ક્રિકેટ જગત / IPLમાં અત્યાર સુધીનું સૌથી શાનદાર કમબેક! ગુજરાતની જીતમાં હીરો બન્યો ટીમ ઈન્ડિયાનો ગુમ થયેલ સુપરસ્ટાર

• આ ખેલાડીએ છેલ્લી ઓવરમાં એકલા હાથે ગુજરાતની ટીમને મેચ જીતાડી
• બોલિંગથી બધાના દિલ જીતી લીધા હતા
• અત્યાર સુધી IPLની 89 મેચમાં 96 વિકેટ ઝડપી છે

લખનૌ સુપર જાયન્ટ્સને છેલ્લી ઓવરમાં ગુજરાત ટાઇટન્સ સામે 7 રને હારનો સામનો કરવો પડ્યો હતો અને આ મેચમાં એક સ્ટાર બોલરે ગુજરાતની ટીમ માટે અદ્ભુત બોલિંગ કરી હતી. મેચની છેલ્લી ઓવરમાં એકલા હાથે ગુજરાતની ટીમને મેચ જીતાડી હતી અને આ ખેલાડીએ પોતાની બોલિંગથી બધાના દિલ જીતી લીધા હતા. સાથે જ આ ખેલાડી ગુજરાત ટાઇટન્સ માટે સૌથી મોટા મેચ વિનર તરીકે ઉભરી આવ્યો છે. 

Our Mohit bhai wins the 𝗣𝗹𝗮𝘆𝗲𝗿 𝗼𝗳 𝘁𝗵𝗲 𝗠𝗮𝘁𝗰𝗵 award thanks to a 𝗕𝗥𝗘𝗔𝗧𝗛𝗧𝗔𝗞𝗜𝗡𝗚 performance with the ball! 💙💪#LSGvGT #AavaDe #TATAIPL 2023 pic.twitter.com/RttpfwTBe4

— Gujarat Titans (@gujarat_titans) April 22, 2023

છેલ્લી ઓવરમાં લખનૌ સુપર જાયન્ટ્સની ટીમને જીતવા માટે 12 રનની જરૂર હતી એ સમયે ગુજરાત ટાઇટન્સના કેપ્ટન હાર્દિક પંડ્યાએ બોલિંગ મોહિત શર્માને સોંપી અને પોતાની બોલિંગથી તેને પહેલા બોલ પર 2 રન આપ્યા હતા પણ બીજા બોલ પર કેએલ રાહુલને આઉટ કર્યો. ત્રીજા બોલ પર માર્કસ સ્ટોઇનિસને ડેવિડ મિલરે આઉટ કર્યો હતો. ત્યાર બાદ છેલ્લા ત્રણ બોલમાં લખનૌની ટીમને જીતવા માટે 10 રનની જરૂર હતી પણ ચોથા બોલ પર આયુષ બદોની અને પાંચમા બોલ પર દીપક હુડ્ડા રનઆઉટ થયા હતા. આ રીતે છેલ્લી ઓવરમાં 4 વિકેટ પડી અને મોહિત શર્માએ માત્ર 4 રન આપ્યા હતા. 

2 W W W W 0

Chhelli over, 2⃣ point andar! 😄#AavaDe | #LSGvGT | #TATAIPL 2023 pic.twitter.com/X5frZHhqIz

— Gujarat Titans (@gujarat_titans) April 22, 2023

મોહિત શર્માએ IPL 2020માં છેલ્લી મેચ પંજાબ કિંગ્સ સામે રમી હતી. આ પછી આઈપીએલ 2022ની મેગા ઓક્શનમાં તેને કોઈ ખરીદનાર ન મળ્યો. ત્યારબાદ તે નેટ બોલર તરીકે ગુજરાત ટાઇટન્સમાં જોડાયો. તેની ક્ષમતા જોઈને ગુજરાતની ટીમે તેને આઈપીએલ 2023ની મિની ઓક્શનમાં 50 લાખ રૂપિયામાં ખરીદ્યો હતો. હવે તેણે પોતાના પ્રદર્શનથી ટીમમાં પોતાનું સ્થાન નિશ્ચિત કરી લીધું છે. 

𝐌𝐨𝐡𝐢𝐭 𝐡𝐚𝐢 𝐭𝐨𝐡 𝐦𝐮𝐦𝐤𝐢𝐧 𝐡𝐚𝐢! ⚡️🤩💙#AavaDe | #LSGvGT | #TATAIPL 2023
pic.twitter.com/bqvsdhJcEj

— Gujarat Titans (@gujarat_titans) April 22, 2023

મોહિત શર્મા આઈપીએલમાં પંજાબ કિંગ્સ, ચેન્નાઈ સુપર કિંગ્સ, દિલ્હી કેપિટલ્સ અને ગુજરાત ટાઇટન્સ તરફથી રમી ચૂક્યો છે. વર્ષ 2014માં CSK તરફથી રમતા તેણે ધમાકેદાર પ્રદર્શન કર્યું હતું અને IPL 2014માં તેણે સૌથી વધુ વિકેટો મેળવી હતી. આ કારણથી તેને પર્પલ કેપ મળી છે. તેણે અત્યાર સુધી IPLની 89 મેચમાં 96 વિકેટ ઝડપી છે. આ સિવાય તે ભારત માટે 26 ODI અને 8 T20 ઈન્ટરનેશનલ પણ રમ્યો છે. તેણે વનડેમાં 31 અને ટી20માં 6 વિકેટો નોંધાવી છે. તે ઓક્ટોબર 2015થી આંતરરાષ્ટ્રીય ટીમમાંથી પણ બહાર છે. મોહિતે 2015 વર્લ્ડ કપમાં ભારત માટે 13 વિકેટ લીધી હતી.