ઓફર / SBI યોનોના 3.45 કરોડ યુઝર્સ માટે જબરદસ્ત ઓફર, આ રીતે શોપિંગ પર મળશે 50 ટકા સુધીનું ડિસ્કાઉન્ટ

• એસબીઆઈના બેન્કિંગ એન્ડ લાઇફસ્ટાઇલ પ્લેટફોર્મ યોનોના યુઝર્સ માટે સારાં સમાચાર છે
• 3.45 કરોડ યુઝર્સને શોપિંગ પર મળશે 50% સુધીનું ડિસ્કાઉન્ટ
• અમેઝોન પર ઓનલાઇન શોપિંગ સહિત અનેક કેટેગરીમાં છૂટ મળશે

સ્ટેટ બેંક ઓફ ઈન્ડિયાના બેન્કિંગ એન્ડ લાઇફસ્ટાઇલ પ્લેટફોર્મ યોનોના યુઝર્સ માટે સારાં સમાચાર છે. યોનોના યુઝર્સને બમ્પર ડિસ્કાઉન્ટ સાથે શોપિંગની તક મળશે. એસબીઆઇએ યોનો સુપર સેવિંગ ડેઝની જાહેરાત કરી છે, જેમાં 4થી 7 ફેબ્રુઆરી સુધી યોનો યુઝર્સને શોપિંગ પર 50 ટકા સુધીનું જોરદાર ડિસ્કાઉન્ટ મળશે. જેમાં યુઝર્સને ઇલેક્ટ્રોનિક્સ, ફર્નિચર, ટ્રાવેલ, હોસ્પિટાલિટી, અમેઝોન પર ઓનલાઇન શોપિંગ સહિત અનેક કેટેગરીમાં છૂટ મળશે.

Save the dates! YONO Super Saving Days brings exclusive discounts on top brands like Amazon, Samsung, Yatra, OYO & Pepperfry. Stay tuned!#SuperSavingDays #YONOSBI #YONO pic.twitter.com/DCA02P60kW

— State Bank of India (@TheOfficialSBI) February 1, 2021

યોનોએ 100થી વધુ મર્ચન્ટ્સ સાથે કાર્નિવલ માટે ભાગીદારી કરી

યોનોના લગભગ 3.45 કરોડથી વધુ યુઝર્સ આ ઓફરનો ફાયદો ઉઠાવી શકે છે. યોનોએ તેના માટે અમેઝોન, ઓયો, સેમસંગ અને યાત્રા સહિત 100થી વધુ મર્ચન્ટ્સ સાથે ભાગીદારી કરી છે. યોનો સુપર સેવિંગ ડેઝમાં ઓયોની સાથે હોટલ બુકિંગ પર 50 ટકા સુધીની છૂટ મળી શકે છે. બીજી તરફ યાત્રા ડોટ કોમની સાથે ફ્લાઇટ બુકિંગ પર 10 ટકાની છૂટ મળશે. આ ઉપરાંત સેમસંગ મોબાઇલ અને ટેબલેટ પર 15 ટકાની છૂટ મળશે. બીજી તરફ પેપરફ્રાઈથી ફર્નિચર ખરીદવા પર 7 ટકા સુધીની વધારાની છૂટ મળશે. સાથે અમેઝોન સાથે પસંદગીની કેટેગરીની ખરીદી પર 20 ટકા સુધી કેશબેક મળશે.

યોનોને 3 વર્ષમાં 7.4 કરોડવાર ડાઉનલોડ કરવામાં આવી

એસબીઆઇના એમડી (રિટેલ એન્ડ ડિજિટલ બેન્કિંગ) સીએસ શેટ્ટીનું કહેવું છે કે યોનો સુપર સેવિંગ ડેઝ હેઠળ ગ્રાહકોને ખરીદી પર સારી ઓફર અને છૂટ મળશે. આ શોપિંગ કાર્નિવલને યોનો યુઝર્સ માટે જ ડિઝાઇન કરવામાં આવ્યું છે. નોંધનીય છે કે માત્ર 3 વર્ષમાં યોનોને 7.4 કરોડ વાર ડાઉનલોડ કરવામાં આવ્યું છે. બીજી તરફ, 3.45 કરોડથી વધુ રજસ્ટર્ડ યુઝર્સ છે.