બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / વડોદરામાં ધોધમાર વરસાદની સંભવાની , અંબાલાલ પટેલની આગાહી, આ બે દિવસ મેઘો કરશે તાંડવ
5 ફોટો ગેલેરી
Last Updated: 12:24 PM, 3 July 2026
FOLLOW ON
શેર કરો
1/5
ગુજરાતમાં આગામી બે દિવસ દરમિયાન ભારે વરસાદી માહોલ રહેવાની શક્યતા વ્યક્ત કરવામાં આવી છે. હવામાન નિષ્ણાત અંબાલાલ પટેલના જણાવ્યા મુજબ આગામી 48 કલાક રાજ્યના અનેક વિસ્તારો માટે મહત્વપૂર્ણ રહેશે. તેમણે ખાસ કરીને અમદાવાદ અને ગાંધીનગરમાં ભારે વરસાદની શક્યતા વ્યક્ત કરી છે. છેલ્લા કેટલાક દિવસોથી રાજ્યમાં અનેક વિસ્તારોમાં સારો વરસાદ નોંધાઈ રહ્યો છે અને હવે આગામી દિવસોમાં પણ વરસાદનું જોર યથાવત રહેવાની સંભાવના છે. અંબાલાલ પટેલના જણાવ્યા મુજબ વરસાદી સિસ્ટમ વધુ સક્રિય બનતા મધ્ય ગુજરાત અને ઉત્તર ગુજરાતના કેટલાક વિસ્તારોમાં પણ વરસાદનું પ્રમાણ વધી શકે છે.
આ તસવીર શેર કરો
2/5
અંબાલાલ પટેલે જણાવ્યું છે કે 6 જુલાઈ સુધી વડોદરાના અનેક વિસ્તારોમાં ભારેથી અતિભારે વરસાદ પડી શકે છે. ઉપરાંત મહીસાગર અને પંચમહાલ જિલ્લાના ભાગોમાં પણ ભારે વરસાદની શક્યતા છે. તેમના જણાવ્યા મુજબ 6 અને 7 જુલાઈ દરમિયાન રાજ્યમાં વરસાદના સારા યોગ રહેશે અને અનેક જિલ્લાઓમાં વરસાદી ઝાપટાં જોવા મળી શકે છે. આ સમયગાળા દરમિયાન નીચાણવાળા વિસ્તારોમાં પાણી ભરાવાની સ્થિતિ પણ સર્જાઈ શકે છે, તેથી લોકોને સાવચેત રહેવાની જરૂર છે.
આ તસવીર શેર કરો
3/5
દક્ષિણ ગુજરાત માટે પણ અંબાલાલ પટેલે મહત્વપૂર્ણ આગાહી કરી છે. તેમના જણાવ્યા મુજબ દક્ષિણ ગુજરાતમાં ભારે વરસાદને કારણે કેટલાક વિસ્તારોમાં પૂર જેવી સ્થિતિ સર્જાઈ શકે છે. સતત વરસાદના કારણે નદીઓ અને જળાશયોમાં પાણીની આવક વધવાની શક્યતા છે. તેમણે સ્થાનિક લોકોને અને સંબંધિત તંત્રને સાવચેત રહેવાની સલાહ આપી છે. બીજી તરફ ઉત્તર ભારતમાં પણ આગામી દિવસોમાં વરસાદી માહોલ સર્જાવાની શક્યતા વ્યક્ત કરવામાં આવી છે, જેના કારણે ચોમાસું વધુ સક્રિય બનશે
આ તસવીર શેર કરો
4/5
સૌરાષ્ટ્રના અનેક જિલ્લાઓ માટે પણ ભારે વરસાદની સંભાવના વ્યક્ત કરવામાં આવી છે. અંબાલાલ પટેલના જણાવ્યા મુજબ ભાવનગર અને અમરેલી જિલ્લાના ભાગોમાં ભારે વરસાદ પડી શકે છે. ઉપરાંત પોરબંદર અને જામનગર જિલ્લામાં પણ સારો વરસાદ થવાની શક્યતા છે. ઉત્તર સૌરાષ્ટ્રના વિસ્તારોમાં ભારે વરસાદી ઝાપટાં પડી શકે છે. હળવદ, ધ્રાંગધ્રા, મોરબી અને કચ્છના કેટલાક વિસ્તારોમાં પણ વરસાદી માહોલ જોવા મળી શકે છે. આ વિસ્તારોમાં ખેતી માટે વરસાદ લાભદાયી સાબિત થઈ શકે છે, પરંતુ ભારે વરસાદના કારણે નીચાણવાળા વિસ્તારોમાં પાણી ભરાવાની શક્યતા પણ રહેશે.
આ તસવીર શેર કરો
5/5
અંબાલાલ પટેલે વધુમાં જણાવ્યું છે કે 8 અને 9 જુલાઈ દરમિયાન બંગાળના ઉપસાગરમાં નવી હવામાન સિસ્ટમ બનવાની શક્યતા છે. જો આ સિસ્ટમ સક્રિય બનશે તો તેની અસર ગુજરાતના હવામાન પર પણ જોવા મળી શકે છે અને રાજ્યમાં ફરી એકવાર વરસાદનું જોર વધી શકે છે. તેમના જણાવ્યા મુજબ આગામી દિવસોમાં હવામાનમાં સતત ફેરફાર જોવા મળી શકે છે. તેથી લોકોને હવામાન વિભાગ અને સ્થાનિક તંત્ર દ્વારા આપવામાં આવતી સૂચનાઓ પર ધ્યાન રાખવાની અને ભારે વરસાદ દરમિયાન જરૂરી સાવચેતી રાખવાની સલાહ આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
