અદભૂત / VIDEO: વર હોય તો આવો! વરમાળા પછી તરત જ લીધા દુલ્હનના આશીર્વાદ, આંખોમાંથી પડવા લાગ્યા આંસુ

• દુલ્હનના પગે પડ્યો વરરાજા
• કન્યાની આંખમાંથી આંસુ સરી પડ્યા
• વાયરલ વીડિયો યુઝર્સને આવ્યો પસંદ 

લગ્ન સંબંધ આખા જીવનનુ બંધન 

કોઈ પણ કપલ માટે તેના લગ્નનો દિવસ ખૂબ મહત્વપૂર્ણ અને મોટો હોય છે આ સંબંધ આખા જીવનનુ બંધન છે. એવામાં પતિ-પત્ની બનતા પહેલા અમુક વાતો સ્પષ્ટ કરી દેવી જોઈએ. જેથી આગળના જીવનમાં મુશ્કેલી ઘટી જાય છે. આ જ કારણ છે કે આજકાલ વરરાજા-કન્યા લગ્ન પહેલા બધી વાતો નક્કી કરી લે છે અને એક બરાબરીના સંબંધને પણ મહત્વ આપે છે. 

વાહ અદભૂત દ્રશ્ય 

જૂના જમાનામાં લગ્ન જેવી સંસ્થામાં પતિ-પત્નીને એક સમાન માનવામાં આવતા નહોતા. પરંતુ હવે જમાનો બદલાઈ ગયો છે. પતિ-પત્ની અભ્યાસ-લખાણ અને નોકરીમાં એકબીજાને ટક્કર આપી રહ્યાં છે, પરંતુ તેઓ ઘરના કામકાજને લઇને પણ બરાબરીનો સંબંધ રાખે છે. આ ક્રમમાં વરરાજાએ ખૂબ જ પ્રેમાળ જેસ્ચર બતાવી સ્ટેજ પર પોતાની દુલ્હનના પગમાં પડીને સાબિત કરી બતાવ્યું કે માત્ર વરરાજા નહીં, પરંતુ દુલ્હન પણ તેના માટે આદરણીય છે. 

Very smart fellow. pic.twitter.com/LS1nx5Emcr

— Dr.B.Karthik Navayan (@Navayan) February 25, 2023

ભરી મહેફિલમાં પતિ પત્નીના પગમાં પડ્યો 

વાયરલ વીડિયોમાં જોઇ શકાય છે કે દુલ્હા અને કન્યા વરમાળાની વિધિ માટે સ્ટેજ પર ઉભા છે. પહેલા દુલ્હને વરરાજાને માળા પહેરાવી અને પછી વરરાજાએ પણ ખૂબ સૌમ્યતાથી પોતાની દુલ્હનના ગળામાં હાર પહેરાવ્યો. ત્યારબાદ આ વિધિ હેઠળ કન્યા વરરાજાને પગે લાગવા માટે આગળ વધે છે, ત્યારબાદ વરરાજા પણ નીચે ઝુકીને દુલ્હનના પગમાં માથુ ટેકવે છે. લગ્ન પ્રસંગમાં હાજર રહેલા જાનૈયાઓ આ ક્ષણને તાળીઓથી વધાવી લે છે, પણ કન્યાની આંખમાંથી આંસુ આવી જાય છે.