આર્થિક / IT રિટર્ન ભરવાની ડેડલાઈન પૂરી, 2022-23માં 5.83 કરોડ દાખલ થયા, હવે ભરશો તો લાગશે આટલી પેનલ્ટી

• નાણાકીય વર્ષ 2022-23 માટે  5.83 કરોડ IT રિટર્ન દાખલ 
• રિટર્ન દાખલ કરવાની છેલ્લી તારીખ હતી 31 જુલાઈ 2022
• હવેથી પેનલ્ટી સાથે ભરવું પડશે IT રિટર્ન
• 31 ડિસેમ્બર, 2021 સુધી 5.89 કરોડ IT રિટર્ન દાખલ થયા હતા 

નાણાકીય વર્ષ 2021-22 અને આકારણી વર્ષ 2022-23 માટે આવકવેરા રિટર્ન ફાઇલ કરવાની અંતિમ તારીખ 31 જુલાઈ, 2022 ના રોજ સમાપ્ત થઈ હતી. અને આજની તારીખ સુધીમાં 5.83 કરોડ આવકવેરા રિટર્ન ફાઈલ કરવામાં આવ્યા છે. ટેક્સ અધિકારીઓએ આ જાણકારી આપી છે. જે કરદાતાઓના ખાતામાં ઓડિટિંગની જરૂર નથી તેમના માટે 31 જુલાઈ, 2022ના રોજ આવકવેરા રિટર્ન ભરવાની અંતિમ તારીખ હતી.

About 5.83 crore ITRs for annual year 22-23 filed till 31st July. New record for Income Tax Department as over 72.42 lakh ITRs filed on a single day (31st July) pic.twitter.com/ZuArlE3A1S

— ANI (@ANI) August 1, 2022

છેલ્લા દિવસ 31 જુલાઈએ રેકોર્ડબ્રેક 72.42 lakh IT રિટર્ન દાખલ કરાયા
આઈટી રિટર્ન દાખલ કરવાના છેલ્લા દિવસ 31 જુલાઈએ 72.42 લાખ IT રિટર્ન દાખલ કરાયા છે જે ઈન્કમ ટેક્સ ડિપાર્ટમેન્ટ એક રેકોર્ડ સમાન છે. 

Government says 5.83 cr income tax returns filed till July 31, almost the same level as those filed last year

— Press Trust of India (@PTI_News) August 1, 2022

31 જુલાઈ, 2022 સુધીમાં કુલ 5.83 કરોડ રિટર્ન ફાઇલ

31 જુલાઈ, 2022 સુધીમાં દાખલ થયેલા આઈટી રિટર્નનો આંકડો અગાઉના નાણાકીય વર્ષ 2020-21 જેવો જ છે. તે નાણાકીય વર્ષ માટે 31 ડિસેમ્બર, 2021 સુધીમાં 5.89 કરોડ આવકવેરા રિટર્ન ફાઇલ કરવામાં આવ્યા હતા. 31 જુલાઈ 2022 રવિવારના રોજ જ 72 લાખ ઈન્કમ ટેક્સ રિટર્ન ફાઈલ કરવામાં આવ્યા છે.

હવે આઈટી રિટર્ન ભરશો તો લાગશે આટલી પેનલ્ટી 
હવે આવકવેરા રિટર્ન ભરવાની ડેડલાઈન પૂરી થઈ ગઈ હોવાથી જે કોઈ પણ ભરવા માગતા હશે તેમણે પેનલ્ટી ચૂકવવી પડશે. પેનલ્ટી વગર કોઈ પણ આઈટી રિટર્ન નહીં ભરી શકે. જે કરદાતાઓની કરપાત્ર આવક રૂપિયા 5 લાખથી વધુ છે તેમને હવે આવકવેરા રિટર્ન ભરવા પર રૂપિયા 5,000નો દંડ ભરવો પડશે. અને તેમને 31 ડિસેમ્બર 2022 સુધીમાં આવકવેરા રિટર્ન ભરવાનું રહેશે. જે કરદાતાઓની કરપાત્ર આવક રૂપિયા 5 લાખથી ઓછી હોય તેમને રૂપિયા 1000નો દંડ ભરવો પડશે. તેમજ જેમની પાસે ટેક્સ એરિયર્સ છે તેમણે રિટર્ન મોડું ફાઇલ કરવા પર એક ટકા વધારાનું વ્યાજ ચૂકવવું પડશે. જો કે, જે પણ વ્યક્તિની આવક કરપાત્ર આવકની મર્યાદા કરતા ઓછી હશે તેમણે કોઈ દંડ ભરવો નહીં પડે.