વલસાડ / હવે હાર્ટ સાથે ચેડાં? વાપીમાં સ્ટેન્ટ બનાવતી કંપની સામે અપાયા તપાસના આદેશ

વલસાડ જિલ્લાના વાપીમાં આવેલી સ્ટેન્ટ બનાવતી જાણીતી કંપની મેરિલ લાઈફ સાયન્સ સામે રાજ્યસભાના સાંસદ ડો. અજીત માધવરાવે ગંભીર રાક્ષેપ કર્યા છે. હૃદયની ધમનીમાં બેસાડવામાં આવતા સ્ટેન્ટની ગુણવત્તા અંગે શ્રીલંકામાં ઉઠેલા ગંભીર સવાલો બાદ આ મામલો ચર્ચાના કેન્દ્રમાં આવ્યો છે.

શ્રીલંકન સરકારે મેરિલ લાઈફ સાયન્સ દ્વારા નિકાસ કરવામાં આવેલા સ્ટેન્ટ અંગે વાંધા ઉઠાવ્યા હતા અને સંબંધિત સ્ટેન્ટનો જથ્થો પરત મોકલ્યો હતો. સ્ટેન્ટ દર્દીના હૃદયની ધમનીમાં યોગ્ય રીતે ફિટ થાય છે કે નહીં, તેમજ તેને ફુલાવવામાં કોઈ મુશ્કેલી આવે છે કે કેમ, તેવા પ્રશ્નો ઊભા થયા હતા.સૌથી ગંભીર બાબત સ્ટેન્ટ તેની નિર્ધારિત જગ્યાએથી ખસી જવાની અને સ્ટેન્ટ ફિટ કર્યા બાદ તેની અંદર લોહીના ગઠ્ઠા બનવાની ફરિયાદો હોવાનું જણાવવામાં આવ્યું છે.

વાપીમાં બનેલા મેરિલ લાઈફ સાયન્સના હાર્ટ સ્ટેન્ટની ગુણવત્તા સામે સવાલો, શ્રીલંકાએ સ્ટેન્ટ પરત મોકલતાં તપાસના આદેશ #MerilLifeSciences #HeartStent #MedicalDevice #HealthNews #Vapi #VTVDigital https://t.co/2I8dt49Em4

— VTV Gujarati News and Beyond (@VtvGujarati) October 21, 2026

જો આ પ્રકારની ખામીઓની પુષ્ટિ થાય, તો દર્દીઓની સલામતીના દૃષ્ટિકોણથી આ અત્યંત ગંભીર બાબત બની શકે છે.આ સમગ્ર મામલે રાજ્યસભાના સાંસદ ડૉ. અજિત મધવરાવે કેબિનેટ સેક્રેટરી સમક્ષ રજૂઆત કરી હોવાની માહિતી છે. ત્યારબાદ કેબિનેટ સેક્રેટરી દ્વારા આરોગ્ય વિભાગને મેરિલના સ્ટેન્ટ અંગે તપાસ કરી જરૂરી પગલાં લેવા આદેશ આપવામાં આવ્યો હોવાનું બહાર આવ્યું છે.

હૃદય સાથે ખીલવાડ?

• મેરિલ લાઈફ કંપનીના સ્ટેન્ટ સામે સવાલ
• જીવ બચાવનારું સાધન જ ‘ડેથ વોરંટ’?
• શ્રીલંકન સરકારે સ્ટેન્ટ પાછા મોકલ્યા
• નકલી આશ્વાસન કે અસલી ખતરો?
• સાંસદ ડૉ.ગોપછડેએ કેબિનેટનું ધ્યાન દોર્યું
• કેબિનેટ સેક્રેટરીએ આપ્યા તપાસના આદેશ

મેરિલ સાયન્સના સ્ટેન્ટમાં શું વાંધો?

• સ્ટેન્ટ હૃદયની ધમનીઓમાં યોગ્ય સ્થાને ગોઠવાતા ન હોવાની ફરિયાદ
• ધમનીમાં સ્ટેન્ટ મૂક્યા પછી યોગ્ય જગ્યા પરથી ખસી જવાનું જોખમ
• સ્ટેન્ટ ધમનીને ખુલ્લી રાખવા જેટલું ફૂલવું જોઈએ એટલું ફૂલતું નહોતું
• સ્ટેન્ટ મૂક્યા બાદ પછી અચાનક લોહીના ગઠ્ઠા જામી જાય છે
• લોહીના ગઠ્ઠા થવાના કારણે દર્દીનો જીવ જોખમમાં મુકાઈ શકે

આ પણ વાંચોઃ 2 બાળક સહિત કુલ 12નાં મોત, ગુજરાત માટે બુધવાર બૂંદિયાળો સાબિત થયો!

ગુજરાત માટે શું છે ચિંતા?

• દર વર્ષે 1.5 લાખથી 2 લાખ જેટલા સ્ટેન્ટ બેસાડાય છે
• ભારત દર વર્ષે વપરાતા વર્ષે 12 લાખ સ્ટેન્ટમાંથી 60 ટકા મેઈડ ઈન ઈન્ડિયા
• નેશનલ ઈન્ટરવેન્શનલ કાઉન્સિલના મતે હ્રદયરોગની સારવારમાં ગુજરાત અગ્રણી
• આયુષમાન યોજના અંતર્ગત ગુજરાતમાં સૌથી વધારે સ્ટેન્ટ બેસાડાય છે
• આયુષમાન યોજનામાં ગુજરાતમાં સૌથી વધુ ખર્ચ દર્દીઓમાં સ્ટેન્ટ બેસાડવામાં થાય
• દેશમાં વપરાતા મોટાભાગના સ્ટેન્ટ ગુજરાતમાં બને છે અને 100થી વધુ દેશોમાં નિકાસ થાય છે
• 108ના આંકડા પ્રમાણે ગુજરાતમાં હ્રદય સંબંધી 1 લાખથી વધુ ઈમરજન્સીના કેસ નોંધાય છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ