ટેક્નોલોજી / ક્યાંક તમારી સાથે આવો કાંડ ના થઇ જાય! Google Maps યુઝર્સ જરૂરથી ફૉલો કરજો આ ટિપ્સ

તાજેતરમાં બે કાર અકસ્માત થયા હતા ઉત્તર પ્રદેશના બદાઉન અને બરેલીમાં જેમાં તે બંને મુસાફરો ગૂગલ મેપ્સનો ઉપયોગ કરી રહ્યા હતા. તો આવી દુર્ઘટના ટાળવા માટે Google Mapsનો સમજદારીપૂર્વક ઉપયોગ કરવો ખૂબ જ મહત્વપૂર્ણ બની જાય છે. આજે કેટલીક સાવચેતીઓ વિશે જાણીશું જે તમારી મુસાફરીને સુરક્ષિત બનાવી શકે છે અને તમે આવી કોઈ જાનહાનિથી બચાવી શકે છે.

Google Mapsનો ઉપયોગ કરો છો તો આ 5 ટિપ્સ અવશ્ય અનુસરો.

એપને હંમેશા અપડેટ રાખો

કેટલીકવાર એપનું જૂનું વર્ઝન પણ તમને મોટી મુશ્કેલીમાં મૂકી શકે છે અને તેના કારણે એપનો ઉપયોગ કરવામાં મુશ્કેલી આવી શકે છે. આવી ઘટનાઓ પાછળનું કારણ એપના જૂનું વર્ઝનનો ઉપયોગ પણ હોઈ શકે છે તેથી Google નકશાના નવીનતમ વર્ઝનનો ઉપયોગ કરો, જેથી તમને સચોટ માહિતી અને નવી સુવિધાઓ મળે.

સ્ટ્રીટ વ્યૂનો ઉપયોગ કરો

જો તમે એવી જગ્યાએ જઈ રહ્યા છો જ્યાં તમે પહેલા ક્યારેય નથી ગયા તો પહેલા “સ્ટ્રીટ વ્યૂ” ફીચર દ્વારા તે વિસ્તારની તસવીરો જુઓ જે તમને રૂટનો વધુ સારો ખ્યાલ આપશે. કંપની આ સ્ટ્રીટ વ્યૂ ફીચરને સુધારવા માટે પણ સતત કામ કરી રહી છે.

ઇન્ટરનેટ કનેક્શન

ઘણી વખત મુસાફરી દરમિયાન ઇન્ટરનેટ કનેક્શન ડિસ્કનેન્ટ થઈ જાય છે. જેના લીધે દિશાઓમાં મૂંઝવણ થઈ શકે છે અને તમે આવી ઘટનાનો શિકાર ના બનો એ માટે ઇન્ટરનેટ કનેક્શન ચેક કરતાં રહો.

સ્થાનિક લોકોની મદદ લો

નકશા પર ક્યારેય સંપૂર્ણ આધાર રાખશો નહીં. જો રૂટ અંગે કોઈ મૂંઝવણ હોય તો નજીકના લોકો પાસેથી તેના વિશે પૂછપરછ કરો. સ્થાનિક માહિતી કેટલીકવાર Google નકશા કરતાં વધુ સચોટ હોય છે. રસ્તો તૂટી ગયો છે કે બંધ છે તેની માહિતી નકશા પર અપડેટ કરવામાં આવતી નથી.

વધુ વાંચો: દેશના દરેક પેટ્રોલ પંપ પર મળે છે આ સુવિધાઓ, જેના વિશે ભાગ્યે જ કોઇ જાણતું હશે

ઑફલાઇન નકશાનો ઉપયોગ કરો

જો તમે એવા વિસ્તારમાં જઈ રહ્યા છો જ્યાં ઈન્ટરનેટની સ્પીડ કે કનેક્શન નો અભાવ હોઈ શકે છે તો તે કેસમાં તે જગ્યાનો નકશો અગાઉથી ડાઉનલોડ કરી લો. પછી તે નેટવર્ક વિના પણ સારી રીતે કામ કરવાનું ચાલુ રાખશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ