કામની વાત / પાનકાર્ડ માટે એપ્લાય કરતા પહેલા આ 4 પોઇન્ટ્સ અવશ્ય મગજમાં ઉતારી લેજો, નહીં થાઓ ફ્રોડના શિકાર

આ ડિજિટલ યુગમાં અનેક સર્વિસ ઓનલાઇન ઉપલબ્ધ છે. જેમાં આધાર કાર્ડ અને પાન કાર્ડ જેવા મહત્વના દસ્તાવેજો અપડેટ કરવા સુધીની સર્વિસ ઓનલાઈન થઈ જાય છે. પરંતુ તેની સાથે ઓનલાઈન સ્કેમ્સમાં પણ વધારો થયો છે. આવો જ એક કિસ્સો કાનપુરથી સામે આવ્યો છે જ્યાં એક વ્યક્તિએ તેના પૌત્ર માટે ઓનલાઈન પાન કાર્ડ માટે અરજી કરવાનો પ્રયાસ કર્યો ત્યારે તેને 7.7 લાખ રૂપિયાનો ચુનો લાગ્યો હતો.

કાનપુરના નવશીલ મોતી વિહાર, સર્વોદય નગરમાં રહેતા સુરેશ ચંદ્ર શર્મા, તેના પ્રપૌત્ર કનિષ્ક પાંડે માટે પાન કાર્ડ બનાવવા માટે ઓનલાઈન સર્ચ કરી રહ્યા હતા. ત્યારે શર્માને કસ્ટમર કેર હેલ્પલાઈન નંબર મળ્યો હતો. તેમને તે નંબર ડાયલ કરતા બે વ્યક્તિઓનો કોન્ટેક્ટ થયો હતો. બંને શખ્સોએ પોતાની ઓળખ કસ્ટમર સર્વિસ અધિકારીઓ તરીકે આપી હતી. આ બંનેએ પીડિતને કહ્યું કે પાન કાર્ડ માટે અરજી કરવા માટે કેટલીક પ્રોસેસ પૂરી કરવી પડશે, ત્યાર બાદ સ્કેમર્સે પીડિત પાસેથી આધાર કાર્ડ, પાન કાર્ડ અને બેંકિંગ વિગતો માંગી હતી.

• પૈસા બે વાર થયા ડેબિટ

પીડિતે તેને અસલી માનીને તમામ વિગતો શેર કરી હતી. ત્યાર બાદ સ્કેમર્સે પીડિતના બેંક એકાઉન્ટ્સ એક્સેસ કરવા માટે આ માહિતીનો લાભ લઇ લીધો હતો. જેથી પીડિત વૃદ્ધને 1,40,071 અને 6,30,071 રૂપિયા એમ બે વાર કુલ 7.7 લાખ રૂપિયાનું નુકસાન થયું હતું. ત્યાર બાદ તેમને કૌભાંડની જાણ થતાં તરત જ તેમની બેંક અને પોલીસમાં આગળની પ્રોસેસ રોકવા માટે ફરિયાદ નોંધાવી હતી.

વધુ વાંચો : જૂના પાન કાર્ડમાં ફટાફટ બદલી દેજો સરનામું, મોડું કરશો તો નહીં મળે QR કોડ સાથેનું નવું PAN 2.0

• જો તમે પણ પાન કાર્ડ માટે અરજી કરી રહ્યા હોવ તો નીચેની બાબતોનું ધ્યાન જરૂરથી રાખવુ જોઈએ.

1. વેબસાઈટ અથવા કસ્ટમર સર્વિસ નંબરોની ઓથેંટિસિટી હંમેશા બે વાર તપાસો. પાન કાર્ડ સંબંધિત સેવાઓ માટે NSDL અથવા UTIITSL જેવા સત્તાવાર સરકારી પોર્ટલનો ઉપયોગ કરો.
2. આધાર કાર્ડ અથવા પાન કાર્ડની વિગતો અને બેંકિંગ ક્રેડેંશિયલ જેવી માહિતી અનવેરિફાઈડ વ્યક્તિઓ અથવા પ્લેટફોર્મ સાથે શેર ન કરો.
3. કસ્ટમર સપોર્ટનો દાવો કરતા કૉલ્સ અથવા મેસેજથી સાવધાન રહો.
4. શંકાની સ્થિતિમાં પોલીસ અથવા સાયબર ક્રાઇમ રિપોર્ટિંગ પોર્ટલ cybercrime.gov.in પર જાણ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ