બિઝનેસ / સોનું ₹1 લાખથી નીચે જશે? બેંક ઓફ અમેરિકાના દાવાથી વિશ્વભરમાં હલચલ

Gold Price Outlook 2026: બેંક ઓફ અમેરિકાએ સોનાના ભાવમાં વધુ ઘટાડો થવાનું અનુમાન કર્યુ છે, જે 2026 સુધીમાં પ્રતિ ઔંસ $3,700 સુધી પહોંચી શકે છે. રિપોર્ટ અનુસાર ડોલરમાં મજબૂતાઈ અને લાંબી તેજી પછી સુધારાને કારણે સોનાના ભાવ ₹1 લાખ પ્રતિ 10 ગ્રામથી નીચે આવી શકે છે.

એવા દાવાઓ છે કે સોનાના ભાવ પર દબાણ હજુ રહી શકે છે. બેંક ઓફ અમેરિકા (BofA)ના અનુસાર મુજબ વર્તમાન ઘટાડા પછી સોનાના ભાવ લગભગ $3,700 પ્રતિ ઔંસ સુધી ઘટી શકે છે. ભારતીય ચલણમાં આ ભાવ લગભગ ₹1.12 લાખ પ્રતિ 10 ગ્રામ આસપાસ થાય છે.

બેંક માને છે કે છેલ્લા ઘણા વર્ષોમાં થયેલા તીવ્ર વધારા પછી સોનાના ભાવને સંભાળવા માટે વધુ સમય અથવા મોટા ઘટાડાની જરૂર પડી શકે છે. જોકે જો સોનું આ વર્ષના નીચા સ્તરને બચાવી રાખે તો, ઉપર તેજીમાં પાછા ફરવાનો માર્ગ ખુલી શકે છે.

સોનું કેમ ઘટી શકે છે?

બેંક ઓફ અમેરિકાના રિપોર્ટ મુજબ જાન્યુઆરી 2026 માં સોનાના ભાવ લગભગ $5,595 પ્રતિ ઔંસના રેકોર્ડ ઉચ્ચ સ્તરે પહોંચ્યા પછી ઘટવાનું શરૂ થયું. બેંક આને લાંબા સમય સુધી તેજી પછી ચાલુ સુધારાનો ભાગ માને છે.

16 જુલાઈ 2026 ના તેના રિપોર્ટમાં બેંકે એમ પણ જણાવ્યું હતું કે સોનાને અગાઉની તેજીની અસરોમાંથી બહાર આવવા માટે વધુ સમય અથવા ભાવ ઘટાડાની જરૂર પડી શકે છે.

આ કરેક્શનને હવે લગભગ 38 અઠવાડિયા થઈ ગયા છે, પરંતુ બેંક અનુસાર આ સમયગાળો હજુ પણ અગાઉની તેજીની તુલનામાં ટૂંકો છે. તેથી સોનામાં ઘટાડો ચાલુ રહી શકે છે.

$4,697 અને $4,472 સ્તર મહત્વપૂર્ણ છે

બેંકના બેઝ કેસ મુજબ સોનું $4,697 ને પાર ન કરે ત્યાં સુધી ઘટાડાનું જોખમ રહે છે. આ જાન્યુઆરીના ઉચ્ચ સ્તર પછી રચાયેલા મુખ્ય ચાર્ટ સ્તરોમાંનું એક છે. બેંકે 50 અઠવાડિયાની મૂવિંગ એવરેજને પણ 4,472 ડોલરની આસપાસ મહત્વપૂર્ણ તરીકે ગણાવ્યુ છે.

બેંકની વ્યૂહરચના અનુસાર 4000 ડોલરની નીચે સોનામાં ધીરે-ધીરે ખરીદી કરી શકાય છે. ખરીદી 3,700 ડોલરની આસપાસ વધારવાનો અને બાકીના રોકાણોને $3500 થી 3,250 ડોલર (સોનાના ભાવનું અંદાજ) ની રેન્જમાં રોકાણ કરવાનો વિચાર કરા શકાય છે. આ બેંકના વિશ્લેષણ પર આધારિત સ્તર છે, નિશ્ચિત લક્ષ્યો પર નહીં.

બેંક અનુસાર સોના માટે 3,250 ડોલર સૌથી મહત્વપૂર્ણ લેવલ હશે, જે ભારતીય ચલણમાં પ્રતિ 10 ગ્રામ રૂપિયા 98 હજારની આસપાસ હશે.

આ પણ વાંચોઃ બિઝનેસ / શું ઈન્ડિયન ઓઈલના પંપ પર નહીં મળે પેટ્રોલ-ડીઝલ? ખાડી દેશથી આવ્યા મોટા સમાચાર

સોનાની તેજી ક્યારે પાછી આવી શકે છે?

બેંકનો બીજો અંદાજ એ છે કે જો સોનું આ વર્ષના $3,943 ના નીચલા સ્તરથી નીચે ન આવે અને ત્યારબાદ ડાઉનટ્રેન્ડ લાઇન અને 50 અઠવાડિયાની મૂવિંગ એવરેજથી ઉપર આવે છે, તો ડબલ બોટમ બની શકે છે. આવી સ્થિતિમાં કરેક્શન સમાપ્ત થવા અને અને સોનું 2027 માં નવા રેકોર્ડ ઉચ્ચ સ્તરે પહોંચવાની સંભાવના વધુ મજબૂત થઇ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ