ટેક્નોલોજી / લો બોલો! હવે કોલ ઉઠાવવાની પણ જરૂર નહીં પડે, Googleએ કમાલ કરી દીધો, આવી જોરદાર ટેક્નોલોજી

અત્યારે આપણે ટેક્નોલોજીના યુગમાં રહીએ છીએ અને દરરોજ કોઈ નવી નવી ટેકનોલોજી વિકસી રહી છે. ખાસ કરીને આપણા હાથમાં રહેલ આ ફોનમાં પણ અનેક નવા ફીચર દરરોજ અપડેટ થયા રહે છે. એવામાં હાલ એક નવું ફીચર આવશે જેમાં તમારે ફોન કોલ્સ ઉઠાવીને જવાબ આપવાની પણ જરૂર નહીં પડે.

આ ખાસ ફીચર એ લોકો માટે છે જેમને ફોન કોલ્સ લેવાનું પસંદ નથી. એમની માટે Google ના Pixel ફોન ઉપયોગી થઈ શકે છે. ગૂગલ 'AI રિપ્લાય' નામનું એક નવું ફીચર લાવી રહ્યું છે અને આ ફીચરની મદદથી તમારો ફોન તમારા માટેના કોલનો જવાબ આપી શકે છે.

ગૂગલે આર્ટિફિશિયલ ઈન્ટેલિજન્સ (AI)નું કૉલ સ્ક્રીન ફંક્શન Google આસિસ્ટન્ટને તમારા કોલ્સનો જવાબ આપશે અને Google અત્યારે Pixel Phone એપમાં આ ફીચર માટે કામ કરી રહ્યું છે. આ ફીચર વિશે એવું કહેવાય રહ્યું છે કે જો કોઈ તમને કૉલ કરે છે, તો તમારો ફોન તે વ્યક્તિ સાથે ઑટોમૅટિક રીતે વાત કરી શકે છે.

Pixel Phoneમાં આ 'AI રિપ્લાય' ફીચર તમારા માટે યોગ્ય જવાબ તૈયાર કરશે અને તે વ્યક્તિને જણાવશે. આ ફીચર ખાસ કરીને એવા લોકો માટે ખૂબ જ ઉપયોગી સાબિત થઈ શકે છે જેઓ ફોન કોલ્સ લેવાનું પસંદ કરતા નથી.

વધુ વાંચો: દુનિયામાં કયા ફોન સૌથી વધુ વેચાય છે? છેલ્લા 3 મહિનાનો રિપોર્ટ જાહેર, આ કંપનીએ મારી બાજી

જો કોઈ વ્યક્તિ કૉલ કરે છે, તો એઆઈ રિપ્લાય વ્યક્તિએ જે કહ્યું તેના આધારે તમારા તરફથી જવાબ આપી દેશે. એટલે કે સેટ લિસ્ટમાંથી જવાબ પસંદ કરવાને બદલે, તમને AI-જનરેટેડ જવાબ મળશે જે કૉલરના સંદેશા માટે વધુ ફ્રેન્ડલી અને સાંભળવામાં સારો લાગશે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ