બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / સુરતના સમાચાર / ગાંધીનગરના સમાચાર / ગુજરાતમાં મેઘતાંડવની આગાહી: 4 દિવસ ભારેથી અતિભારે વરસાદ, અનેક જિલ્લામાં Red Alert
7 ફોટો ગેલેરી
Last Updated: 04:20 PM, 2 July 2026
FOLLOW ON
શેર કરો
1/7
રાજ્યમાં ચોમાસાએ ફરી જોર પકડ્યું છે. હવામાન વિભાગે આગામી ચાર દિવસ માટે ગુજરાતના અનેક જિલ્લાઓમાં ભારેથી અતિભારે વરસાદની આગાહી જાહેર કરી છે. દક્ષિણ ગુજરાત, મધ્ય ગુજરાત અને સૌરાષ્ટ્રના અનેક વિસ્તારોમાં ભારે પવન અને ગાજવીજ સાથે વરસાદ વરસવાની સંભાવના વ્યક્ત કરવામાં આવી છે.
આ તસવીર શેર કરો
2/7
હવામાન વિભાગના ડાયરેક્ટર એ. કે. દાસે જણાવ્યું કે 2 જુલાઈથી 8 જુલાઈ સુધીના સમયગાળામાં સમગ્ર રાજ્યમાં વરસાદી માહોલ યથાવત રહેશે. આગામી ચાર દિવસ દરમિયાન ગુજરાત તેમજ સૌરાષ્ટ્ર-કચ્છમાં ભારેથી અતિભારે વરસાદની શક્યતા છે. ત્યારબાદ પાંચમા દિવસથી સાતમા દિવસ દરમિયાન પણ અનેક વિસ્તારોમાં ભારે વરસાદની સ્થિતિ યથાવત રહેવાની આગાહી કરવામાં આવી છે.
આ તસવીર શેર કરો
3/7
આજે દક્ષિણ ગુજરાતના ભરૂચ, સુરત, નવસારી અને વલસાડ જિલ્લામાં ભારેથી અતિભારે વરસાદની આગાહી કરવામાં આવી છે. ઉપરાંત દાદરા અને નગર હવેલી, વડોદરા, તાપી અને ડાંગ જિલ્લામાં પણ અતિભારે વરસાદ પડી શકે છે.
આ તસવીર શેર કરો
4/7
મધ્ય ગુજરાતના આણંદ, પંચમહાલ અને છોટાઉદેપુર તેમજ સૌરાષ્ટ્રના પોરબંદર, જૂનાગઢ, ગીર સોમનાથ અને ભાવનગર જિલ્લામાં ભારે વરસાદની સંભાવના વ્યક્ત કરવામાં આવી છે. રાજકોટ અને અમરેલી જિલ્લામાં અતિભારે વરસાદની આગાહી કરવામાં આવી છે, જ્યારે જામનગર, દેવભૂમિ દ્વારકા અને બોટાદ જિલ્લામાં પણ ભારે વરસાદ પડી શકે છે.
આ તસવીર શેર કરો
5/7
હવામાન વિભાગે પોરબંદર, જૂનાગઢ, ગીર સોમનાથ અને ભાવનગર જિલ્લામાં રેડ એલર્ટ જાહેર કર્યું છે. ભરૂચ, સુરત, નવસારી અને વલસાડ માટે ઓરેન્જ એલર્ટ જાહેર કરવામાં આવ્યું છે. અમદાવાદ શહેરમાં સામાન્યથી મધ્યમ વરસાદ સાથે ગાજવીજ થવાની શક્યતા વ્યક્ત કરવામાં આવી છે.
આ તસવીર શેર કરો
6/7
રાજ્યમાં ટ્રફ, શિયર ઝોન, લો-પ્રેશર સિસ્ટમ, સાઇક્લોનિક સર્ક્યુલેશન અને વેસ્ટર્ન ડિસ્ટર્બન્સ એકસાથે સક્રિય હોવાથી વરસાદનું જોર વધવાની સંભાવના છે.
આ તસવીર શેર કરો
7/7
દરિયાકાંઠાના વિસ્તારોમાં ભારે પવન ફૂંકાવાની શક્યતા હોવાથી હવામાન વિભાગે માછીમારોને આગામી દિવસોમાં દરિયો ન ખેડવાની સૂચના આપી છે. સાથે જ નીચાણવાળા વિસ્તારોમાં રહેતા લોકોને સાવચેત રહેવા તેમજ સ્થાનિક તંત્ર દ્વારા આપવામાં આવતી સૂચનાઓનું પાલન કરવાની અપીલ કરવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
