ગુજરાત / પ્લોટ વિહોણાઓ માટે ગુજરાત સરકારનો મહત્વનો નિર્ણય, જાણો વિગત

રાજ્યમાં પ્લોટ વિહોણા લોકો માટે મોટા સમાચાર સામે આવ્યા છે. રાજ્ય સરકારે પ્લોટ વિહોણા પરિવારોને પ્લોટ ફાળવવાની પ્રક્રિયાને વધુ સરળ અને અસરકારક બનાવવા માટે મહત્વનો નિર્ણય લીધો છે. નવા નિયમો મુજબ જો સરકારી જમીન ઉપલબ્ધ નહીં હોય તો સરકાર ખાનગી જમીન ખરીદીને લાભાર્થીઓને પ્લોટ ફાળવશે. આ નિર્ણયથી લાંબા સમયથી પ્લોટની રાહ જોઈ રહેલા અનેક પરિવારોને રાહત મળવાની આશા વ્યક્ત કરવામાં આવી રહી છે.

સરકારના નિર્ણય અનુસાર સરકારી જમીન અથવા સરકારી ખરાબાની જમીન ઉપલબ્ધ ન હોય તેવી સ્થિતિમાં ખાનગી જમીન ખરીદી શકાશે. ખાનગી જમીન ખરીદીને પ્લોટ ફાળવવાની સમગ્ર પ્રક્રિયા જિલ્લા કક્ષાએ કરવામાં આવશે. આ માટે જિલ્લા સ્તરે જરૂરી કાર્યવાહી કરવામાં આવશે જેથી લાભાર્થીઓને સમયસર પ્લોટ ફાળવી શકાય.

વિસ્તારની નજીક જમીન ઉપલબ્ધ થાય તે માટે ખાસ ધ્યાન રાખવામાં આવશે

નવા નિયમોમાં એ પણ સ્પષ્ટ કરવામાં આવ્યું છે કે ખાનગી જમીનની ખરીદી રહેણાંક વિસ્તારની આસપાસ જ કરી શકાશે. એટલે કે લાભાર્થીઓને વસવાટ માટે યોગ્ય અને સુવિધાસભર વિસ્તારની નજીક જમીન ઉપલબ્ધ થાય તે માટે ખાસ ધ્યાન રાખવામાં આવશે. સરકારનો પ્રયાસ રહેશે કે લોકોને રોજિંદા જીવન માટે જરૂરી સુવિધાઓથી દૂર ન જવું પડે.

સ્થિતિમાં ખાનગી જમીન ખરીદવી ફરજિયાત

સરકારે વધુ એક મહત્વની જોગવાઈ પણ કરી છે. જો કોઈ વિસ્તારમાં સરકારી ખરાબાની જમીન અથવા અન્ય સરકારી જમીન ઉપલબ્ધ ન હોય અને ત્યાં 10 કરતાં વધુ કુટુંબોને પ્લોટ ફાળવવાના બાકી હોય, તો આવી સ્થિતિમાં ખાનગી જમીન ખરીદવી ફરજિયાત રહેશે. આ નિયમનો હેતુ પ્લોટ ફાળવણીની પ્રક્રિયામાં વિલંબ ન થાય અને પાત્ર પરિવારોને ઝડપથી લાભ મળી શકે તે છે.

કરાયેલા જંત્રી દરના આધારે નક્કી કરવામાં

ખાનગી જમીનની ખરીદી જંત્રીના આધારે કરવામાં આવશે. એટલે કે જમીનની કિંમત સરકાર દ્વારા નક્કી કરાયેલા જંત્રી દરના આધારે નક્કી કરવામાં આવશે. આથી જમીનની ખરીદીમાં પારદર્શિતા જળવાઈ રહેશે અને યોગ્ય મૂલ્યે જમીન ખરીદી શકાય તેવી વ્યવસ્થા કરવામાં આવી છે.

પંચાયત વિભાગે વિસ્તૃત નિયમો જાહેર કર્યા

આ સમગ્ર પ્રક્રિયા માટે પંચાયત વિભાગે વિસ્તૃત નિયમો જાહેર કર્યા છે. ખાનગી જમીન ખરીદી અને પ્લોટ ફાળવણીને લઈને સ્પષ્ટ માર્ગદર્શિકા બહાર પાડવામાં આવી છે જેથી જિલ્લા કક્ષાએ કામગીરી સરળતાથી થઈ શકે. નવા નિયમો અમલમાં આવતા પ્લોટ વિહોણા પરિવારોને વધુ ઝડપથી પ્લોટ ફાળવવાની પ્રક્રિયા આગળ વધશે તેવી અપેક્ષા છે.

આ પણ વાંચો : જૂની ઓફિસ તોડીને હતો જીમ બનાવવાનો પ્લાન, પરંતુ AMCએ આ શું કરી નાખ્યું?

રાજ્ય સરકારના આ નિર્ણયને પ્લોટ વિહોણા લોકો માટે મહત્વપૂર્ણ પહેલ તરીકે જોવામાં આવી રહ્યો છે. સરકારી જમીન ઉપલબ્ધ ન હોવા છતાં હવે ખાનગી જમીન ખરીદીને પ્લોટ ફાળવવાની વ્યવસ્થા કરવામાં આવતા અનેક પાત્ર પરિવારોને પોતાના રહેઠાણ માટે જમીન મેળવવાનો માર્ગ સરળ બનશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ