જુનાગઢ / VIDEO : ગિરનાર હનુમાન ધારા મંદિરમાં પૂજારીએ મિત્રો સાથે માણી દારૂની મહેફિલ, વીડિયો વાયરલ

ગિરનાર હનુમાન ધારા મંદિરના પૂજારીએ પવિત્ર ગિરનારની ગરિમા લજવી છે. પૂજારી વિશાલ અગ્રાવતે મંદિરમાં જ તેના ભાઈ સાથે દારુની પાર્ટી ગોઠવી હતી અને તેઓ દારુ પીતા જોવા મળ્યાં હતા. પૂજારીઓના કરતૂતો થી ભાવિકોમાં રોષ ફેલાયો છે.

દારુ મહેફિલનો વીડિયો વાયરલ

દારુની મહેફિલનો આ વીડિયો સોશિયલ મીડિયામાં ખૂબ વાયરલ થઈ રહ્યો છે જે પછી ભાવીક ભક્તોમાં રોષનું મોજું ફેલાયું હતું. પૂજારીને હોદ્દા પરથી હટાવાની પણ માંગ ઉઠી છે. તંત્ર દ્વારા કાર્યવાહી કરવામાં આવે તે પણ લોકોની માંગ છે.

વધુ વાંચો : VIDEO : ઉનામાં લીલીછમ મગફળી ચીરીને જતાં દેખાયા બે નર સિંહ, જુઓ વીડિયો

અંબાજી મંદિરમાં દારૂ-નોનવેજની મહેફિલ

ઉલ્લેખનીય છે માર્ચ 2026માં ગિરનાર ઉપરના અંબાજી મંદિરના ભંડારામાં દારૂ-નોનવેજની મહેફિલ થઈ હોવાનો વીડિયો સોશિયલ મીડિયામાં વાયરલ થતા ખળભળાટ મચ્યો છે. વાઈરલ વીડિયોમાં બેથી ત્રણ લોકો બેફામ ગાળાગાળી કરી કથિત રીતે નોનવેજ આરોગતા અને દારુ પીતા જોવા મળી રહ્યા હતા. મામલાની ગંભીરતાને જોતા તંત્ર દ્વારા તાત્કાલીક અસરથી મંદિરના 10 પૂજારી અને એક રસોઈયાને સસ્પેન્ડ કરી મંદિર પરિસરમાં પ્રવેશ પર પ્રતિબંધ મૂકી દેવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ