવસોમાં પાણીની ઉપલબ્ધિ માટે લાભદાયી બની શકે છે.
આ તસવીર શેર કરો
5/6
દક્ષિણ ગુજરાતમાં પણ વરસાદનું જોર યથાવત રહ્યું છે. વલસાડમાં 3.98 ઇંચ વરસાદ નોંધાયો છે, જ્યારે વંથલીમાં 3.90 ઇંચ વરસાદ વરસ્યો હતો. સુરત જિલ્લાના ઓલપાડમાં 3.78 ઇંચ વરસાદ નોંધાયો છે. રાજકોટ જિલ્લાના ઉપલેટામાં 3.58 ઇંચ વરસાદ પડતા સ્થાનિક લોકોને ગરમીમાંથી રાહત મળી છે. રાજ્યના વિવિધ વિસ્તારોમાં સતત વરસી રહેલા વરસાદથી નદીઓ, તળાવો અને જળાશયોમાં નવા પાણીની આવક શરૂ થઈ છે, જે આવનારા દિવસોમાં પાણીની ઉપલબ્ધિ માટે લાભદાયી બની શકે છે.
આ તસવીર શેર કરો
6/6
રાજ્યમાં ચોમાસાની ગતિ સતત મજબૂત બની રહી છે અને હવામાન વિભાગની આગાહી મુજબ આગામી દિવસોમાં પણ અનેક વિસ્તારોમાં વરસાદ ચાલુ રહેવાની શક્યતા છે. ખાસ કરીને સૌરાષ્ટ્ર, દક્ષિણ ગુજરાત અને મધ્ય ગુજરાતના વિસ્તારોમાં વધુ વરસાદની સંભાવના વ્યક્ત કરવામાં આવી રહી છે. વરસાદને કારણે ખેડૂતોમાં ખુશીનો માહોલ છે, કારણ કે ખેતી માટે અનુકૂળ પરિસ્થિતિ સર્જાઈ રહી છે. જોકે ભારે વરસાદ દરમિયાન નીચાણવાળા વિસ્તારોમાં રહેતા લોકોને સાવચેતી રાખવાની અને સ્થાનિક તંત્રની સૂચનાઓનું પાલન કરવાની સલાહ આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
