તસ્કરી / સુરત એરપોર્ટ પર ઝડપાઇ સોનાની દાણચોરી, બે મુસાફરોની 28 કિલો સોનાની પેસ્ટ સાથે ધરપકડ

સુરત આંતરરાષ્ટ્રીય એરપોર્ટ પરથી મોટી દાણચોરીનો પર્દાફાશ થયો છે. દુબઈથી એર ઈન્ડિયાની ફ્લાઇટ IX-174 દ્વારા આવેલા બે મુસાફરો પાસેથી કુલ 28 કિલો સોનાની પેસ્ટ ઝડપાઈ છે, જેમાંથી અંદાજે 23 કિલો શુદ્ધ સોનું હોવાનું બહાર આવ્યું છે.

આ કેસ ત્યારે બહાર આવ્યો જયારે CISFની વિજિલિયન્સ ટીમે એરપોર્ટ પર બંને મુસાફરોના વર્તનમાં શંકા જણાતાં તેમને અટકાવ્યા હતા. ત્યારબાદ CISF અને કસ્ટમ વિભાગે તેમની તલાશી લેતાં દાણચોરીનો ભાંડાફોડ થયો હતો.

તપાસ દરમિયાન ખુલ્યું કે બંને મુસાફરોએ ચાલાકીપૂર્વક સોનાની પેસ્ટ તેમના શરીર પર છુપાવી રાખી હતી. પેસ્ટના સ્વરૂપમાં સોનુ લાવવું એ દાણચોરી માટે સામાન્ય રીતે અપનાવાતી નવી પદ્ધતિ છે, જેમાં સોનું અલગ રૂપે છુપાવી તસ્કરી કરવામાં આવે છે જેથી સ્કેનર દ્વારા ઝડપવામાં મુશ્કેલી થાય.

આ પણ વાંચોઃ નવપરિણીત કપલ પાસે તલાટીએ કરી એવી માંગ કે હવે થઇ રહ્યો છે પસ્તાવો

કસ્ટમ વિભાગે સોનાની પેસ્ટ જપ્ત કરી આગળની કાયદેસર કાર્યવાહી શરૂ કરી છે. આ મોટી દાણચોરીના મામલે વધુ વિગત બહાર આવતી રહેશે, પરંતુ સુરક્ષા એજન્સીઓએ ઝડપી પગલાં લેતાં 23 કિલો જેટલા શુદ્ધ સોનાની મોટા મૂલ્યની ચોરી અટકાવી છે.

આ ઘટના સુરત એરપોર્ટના સુરક્ષા બંદોબસ્તના ચુસ્ત અમલનો દાખલો પણ છે અને સાથે દાણચોર તત્વો પર કરડાઘાતરૂપ સાબિત થઈ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ