વખાણ / કોંગ્રેસે શરૂ કરેલી આ યોજનાને ગુજરાત સરકારે ગણાવી  'સંકટમોચક', કર્યા ભરપેટ વખાણ

• ગુજરાત સરકારે જાહેર કર્યો એક રિપોર્ટ
• રિપોર્ટમાં મનરેગાના કર્યા ખૂબ વખાણ
• મનરેગાએ કર્યું 'સંકટમોચક'નું કામ

ગુજરાતના મુખ્યમંત્રી વિજય રૂપાણી ગયા અઠવાડિયે એક રિપોર્ટ જાહેર કર્યો છે. આ રિપોર્ટમાં મનરેગાના ખૂબ વખાણ કરવામાં આવ્યા છે. રિપોર્ટમાં દાવો કરવામાં આવી રહ્યો છે કે ગયા વર્ષે લોકડાઉનમાં પોતાના ગામ પરત ફરેલા મજૂરો માટે મનરેગા 'સંકટમોચક'નું કામ કર્યું છે. કોરોનાના કારણે થયેલી તકલીફોમાં મનરેગાને ખૂબ મદદગાર ગણાવી છે. 

રિપોર્ટમાં શું કહેવામાં આવ્યું? 
આ રિપોર્ટ રાજ્યના જલવાયુ પરિવર્તન વિભાગની તરફથી તૈયાર કરવામાં આવ્યો છે. જેનું સમર્થન IIM અમદાવાદ અને IIM ગાંધીનગરે કર્યું છે. રિપોર્ટમાં કહેવામાં આવ્યું છે કે સરકારને સંકટમાંથી બહાર આવવા માટે સમાધાનના રૂપમાં 'ખેતીને પ્રાથમિકતા' આપવી જોઈએ. રિપોર્ટમાં આદિવાસી જિલ્લા દાહોદ સહિત ઘણા વિસ્તારનું ઉદાહરણ આપીને કહ્યું છે કે રાજ્ય સરકારને ગ્રામીણ વિસ્તારમાં કોવિડ છતાં નુકસાનથી ઉપર આવવા માટે મનરેગાની નવી રણનીતિ બનાવવી જોઈએ. 

1 લાખ પ્રવાસી મજૂરો પરત ફર્યા હતા 
રિપોર્ટ અનુસાર ગયા વર્ષે કોવિડ-19 બાદ લગભગ 1 લાખ પ્રવાસી મજૂરો દાહોદમાં પોતાના ગામે પરત ફરી ગયા હતા. રિપોર્ટમાં જણાવવામાં આવ્યું છે કે સરકાર રોજગારની તક ઉભી કરવાની તૈયારી કરવાના ક્ષેત્રમાં કામ કરી રહી છે. સાથે જ એવું પણ કહ્યું છે કે ઘરે પરત ફરેલા મજૂરો માટે મનરેગા સંકટમોટક છે. મનરેગાની શરૂઆત કોંગ્રેસના નેતૃત્વ વાળી UPA સરકારે 2006માં કરી હતી. રિપોર્ટ અનુસાર ગુજરાતમાં મનરેગા હેઠળ દાહોદમાં સૌથી વધુ શ્રમિક છે. જ્યાં તેમની સંખ્યા 2.38 લાખ છે. ત્યાર બાદ ભાવનગર અને નર્મદાનો નંબર આવે છે.