સર્વે / બીજી લહેર બાદ ગુજરાતના આ શહેરમાં 70 ટકા લોકોમાં એન્ટિબોડી, સિરો સર્વેમાં મોટો ખુલાસો

• ગુજરાત સહિત આખા દેશમાં કોરોનાનો કહેર 
• બીજી લહેરે આખા દેશમાં મચાવી તબાહી 
• અમદાવાદમાં પાંચમા સિરો સર્વેના પ્રાથમિક તારણો સામે આવ્યા 

ગુજરાત સહિત આખો દેશ કોરોના વાયરસ સામે લડી રહ્યો છે. મહામારીએ દેશના હજારો વિખાવી નાંખ્યા છે અને લહેરમાં દેશમાં મોટી તબાહી જોવા મળી હતી. ગુજરાતમાં પણ દર્દીઓએ અનેક સમસ્યાઓનો સામનો કરવો પડ્યો હતો. 

અમદાવાદમાં પાંચમો સર્વે 
ગુજરાતના બે સૌથી મોટા શહેર અમદાવાદ અને સુરતમાં કોરોના વાયરસના કારણે સૌથી વધારે ત્રાહિમામ જોવાં મળી હતી. દર્દીઓ માટેના બેડ ખૂટી પડ્યા હતા જ્યારે વધતી મહામારીના કારણે લાખો લોકો પ્રભાવિત થયા હતા. એવામાં હવે પાંચમો સિરો સર્વે પણ સામે આવી રહ્યો છે. અમદાવાદમાં કરવામાં આવેલા પાંચમા સિરો સર્વે બાદ જે પ્રાથમિક તારણ સામે આવ્યું છે તે પરથી જાણી શકાય છે કે બીજી લહેરનો કહેર કેટલો હતો. 

70 ટકા લોકોમાં જોવા મળી રહી છે એન્ટિબોડી, પહેલા કરતાં ઘણી વધારે 
કોરોના વાયરસની બીજી ભયંકર લહેર બાદ ગુજરાતના અમદાવાદમાં 70 ટકા લોકોના શરીરમાં એન્ટિબોડી વિકસિત થઈ ગઈ છે. અમદાવાદના તંત્ર દ્વારા મે મહિનાના અંતથી લઈને જૂન મહિનાના પહેલા સપ્તાહની વચ્ચે કરવામાં આવેલા સર્વેમાં આ મોટો ખુલાસો સામે આવ્યો છે. પ્રાથમિક પરિણામો અનુસાર અમદાવાદમાં 70 ટકા વસ્તીમાં એન્ટિબોડી જોવા મળી છે.  

પહેલા કેટલા ટકા લોકોમાં હતી એન્ટિબોડી 
નોંધનીય છે કે આ સર્વે 15 હજાર લોકો પર આ સર્વે કરવામાં અવાયો હતો. પહેલા ફેબ્રુઆરી મહિનામાં સિરો સર્વ કરવામાં આવ્યો હતો જેમાં 28 ટકા પ્રજામાં કોરોના વાયરસ સામે એન્ટિબોડી જોવા મળી હતી. આટલું જ નહીં ગયા વર્ષે જૂન મહિનામાં કરવામાં આવેલા સર્વે અનુસાર માત્ર 18 ટકા લોકોમાં જ એન્ટિબોડી હતી.