નિર્ણય / જેટકો ભરતી વિવાદ હજુ શમ્યો નથી: લેખિત પરીક્ષા આપવા તૈયાર નથી ઉમેદવારો, અલ્ટિમેટમ છતાં નિર્ણય ન લેવાતા આક્રોશ

• ઈલેક્ટ્રિક આસિસ્ટન્ટની ભરતી રદ્દ કરવાનો મુદ્દો
• ઉમેદવારો વડોદરા GETCO કચેરીમાં કરશે રજૂઆત
• અલ્ટિમેટમ આપવા છતા નિર્ણય ન કરાતા રોષ

ગુજરાત એનર્જી ટ્રાન્સમિશન કોર્પોરેશ લિ. દ્વારા ઈલેક્ટ્રિક આસિસ્ટન્ટની ભરતી રદ્દ કરવાનો મુદ્દો ગરમાયો છે. ઉમેદવારો દ્વારા ફરી વખત વડોદરા GETCO કચેરીમાં રજૂઆત કરાઈ છે.  અત્રે જણાવીએ કે, અલ્ટિમેટમ આપવા છતા GETCO દ્વારા નિર્ણય ન કરાતા ઉમેદવારોમાં રોષ જોવા મળી રહ્યો છે. 

લેખિત પરીક્ષા ફરી ન લેવાનું જાહેરનામું બહાર પાડવા માગ 
50 જેટલા ઉમેદવારો ફરી વખત GETCO કચેરીએ રજૂઆત કરવા પહોંચ્યા છે. GETCO દ્વારા લેખિત પરીક્ષા અને પોલ ટેસ્ટની તારીખ જાહેર કરી છે. લેખિત પરીક્ષા ફરી ન લેવાનું જાહેરનામું બહાર પાડવાની માગ કરાઈ છે. ઉમેદવારોએ લેખિત પરીક્ષા ન લેવી તેવું નવેસરથી જાહેરનામું બહાર પાડવાની  માંગ કરી છે. અત્રે જણાવીએ કે, ઉમેદવારોએ જેટકોને 48 કલાકનુ અલ્ટીમેટમ આપ્યુ હતુ. 

શું હતો સમગ્ર વિવાદ
20 નવેમ્બરનાં રોજ ધોળાજીનાં યુવકે જૂનાગઢમાં લેવાયેલી જેટકો ઈલેક્ટ્રીક આસિસ્ટન્ટની પરીક્ષામાં નિયમો ભંગ થયો હોવાનો સંકેત મકવાણાએ આક્ષેપ કર્યો હતો. ત્યારે આ બાબતે યુવક દ્વારા અનેક વખત રજૂઆત કરતા છતાં કોઈ નિરાકરણ ન આવતા યુવક દ્વારા ઈચ્છા મૃત્યુની માંગ કરી હતી.  તેમજ પરીક્ષાને લઈ યુવક દ્વારા અનેકવાર ઉચ્ચ અધિકારીઓને રજૂઆત કરી હતી. તેમજ અગાઉ પણ યુવકે જેટકો વિરૂદ્ધ આક્ષેપો કર્યા હતા. 
    પરીક્ષા બાદ કેટલાક ઉમેદવારો દ્વારા કચેરી ખાતે રજૂઆત કરવામાં આવેલી હતી કે, રાજકોટ, ભરૂચ અને મહેસાણા ઝોન હેઠળની વર્તુળ કચેરીઓ ખાતે લેવામાં આવેલ પોલ ટેસ્ટની પ્રક્રિયામાં જીયુવીએનએલ તેમજ જેટકો દ્વારા બહાર પાડવામાં આવેલ માર્ગદર્શિકા અનુસાર પરીક્ષા લેવામાં આવેલી નથી. જે બાદ તપાસ કમિટી દ્વારા તપાસ કરતા સદર ક્ષતિને ધ્યાનમાં આવેલ હતી. જેથી આ ત્રણ ઝોનના ઉમેદવારોની લાગણીને ધ્યાને લઈને સમગ્ર પરિક્ષા ટુંક સમયમાં ફરીથી લેવાનું કહ્યું હતુ.