સારો નિર્ણય / મુસાફરોને રાહત! રક્ષાબંધનના તહેવાર પર 6500 વધારાની બસો દોડાવાશે, GSRTCનો નિર્ણય

GSRTC દ્વારા રક્ષાબંધનના તહેવાર નિમિત્તે મુસાફરોની સુવિધા માટે 6500 વધારાની બસો દોડાવાનો નિર્ણય લીધો છે. GSRTC દ્વારા 26થી 30 ઓગસ્ટ દરમિયાન રાજ્યભરમાં વિવિધ રૂટ પર આ એક્સ્ટ્રા બસોને દોડાવવામાં આવશે. મુસાફરોની માંગ અને ગીચતાના આધારે જરૂરિયાત મુજબના રૂટ પર ત્વરિત વધારાની બસો રવાના કરવામાં આવશે.

કયા રુટ પર દોડશે બસો

આ વધારાની બસો અમદાવાદ, ગોધરા, વડોદરા, પાલનપુર, નડીયાદ તથા પાવાગઢ, સુરત, રાજકોટ, જુનાગઢ, પોરબંદર, વલસાડ સહિતના પ્રવાસન અને તીર્થધામો માટે દોડાવાશે.

વધુ વાંચો : જો તમારી પાસે Royal Stagની આવી બોટલ હોય તો ન પીતાં, નાશ કરજો, વરતેજ પોલીસે જાહેર કરી ચેતવણી

ગત વર્ષે 3.33 લાખ મુસાફરોએ લાભ લીધો

ગત વર્ષે પણ રક્ષાબંધન પર નિગમ દ્વારા 6402 એક્સ્ટ્રા ટ્રીપો ચલાવવામાં આવી હતી જેનો 3.33 લાખ મુસાફરોએ લાભ લીધો હતો. આ વર્ષે પણ મુસાફરોની સુવિધા માટે એડવાન્સ બુકિંગની વ્યવસ્થા ઉપલબ્ધ કરાવવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ