ક્રિકેટ / IND vs NZ વચ્ચેની બીજી T20 મેચમાં ટીમમાં મોટો બદલાવ, આ ખેલાડીની જગ્યાએ મેદાનમાં ઉતરશે વૈભવ સૂર્યવંશી

ભારત અને ન્યૂઝીલેન્ડ વચ્ચેની પાંચ મેચની T20 સિરીઝનું બીજો મુકાબલો 24 ઑક્ટોબર શનિવારે ક્રાઇસ્ટચર્ચના હેગ્લી ઓવલમાં ભારતીય સમય પ્રમાણે બપોરે 12:30 વાગ્યે શરૂ થશે. ભારતીય ટીમે આ જ મેદાન પર યોજાયેલા પહેલા મુકાબલામાં ન્યૂઝીલેન્ડને ચાર વિકેટે હરાવ્યું હતું અને 226 રનનો ટાર્ગેટ સફળતાપૂર્વક ચેઝ કર્યો હતો. હવે શ્રેયસ અય્યરની આગેવાની હેઠળની ટીમ સિરીઝમાં 2-0ની લીડ લેવા તૈયાર છે.

જેમાં બીજા T20માં ભારતીય ટીમની પ્લેઇંગ-11 પર ફેન્સની નજર છે. જેમાં ઇશાન કિશન ઇજાને કારણે આ મુકાબલાથી બહાર છે. આવી સ્થિતિમાં 15 વર્ષના વૈભવ સૂર્યવંશીને પ્લેઇંગ-11માં જગ્યા મળવાની પૂરી શક્યતા છે. વૈભવની એન્ટ્રી થાય તો વિકેટકીપર બેટ્સમેન સંજુ સેમસનને ત્રીજા નંબરે અજમાવી શકાય છે. તે સિવાય ભારતીય ટીમમાં બીજા મોટા ફેરફારની શક્યતા ઓછી છે. પહેલા મુકાબલામાં બોલરો મોંઘા પડ્યા હતા પરંતુ ટીમ મેનેજમેન્ટ એક જ મેચ બાદ અનેક ફેરફાર કરે એવું લાગતું નથી.

બીજી તરફ ન્યૂઝીલેન્ડ પોતાની પ્લેઇંગ-11માં એક ફેરફાર કરી શકે છે. જેમાં ફાસ્ટ બોલર કાઇલ જેમિસનને સામેલ કરવાની શક્યતા છે, જેથી એડમ મિલ્નને બહાર બેસવું પડી શકે છે.

ઈશાન કિશનને કેવી ઈજા થઈ?

BCCIના જણાવ્યા અનુસાર, ઈશાન કિશનને ન્યૂઝીલેન્ડ સામેની પ્રથમ T20 મેચ દરમિયાન જમણી બાજુના ગ્રોઇન વિસ્તારમાં ખેંચાણ થયું હતું. આ ઈજાને કારણે તે બીજી મેચમાં રમી શકશે નહીં. તેની ફિટનેસ પર મેડિકલ ટીમ નજર રાખી રહી છે. ઈશાનની ગેરહાજરીને કારણે ટીમ ઈન્ડિયાએ પોતાની બેટિંગ વ્યવસ્થામાં ફેરફાર કરવો પડશે. હવે સૌથી મોટો સવાલ એ છે કે તેની જગ્યાએ કોને મેદાનમાં ઉતારવામાં આવશે.

પ્રથમ મેચમાં ભારતે રચ્યો હતો રેકોર્ડ

ભારત અને ન્યૂઝીલેન્ડ વચ્ચેની પ્રથમ T20 મેચમાં ટીમ ઈન્ડિયાએ 226 રનના ટાર્ગેટનો પીછો કરીને ચાર વિકેટે જીત મેળવી હતી. આ જીતથી ભારતે પાંચ મેચની સિરીઝમાં 1-0ની લીડ મેળવી છે. હવે બીજી મેચ જીતીને ભારત પોતાની લીડ 2-0 કરવાની કોશિશ કરશે. બીજી તરફ ન્યૂઝીલેન્ડની ટીમ સિરીઝમાં વાપસી કરવા માટે મેદાનમાં ઉતરશે.

ભારતની સંભવિત પ્લેઇંગ XI: વૈભવ સૂર્યવંશી, અભિષેક શર્મા, સંજુ સેમસન (વિકેટકીપર), શ્રેયસ અય્યર (કેપ્ટન), તિલક વર્મા, નીતીશ કુમાર રેડ્ડી, નમન ધીર, અક્ષર પટેલ, ભુવનેશ્વર કુમાર, અર્શદીપ સિંહ અને મયંક યાદવ.

ન્યૂઝીલેન્ડની સંભવિત પ્લેઇંગ XI: ફિન એલન, ટિમ સીફર્ટ (વિકેટકીપર), ડેરિલ મિચેલ, ગ્લેન ફિલિપ્સ, બેવન જેક્બ્સ, માઇકલ બ્રેસવેલ, મિચેલ સેન્ટનર (કેપ્ટન), નાથન સ્મિથ, કાઇલ જેમિસન, મેટ હેન્રી અને લોકી ફર્ગ્યુસન.

વધુ વાંચો : ક્રાઇસ્ટચર્ચમાં ટીમ ઈન્ડિયાના નામે અનિચ્છનીય રેકોર્ડ!, T20Iમાં પહેલીવાર બન્યો આવો રેકોર્ડ!

સિરીઝનું આગળનું સમયપત્રક: ત્રીજી T20 27 ઑક્ટોબરે વેલિંગ્ટનમાં, ચોથી મેચ 30 ઑક્ટોબરે ઓકલેન્ડમાં અને પાંચમી 1 નવેમ્બરે હેમિલ્ટનમાં યોજાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ