બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / ગુજરાતામાં વરસાદને લઈ હવામાન વિભાગની મોટી આગાહી, આ તારીખે ખાબકશે ધોધમાર વરસાદ
5 ફોટો ગેલેરી
Last Updated: 04:30 PM, 10 July 2026
FOLLOW ON
શેર કરો
1/5
ગુજરાતમાં છેલ્લા બે દિવસથી વરસાદી પ્રવૃત્તિમાં નોંધપાત્ર ઘટાડો જોવા મળ્યો છે. રાજ્યના મોટાભાગના વિસ્તારોમાં વરસાદે વિરામ લીધો છે, જ્યારે એકાદ-બે સ્થળોએ હળવા ઝાપટાં નોંધાયા છે. હવામાન વિભાગની આગાહી મુજબ આગામી સાત દિવસ દરમિયાન રાજ્યમાં વ્યાપક વરસાદની શક્યતા ઓછી છે. જોકે, દક્ષિણ ગુજરાત અને સૌરાષ્ટ્રના કેટલાક વિસ્તારોમાં છૂટાછવાયા સ્થળોએ હળવાથી મધ્યમ વરસાદ પડી શકે છે. આજે પણ રાજ્યના અનેક વિસ્તારોમાં વાદળછાયું વાતાવરણ જોવા મળ્યું હતું, જેના કારણે અમુક સ્થળોએ હળવા વરસાદની શક્યતા યથાવત્ છે. હાલ વરસાદી સિસ્ટમ નબળી પડતાં રાજ્યમાં ભારે વરસાદની સંભાવના ઓછી હોવાનું હવામાન વિભાગે જણાવ્યું છે.
આ તસવીર શેર કરો
2/5
ગુજરાતમાં ચોમાસાની ગતિવિધિ યથાવત રહેવાની શક્યતા વચ્ચે હવામાન વિભાગે 10 અને 11 જુલાઈ, 2026 દરમિયાન રાજ્યના વિવિધ વિસ્તારોમાં હળવાથી મધ્યમ વરસાદની આગાહી વ્યક્ત કરી છે. ઉત્તર ગુજરાતના મહેસાણા, બનાસકાંઠા અને ગાંધીનગર સહિતના જિલ્લાઓમાં વરસાદી ઝાપટાં પડી શકે છે. ઉપરાંત મધ્ય ગુજરાતના અમદાવાદ, વડોદરા અને આણંદમાં પણ હળવા વરસાદની શક્યતા છે. સૌરાષ્ટ્રના રાજકોટ, જૂનાગઢ અને જામનગર તેમજ કચ્છ વિસ્તારમાં પણ છૂટાછવાયા વરસાદની સંભાવના છે. દક્ષિણ ગુજરાતના સુરત, નવસારી અને વલસાડ સહિતના વિસ્તારોમાં પણ હળવા વરસાદી ઝાપટાં વરસી શકે છે. હવામાન વિભાગે લોકોને સ્થાનિક હવામાન અપડેટ પર નજર રાખવાની અને જરૂરી સાવચેતી રાખવાની સલાહ આપી છે.
આ તસવીર શેર કરો
3/5
ગુજરાતમાં 12 જુલાઈ 2026ના રોજ દક્ષિણ અને મધ્ય ગુજરાત તેમજ સૌરાષ્ટ્રના કેટલાક જિલ્લાઓમાં હળવાથી મધ્યમ વરસાદની શક્યતા છે. પોરબંદર, જૂનાગઢ, રાજકોટ, અમરેલી, ગીર સોમનાથ, ભાવનગર, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં વરસાદી ઝાપટાં પડવાની સંભાવના વ્યક્ત કરવામાં આવી છે. બીજી તરફ અમદાવાદ, ગાંધીનગર, મહેસાણા સહિત રાજ્યના અન્ય જિલ્લાઓમાં વરસાદની શક્યતા ઓછી હોવાથી હવામાન મુખ્યત્વે શુષ્ક રહેવાની શક્યતા છે.
આ તસવીર શેર કરો
4/5
13 જુલાઈ 2026ના રોજ ગુજરાતમાં વરસાદી પ્રવૃત્તિ મુખ્યત્વે દક્ષિણ અને મધ્ય ગુજરાત તેમજ સૌરાષ્ટ્રના કેટલાક વિસ્તારોમાં મર્યાદિત રહેવાની શક્યતા છે. હવામાન વિભાગના અનુમાન મુજબ જૂનાગઢ, ગીર સોમનાથ, અમરેલી, ભાવનગર, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લાઓમાં છૂટાછવાયા સ્થળોએ હળવાથી મધ્યમ વરસાદ વરસી શકે છે. બીજી તરફ રાજકોટ, અમદાવાદ, ગાંધીનગર, મહેસાણા સહિત રાજ્યના અન્ય જિલ્લાઓમાં વરસાદની શક્યતા ન હોવાને કારણે વાતાવરણ સામાન્ય રીતે સૂકું રહેવાની સંભાવના વ્યક્ત કરવામાં આવી છે.
આ તસવીર શેર કરો
5/5
ગુજરાતમાં 15 અને 16 જુલાઈ, 2026 દરમિયાન દક્ષિણ અને સૌરાષ્ટ્રના કેટલાક જિલ્લાઓમાં છૂટાછવાયા સ્થળોએ હળવાથી મધ્યમ વરસાદની શક્યતા વ્યક્ત કરવામાં આવી છે. આગાહી મુજબ જૂનાગઢ, અમરેલી, ગીર સોમનાથ, ભાવનગર, નર્મદા, સુરત, તાપી, નવસારી, ડાંગ અને વલસાડ જિલ્લામાં વરસાદી ઝાપટાં પડી શકે છે. બીજી તરફ વડોદરા, રાજકોટ, અમદાવાદ, ગાંધીનગર, મહેસાણા સહિત રાજ્યના બાકીના વિસ્તારોમાં આ સમયગાળા દરમિયાન વરસાદની શક્યતા ઓછી હોવાથી વાતાવરણ મુખ્યત્વે શુષ્ક રહેવાની સંભાવના છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
