તમારા કામનું / દેશના દરેક પેટ્રોલ પંપ પર મળે છે આ સુવિધાઓ, જેના વિશે ભાગ્યે જ કોઇ જાણતું હશે

આપણે સૌ કોઇ પેટ્રોલ પંપ પર જઈને પેટ્રોલ અને ડીઝલ ભરીએ છીએ, પરંતુ બહુ ઓછા લોકો જાણે છે કે પેટ્રોલ પંપ પર કેટલીક એવી મફત સેવાઓ ઉપલબ્ધ છે, જે આપણને મદદ કરી શકે છે. આ સેવાઓ તમારું જીવન સરળ બનાવે છે અને તમારા વાહન માટે પણ ફાયદાકારક સાબિત થઇ શકે છે. તો જાણી લો મફત સુવિધાઓ વિશે

વાહનની ટાયરમાં હવાના યોગ્ય પ્રમાણ હોવું ખૂબ જ મહત્વપૂર્ણ છે. આ સેવા પેટ્રોલ પંપ પર બિલકુલ ફ્રી આપવામાં આવે છે. અહીં ઈલેક્ટ્રોનિક મશીન દ્વારા હવા ભરવામાં આવે છે. ઘણી જગ્યાએ આ કામ માટે કર્મચારી પણ તૈનાત છે જે આ કામ કરે છે. જો તમે પેટ્રોલ ભરી રહ્યા છો અને કોઈ કારણસર આગ લાગવાનું થાય તો, પેટ્રોલ પંપ પર ફાયર સેફ્ટીના સાધનો મફતમાં ઉપલબ્ધ હોય છે. આ સિસ્ટમ સલામતી માટે ખુબ જ મહત્વપૂર્ણ છે.

ઈમરજન્સી કોલની સુવિધા

જ્યારે તમારા ફોનમાં લો બેટરી થઇ જાય, ત્યારે ઇમરજન્સી માટે તમે પેટ્રોલ પંપ પરથી ફ્રી કોલ કરી શકો છો. કોઈ પણ દુર્ઘટના કે નાની ઈમરજન્સીમાં ફર્સ્ટ એઈડ બોક્સનો ઉપયોગ કરી શકાય છે. તેમાં મલમ, બાન્ડએજ અને અન્ય જરૂરી દવાઓ હોય છે. સાથે પેટ્રોલ પંપ પર પીવા માટે શુદ્ધ પાણી ઉપલબ્ધ છે. કેટલીક જગ્યાએ RO પાણી અને ઠંડું પાણી પીવા માટે મફત મળે છે.

આ પણ વાંચો : પાનકાર્ડ માટે એપ્લાય કરતા પહેલા આ 4 પોઇન્ટ્સ અવશ્ય મગજમાં ઉતારી લેજો, નહીં થાઓ ફ્રોડના શિકાર

વૉશરૂમની સુવિધા

મુસાફરી દરમિયાન વૉશરૂમની સુવિધા પણ મફતમાં ઉપલબ્ધ છે. આ સેવા માત્ર ડ્રાઇવરો માટે નહીં, પરંતુ સૌ માટે ઉપલબ્ધ છે. કોઈ પણ પેટ્રોલ પંપ પર આ સેવાઓ માટે પેમેન્ટ માંગવામાં આવે, તો તે ગેરકાયદેસર છે. તો તમે પેટ્રોલિયમ કંપનીની વેબસાઇટ પર જઈને ફરિયાદ કરી શકો છો. તમને જણાવી દઈએ કે આ સુવિધાઓ મફતમાં આપવામાં આવે છે, અને તમારે આનો લાભ લેવા માટે જતાં વખતે યાદ રાખવું જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ