ગાંધીનગર / ગિફ્ટ સિટી હવે માત્ર ફાઇનાન્સ નહીં, ફૂડ એન્ડ બેવરેજનું પણ બનશે નવું ડેસ્ટિનેશન

નેશનલ રેસ્ટોરન્ટ એસોસિયેશન ઓફ ઇન્ડિયા (NRAI) દ્વારા 19 અને 20 ઓગસ્ટે ગિફટ સિટીમાં નેશનલ ફૂડ ડિલિવરી સમિટ યોજાશે. દેશભરમાંથી અંદાજે ૧,૫૦૦ બ્રાન્ડ્સ તેમાં ભાગ લેશે. ગુજરાત ચેપ્ટર દ્વારા આયોજિત આ સમિટ માટે ગિફટ સિટીની પસંદગી સંગઠિત ફૂડ એન્ડ બેવરેજ ક્ષેત્રના વધતા રસને ધ્યાનમાં રાખીને કરવામાં આવી છે.

NRAI ગુજરાતના ચેરમેન આનલ કોટકના જણાવ્યા મુજબ ગુજરાતની દારૂબંધીની નીતિના કારણે અગાઉ ઘણી મોટી બ્રાન્ડ્સ રાજ્યમાં આવતી નહોતી, પરંતુ ગિફટ સિટીમાં નિયમો સરળ બનતા અને કરમાં રાહત મળતાં હવે અનેક રાષ્ટ્રીય અને આંતરરાષ્ટ્રીય બ્રાન્ડ્સ અહીં કામગીરી શરૂ કરવા વિચારી રહી છે.

સમિટ દરમિયાન ગિફટ સિટીના અધિકારીઓ અને રાજ્ય સરકારના પ્રતિનિધિઓ ફૂડ એન્ડ બેવરેજ બ્રાન્ડ્સ સાથે સીધી ચર્ચા કરશે. ગિફટ સિટીની

આધુનિક સુવિધાઓ, બજારની સંભાવનાઓ અને રોકાણની તકો અંગે માહિતી આપવામાં આવશે. આયોજકોના જણાવ્યા મુજબ ઓર્ગેનાઈઝ્ડ ડાઇનિંગ, ક્વિક સર્વિસ રેસ્ટોરન્ટ, ક્લાઉડ કિચન અને ફૂડ ડિલિવરી ક્ષેત્રની બ્રાન્ડ્સ માટે ગિફટ સિટી આકર્ષક કેન્દ્ર બની રહી છે.

આ પણ વાંચોઃ ગુજરાતમાં ચાંદીપુરાનો કહેર, હિંમતનગરમાં 1 અને ગોધરામાં 2 બાળકોનાં મોત

ગિફટ સિટીના અધિકારીઓનું માનવું છે કે જાણીતી ફૂડ એન્ડ બેવરેજ બ્રાન્ડ્સના આગમનથી સામાજિક અને લાઈફસ્ટાઈલ સંબંધિત માળખાકીય સુવિધાઓનો વધુ વિકાસ થશે, જે નાણાકીય જિલ્લામાં વૈશ્વિક પ્રતિભાને આકર્ષવા અને જાળવી રાખવામાં પણ મહત્ત્વની ભૂમિકા ભજવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ