ખાસ કામનું / 8માં પગારપંચની ડેડલાઇન ખતમ! કેન્દ્રીય કર્મચારીઓ ખાસ જાણી લે

Pay Commission: કેન્દ્રીય કર્મચારીઓ અને પેન્શનરો આઠમા પગાર પંચની ભલામણોની આતુરતાથી રાહ જોઈ રહ્યા છે. પગાર પંચ આવતા વર્ષે સરકારને તેની ભલામણો સુપરત કરશે, તે પહેલાં તે વિવિધ રાજ્યોમાં બેઠકો યોજી રહ્યું છે. કેન્દ્રીય કર્મચારીઓ અને વિવિધ કર્મચારી સંગઠનો સાથે બેઠક કરીને પગાર પંચ તેમના મંતવ્યો અને ભલામણો પર વિચાર-વિમર્શ કરી રહ્યું છે. આ પ્રયાસના ભાગ રૂપે પગાર પંચની ટીમ 31 ઓગસ્ટ અને 1 સપ્ટેમ્બર, 2026 ના રાજસ્થાનના જયપુરની મુલાકાત લેશે. આ બેઠક માટે અરજી કરવાની 18 ઓગસ્ટની સમયમર્યાદા આજે સમાપ્ત થઈ ગઈ છે.

વાસ્તવમાં આઠમા પગાર પંચે 3 ઓગસ્ટના તેની સત્તાવાર વેબસાઇટ પર એક સૂચના જારી કરી હતી. આ સૂચના અનુસાર ફક્ત રાજસ્થાનમાં સ્થિત અથવા નોંધાયેલા કર્મચારી સંગઠનો, ફેડરેશન અને યુનિયનો જેમણે પહેલાથી જ કમિશનને પોતાનું મેમોરેન્ડમ સુપરત કર્યું છે પરંતુ હજુ સુધી કમિશન સાથે રૂબરૂ ચર્ચા કરી નથી, તેઓ જ જયપુરમાં યોજાનારી બેઠકોમાં ભાગ લેવા માટે પાત્ર રહેશે. 18 ઓગસ્ટની સમયમર્યાદા સમાપ્ત થયા પછી કમિશન પ્રાપ્ત અરજીઓના આધારે યોગ્ય સંગઠનોની પસંદગી કરશે. ત્યારબાદ જયપુર બેઠક અંગેની માહિતી પસંદ કરાયેલા પ્રતિનિધિઓને મોકલવામાં આવશે.

અરજી માટે શું જરૂરી હતું?

લાયક સંસ્થાઓએ કમિશનના ઓનલાઈન પોર્ટલ દ્વારા મીટિંગની વિનંતી કરવાની હતી. અરજી દરમિયાન તેઓએ તેમના મેમોરેન્ડમ સાથે સંકળાયેલ યુનિક મેમો આઈડી પ્રદાન કરવાની જરૂર હતી. પસંદ કરેલી સંસ્થાઓને ઈમેલ દ્વારા મીટિંગના સ્થાન અને સમયની જાણ કરવામાં આવશે. પગાર પંચના નોટિફિકેશનમાં એ પણ સ્પષ્ટ કરવામાં આવ્યું છે કે આગામી મહિનાઓમાં વિવિધ રાજ્યો/કેન્દ્રશાસિત પ્રદેશોમાં વધુ મીટિંગો યોજાશે, જેની માહિતી કમિશનની વેબસાઇટ પર અપડેટ કરવામાં આવશે. તેથી, 31 ઓગસ્ટ અને 1 સપ્ટેમ્બરના જયપુરમાં યોજાનારી મીટિંગમાં ફક્ત રાજસ્થાનના કર્મચારીઓએ ભાગ લેવો જોઈએ.

મીટિંગનો હેતુ શું છે?

પગાર પંચ દેશભરના વિવિધ રાજ્યોમાં મીટિંગો કરી રહ્યું છે. આઠમા પગાર પંચ હેઠળ પગાર, ભથ્થાં, સેવાની શરતો અને પેન્શન અંગે કર્મચારી સંગઠનો પાસેથી સૂચનો એકત્રિત કરવાનો હેતુ છે. પગાર પંચ આ સૂચનો પર ચર્ચા કરશે અને જો યોગ્ય હોય તો તેને તેની ભલામણોમાં સમાવી શકે છે.

આ પણ વાંચોઃ નેશનલ / પહેલી પત્નીને છૂટાછેડા આપ્યા વગર બીજા લગ્ન કર્યા તો 20% પગાર કપાશે! જાણો સરકારનો નિયમ

ગયા વર્ષે થઇ રહી રચના

સરકારે ગયા વર્ષે આઠમા પગાર પંચની રચના કરી હતી. આ પગાર પંચ આગામી વર્ષના પ્રથમ છ મહિના સુધીમાં સરકારને તેની ભલામણો સબમિટ કરી શકે છે. આ ભલામણો 1 જાન્યુઆરી 2026 થી અમલમાં આવવાની સંભાવના છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ