અમદાવાદ / હવે વટવાના વાનર વટ તળાવની આસપાસ ચાલ્યો તંત્રનો હથોડો, 400થી વધુ ગેરકાયદે દબાણો વિરૂદ્ધ એક્શન

Ahmedabad Vatva Mega Demolition: ગુજરાત સરકાર અને અમદાવાદ મ્યુનિસિપલ કોર્પોરેશન હેઠળ આવેલા તળાવોમાંથી દબાણો દૂર કરીને તળાવને ડેવલપ કરવાની ક્રિયા સરકારે હાથ ધરી છે અને તે અંતર્ગત અમદાવાદમાં ચંડોળા અને ઇસનપુર આ બે વિસ્તરારોમાં ગેરકાયદે દબાણો દૂર કરવામાં આવ્યા છે ને હવે આજે મેગા ડિમોલોશન અમદાવાદના વટવા તળાવ ખાતે હાથ ધરવામાં આવ્યું છે.

વટવાના વાનર વટ તળાવ પરના ગેરકાયદે દબાણ દૂર કરવા તંત્રએ કાર્યવાહી હાથ ધરી છે ત્યારે આજે સવારથી જ વાનર વટ તળાવ આસપાસના 400થી વધુ દબાણ દૂર કરવા માટે તંત્ર કામે લાગ્યું છે.

આજે વહેલી સવારથી કુલ 4 ફેઝમાં 8 ટીમે ડિમોલિશન કામગીરી શરૂ કરી છે અને આજે બપોર સુધીમાં આ કામ પૂરું થશે. આ પ્રક્રિયા શાંતિપૂર્ણ રીતે પૂરી થાય એ માટે સાવરથી જ શહેરના ઝોન 6 પોલીસ સ્ટેશનના 500 જવાનો અને કોર્પોરેશનનો 300 કામર્ચારીઓનો સ્ટાફ કામે લાગ્યો છે. આ સાથે 12 હિટાચી અને 7 JCB મશીન તેમજ શ્રમિકોની મદદથી દબાણો દૂર કરાઈ રહ્યા છે.

અમદાવાદમાં કોર્પોરેશનના હસ્તકના તળાવોના રીડેવલેપમેન્ટ અને તળાવના બ્યુટીફિકેશન કરવાના હેતુસર તળાવોની આસપાસથી ગેરકાયદે દબાણો દૂર કરીને ત્યાં જગ્યા કરવામાં આવી રહી છે. વટવા વાનર વટ તળાવ આસપાસની 28 હજાર ચોરસ મીટર જમીન ખુલ્લી કરાશે અને ત્યાં ભવિષ્યમાં તળાવની બ્યુટીફીકેશન કરવામાં આવશે. હાલ આ 28000 ચોરસ મીટર જગ્યા પર 430 જેટલી દુકાનો અને મકાનોનું બાંધકામ થયેલું છે.

આ પણ વાંચો: નો હેલ્મેટ, નો સેફ્ટી બેલ્ટ, અને 10 ફૂટ ઊંચાઈએથી શ્રમિક પટકાતાં...! ગંભીરા બ્રિજના કોન્ટ્રાક્ટરની 'ગંભીર'

ઉલ્લેખનીય છે કે આ 28000 ચોરસ મીટર જગ્યામાં ગેરકાયદે દબાણને કારણે વટવા વિસ્તારમાં વરસાદી પાણીનો ભરવો થતો હતો. અને કાયમી આ વિસ્તારમાં પાણી ભરવાની સમસ્યાથી શહેરીજનો પરેશાન પણ હતા. ગટરના પાણીના નિકાલ માટેની વ્યવસ્થા કરવા માટે પણ ડિમોલિશન હાથ ધરાયું છે.

જો કે હાલ આ વિસ્તારમાં રહેતા લોકોને આ ડિમોલિશનના લીધે તકલીફ ના પડે તે માટે કોર્પોરેશન દ્વારા જે લોકો પાસે વર્ષ 2010 પહેલાના રહેણાંકના પુરાવા હશે તેમના રહેવાની વૈકલ્પિક વ્યવસ્થા કરાશે અને ઉપરાંત હાલ ધાર્મિક સિવાયના દબાણો હટાવાશે .

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ