કાર્યવાહી / રાજ્યમાં એકસાથે 29 તલાટીઓની બદલી, એ પણ એક જ જિલ્લામાં, જાણો કેમ

Talati Transfer : રાજ્યમાં એકસાથે 29 તલાટીઓની બદલીને વહીવટીતંત્રમાં ચકચાર મચી ગઈ છે. વિગતો મુજબ પંચમહાલ જિલ્લામાં તાજેતરમાં સામે આવેલા બોગસ લગ્ન કૌભાંડ બાદ જિલ્લા વહીવટીતંત્ર હરકતમાં આવ્યું છે. આ મામલે જિલ્લા વિકાસ અધિકારીએ કડક વલણ અપનાવીને જિલ્લામાં એકસાથે 29 તલાટીઓની આંતરિક બદલીના આદેશ આપ્યા છે. એક જ જિલ્લામાં આટલી મોટી સંખ્યામાં થયેલી બદલીથી તંત્રમાં ચકચાર મચી ગઈ છે.

શું છે સમગ્ર મામલો ?

પંચમહાલ જિલ્લામાં તાજેતરમાં સામે આવેલા બોગસ લગ્ન કૌભાંડ બાદ અનેક સવાલો ઊભા થયા હતા. આ સાથે કેટલાક તલાટીઓ છેલ્લા દસ વર્ષથી વધુ સમયથી એક જ પંચાયતમાં ફરજ બજાવી રહ્યા હતા. જોકે હવે તંત્ર દ્વારા એક સાથે 29 તલાટીઓના બદલીના આદેશ કરવામાં આવી છે.લાંબા સમયથી એક જ જગ્યાએ અડિંગો જમાવીને બેઠેલા તલાટીઓ સામે કાર્યવાહી કરવા માટે આ નિર્ણય લેવાયો હોવાનું જણાવાઈ રહ્યું છે.

આ પણ વાંચો : શું તમે તો નથી ખાતા ને ભેળસેળીયું ઘી? ફૂડ એન્ડ ડ્રગ્સના દરોડામાં ઝડપાયો શંકાસ્પદ જથ્થો

પંચમહાલ જિલ્લાના જાંબુઘોડા, ઘોઘંબા, કાલોલ, હાલોલ, ગોધરા અને મોરવા હડફ તાલુકાઓમાં ફરજ બજાવતા તલાટીઓની આ આંતરિક બદલી કરવામાં આવી છે. ખાસ કરીને લગ્ન નોંધણી સહિતની કામગીરીમાં પારદર્શિતા જળવાઈ રહે તે માટે વહીવટીતંત્ર દ્વારા કડક નિયંત્રણો લાદવામાં આવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ