પગાર વધશે... / સરકારી કર્મચારીઓ માટે ખુશખબર, 8માં પગાર પંચ પર આવ્યું મોટું અપડેટ

સરકાર દ્વારા સરકારી કર્મચારીઓને મોટી ભેટ મળી શકે છે. કેન્દ્રીય કર્મચારીઓ માટે સારા સમાચાર છે. ટૂંક સમયમાં જ કેન્દ્ર સરકાર કર્મચારીઓને મોટી ભેટ આપી શકે છે. સરકાર 8મા પગાર પંચની રચના કરવાની યોજના બનાવી રહી છે. આ સિવાય સરકાર મોંઘવારી ભથ્થામાં વધારો કરી શકે છે. મોંઘવારી ભથ્થામાં કુલ 4 ટકાનો વધારો થશે. જે બાદ પગારમાં બમ્પર વધારો થશે. લગભગ 1 કરોડ કર્મચારીઓ અને પેન્શનરોને આનો ફાયદો થશે. જૂનના અંતમાં અથવા જુલાઈના પ્રથમ સપ્તાહમાં તેની જાહેરાત કરવી શક્ય માનવામાં આવે છે. જો કે હજુ સુધી સરકારે સત્તાવાર રીતે કંઈ કહ્યું નથી.

પગારમાં બમ્પર વધારો થશે

છેલ્લી વખત 7માં પગાર પંચની રચના વર્ષ 2014માં કરવામાં આવી હતી, જે 2016માં અમલમાં આવી હતી. ભારતમાં દર દસ વર્ષે નવા પગારપંચની રચના કરવામાં આવે છે અને તેનો અમલ કરવામાં આવે છે. કેન્દ્ર સરકાર કેન્દ્રીય કર્મચારીઓ માટે 8મા પગાર પંચની રચના કરી શકે છે, જે બે વર્ષ પછી એટલે કે 2026 માં લાગુ કરવામાં આવશે.8મા પગાર પંચની રચનાની શક્યતાઓ અંગે સરકારે હજુ સુધી કંઈ કહ્યું નથી. મીડિયા રિપોર્ટ્સમાં આ પ્રકારનો દાવો કરવામાં આવી રહ્યો છે, જે તમારા માટે જાણવો ખૂબ જ જરૂરી છે. જો નવું પગારપંચ રચાય છે. તો તેના અમલ પછી પગારમાં બમ્પર વધારો થશે. જે એક મોટી ભેટ સમાન હશે.

વધુ વાંચો : 'યુદ્ધ અટકાવી દીધું, નીટ પેપર લીક ન અટકાવી શક્યાં'- રાહુલ ગાંધીનો કેન્દ્ર પર મોટો હુમલો

આ ટકાવારીથી DAમાં વધારો કરવામાં આવશે

કેન્દ્રીય કર્મચારીઓ અને પેન્શનરોના મોંઘવારી ભથ્થા એટલે કે ડીએમાં 4 ટકાનો વધારો શક્ય માનવામાં આવે છે. આ પછી, તે 54 ટકા સુધી વધવાનું નિશ્ચિત છે, જેના કારણે પગારમાં બમ્પર વધારો થશે. હાલમાં કર્મચારીઓને કુલ 50 ટકા ડીએનો લાભ મળી રહ્યો છે. જો ડીએમાં વધારો થશે તો તેના દરો 1 જુલાઈથી અમલી ગણવામાં આવશે. દર વર્ષે DAમાં બે વાર વધારો કરવામાં આવે છે, જેના દરો 1 જાન્યુઆરી અને 1 જુલાઈથી અસરકારક માનવામાં આવે છે. અગાઉ, ડીએના જે દરોમાં વધારો કરવામાં આવ્યો હતો તે 1 જુલાઈથી લાગુ કરવામાં આવ્યો હતો.