ગુજરાત / હવે ભ્રષ્ટાચારીઓનું આવી બન્યું, સરકારે લીધો મોટો અને મહત્વનો નિર્ણય

Gujarat Panchayat Act : ગુજરાત સરકારના પંચાયત વિભાગે રાજ્યમાં પારદર્શિતા અને જવાબદારી વધારવા માટે મહત્વપૂર્ણ પગલું ભર્યું છે. ગુજરાત પંચાયત અધિનિયમ, 1993 હેઠળ નવા નિયમો જાહેર કરવામાં આવ્યા છે જેમાં ભ્રષ્ટાચાર અને ગેરરીતિના આરોપોને લઈ સખત કાર્યવાહી માટેની જોગવાઈઓનો સમાવેશ કરવામાં આવ્યો છે.

જાણો શું છે આ નવા નિયમો ?

નવા નિયમો મુજબ કોઈપણ નાગરિક ભ્રષ્ટાચાર સહિતની ફરિયાદ કરી શકે છે. ફરિયાદીએ સંબંધિત પુરાવાઓ સાથે અરજી જિલ્લા પંચાયત અથવા વિકાસ કમિશનર સમક્ષ રજૂ કરવી રહેશે. ફરિયાદ પ્રાપ્ત થયા બાદ જો પ્રાથમિક તપાસ દરમિયાન ફરિયાદ યોગ્ય જણાય તો સંબંધિત અધિકારી સામે તપાસ શરૂ કરવામાં આવશે. અધિકારીને શો કોઝ નોટિસ આપી જવાબ માગવામાં આવશે અને યોગ્ય તાપસ પ્રક્રિયા હાથ ધરાશે.

આ પણ વાંચો : ત્રણ પેટ્રોલ પંપના માલિકે બે દિકરીઓ સાથે જીવન ટુંકાવ્યું, નર્મદા કેનાલમાં ઝંપલાવ્યું

જો કોઈ ખોટી ફરિયાદ કરશે તો ?

સરકાર દ્વારા જાહેર કરાયેલા નિયમોમાં એ પણ સ્પષ્ટ કરવામાં આવ્યું છે કે, જો કોઈ વ્યક્તિ વારંવાર ખોટી અથવા અસત્ય ફરિયાદો કરશે તો તેના સામે પણ કાનૂની કાર્યવાહી હાથ ધરવામાં આવશે.

અહીં જુઓ સત્તાવાર જાહેરનામું : Gujarat Panchayat Act 1993 New Rule 2025

શું કહ્યું પંચાયત વિભાગે ?

પંચાયત વિભાગે જણાવ્યું છે કે, આ નવા નિયમોનો હેતુ સ્થાનિક સ્વરાજ્ય સંસ્થાઓમાં સ્વચ્છ શાસન, પારદર્શિતા અને જવાબદારી સુનિશ્ચિત કરવો છે. નવા નિયમો સાથેનું વિગતવાર જાહેરનામું પંચાયત વિભાગ દ્વારા પ્રસિદ્ધ કરવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ