સૂત્રોનો દાવો / ફાસ્ટેગ બંધ કરશે સરકાર ! આવી રીતે કપાશે ટોલ ટેક્સ, જેટલું અંતર તેટલા ચુકવવા પડશે પૈસા

• સરકાર ફાસ્ટેગ નાબૂદ કરવાની તૈયારીમાં 
• નેવિગેશન સિસ્ટમથી કપાશે ટોલ ટેક્સ 
• જેટલું અંતર તેટલા ચુકવવા પડશે પૈસા 

આગામી થોડા સમયમાં ટોલ પ્લાઝા પર ફાસ્ટેગ સિસ્ટમને બદલે હાઈટેક નેવિગેશન સિસ્ટમ કાર્યરત બને તો નવાઈ નહીં.  ફાસ્ટેગ કરતાં વધુ ઝડપથી અને વધુ ચોકસાઈપૂર્વક કામ કરે તેવી હાઈટેક સિસ્ટમ લાવવાની તૈયારી ચાલી રહી છે. 

નવી સિસ્ટમ સેટેલાઇટ નેવિગેશન સિસ્ટમ પર આધારિત હશે

સૂત્રોના જણાવ્યા અનુસાર, આ નવી સિસ્ટમ સેટેલાઇટ નેવિગેશન સિસ્ટમ પર આધારિત હશે અને તેનો પાયલોટ પ્રોજેક્ટ પણ શરૂ કરી દેવામાં આવ્યો છે. સરકારની લીલીઝંડી મળતા જ ફાસ્ટેગની જગ્યાએ નેવિગેશન સિસ્ટમથી ટોલ કલેક્શન શરૂ કરી દેવામાં આવશે. 

નવી સિસ્ટમમાં કિલોમીટર દીઠ ટોલ ટેક્સ કપાશે 
અત્યારે ફાસ્ટેગમાં એક વખત ટોલ ટેક્સ કાપવાનો નિયમ છે. હાઈવે પર ગાડી દોડે તો ટોલ પ્લાઝા પર ફાસ્ટેગ એકાઉન્ટમાંથી અમુક રકમ કપાઈ જાય છે. આ રકમને યાત્રાના અંતર કે કિલોમીટર સાથે કોઈ લેવાદેવા નથી. નેવિગેશન સિસ્ટમમાં કિલોમીટર દીઠ પૈસા લેવામાં આવશે. નવી વ્યવસ્થામાં હાઇવે કે એક્સપ્રેસ-વે પર જેટલા કિલોમીટરની મુસાફરી થશે, કિલોમીટરની સંખ્યાનો ટોલ ટેક્સ ચૂકવવો પડશે.

નવી વ્યવસ્થામાં શું થશે?
હાઈવે કે એક્સપ્રેસ-વે પર ગાડી ચાલવા લાગશે કે તરત જ તેનું ટોલ મીટર ચાલુ થઈ જશે. પોતાની યાત્રા પૂરી કર્યા બાદ જેવી કાર સ્લિપ રોડ પર કે હાઇવેથી કોઇ કોમન રોડ પર લેન્ડ થાય કે તરત જ નેવિગેશન સિસ્ટમ કાપેલા અંતર પ્રમાણે પૈસા કાપી લેશે. આ નવી સિસ્ટમ પણ ફાસ્ટેગ જેવી હશે, પરંતુ જેટલું અંતર કપાયું હશે તેટલા જ પૈસા કપાશે. હાલમાં ભારતમાં લગભગ 97 ટકા વાહનોમાં ફાસ્ટેગ લગાવવામાં આવે છે, જેના કારણે ટોલ કલેક્શન થાય છે.

સરકાર ટૂંક સમયમાં જાહેરાત કરી શકે 

હાલમાં નવા ટોલ ટેક્સ પાયલોટ પ્રોજેક્ટનું ટેસ્ટિંગ ચાલી રહ્યું છે અને સરકાર ટૂંક સમયમાં જ તેના વિશે કંઈક જાહેરાત કરી શકે છે. નેવિગેશન સિસ્ટમમાં પાયલોટ પ્રોજેક્ટ હેઠળ દેશની 1.37 લાખ ગાડીઓને  આવરી લેવાઈ છે. રશિયા અને દક્ષિણ કોરિયાના નિષ્ણાતો એક અભ્યાસ અહેવાલ પર કામ કરી રહ્યા છે. ટૂંક સમયમાં જ આ રિપોર્ટ જાહેર કરવામાં આવશે.

યુરોપના દેશોમાં નેવિગેશન સિસ્ટમ ખૂબ જ સફળ થઈ 
યુરોપના દેશોમાં કિલોમીટર દ્વારા ટોલ કલેક્શનની સિસ્ટમને સફળતા મળી છે. ભારત પણ આ જ લાઇનો પર તેનો અમલ કરવાની તૈયારી કરી રહ્યું છે. અત્યારે ફાસ્ટેગને એક ટોલ અને બીજા ટોલ વચ્ચેનું સંપૂર્ણ અંતર લેવા માટે લેવામાં આવે છે, પછી ભલે તમે અડધા અંતરનું જ અંતર કાપતા હોવ, પરંતુ સમગ્ર અંતર ચૂકવવું પડે છે. આનાથી ટોલ મોંઘો પડે છે. આ સિસ્ટમ જર્મનીમાં અમલમાં છે. ત્યાંની લગભગ 99 ટકા ટ્રેનોમાં નેવિગેશન સિસ્ટમથી જ ટોલ વસૂલવામાં આવે છે.