બ્રેકિંગ ન્યુઝ
બ્રેકિંગ ન્યુઝ
6 ફોટો ગેલેરી
Last Updated: 07:26 AM, 17 August 2026
FOLLOW ON
શેર કરો
1/6
ભારે વરસાદે દુનિયાના અનેક દેશોમાં હાહાકાર મચાવ્યો છે. ચીનથી અમેરિકા અને યુરોપથી બ્રાઝિલ સુધી અનેક વિસ્તારોમાં પૂર જેવી સ્થિતિ સર્જાઈ છે. મુશળધાર વરસાદના કારણે અનેક શહેરોની સડકો પાણીમાં ગરકાવ થઈ ગઈ છે. ક્યાંક ઘરોમાં પાણી ઘૂસી ગયા છે તો ક્યાંક ગાડીઓ પાણીના ભારે પ્રવાહમાં તણાતી જોવા મળી રહી છે. કુદરતના આ રૌદ્ર સ્વરૂપ સામે લોકો પણ લાચાર બન્યા છે.
આ તસવીર શેર કરો
2/6
ચીનના વુક્સીમાં ભારે વરસાદ બાદ રસ્તાઓ પર પાણી ભરાઈ ગયું છે. અનેક વિસ્તારોમાં રસ્તાઓ પાણીમાં ગરકાવ થયા છે. પૂર વચ્ચે બે લોકો ઇલેક્ટ્રિક હાઇડ્રોફોઇલ બોર્ડ પર સવાર થઈને સુરક્ષિત જગ્યાએ જતા જોવા મળ્યા. અનેક વાહનો પાણીમાં ફસાઈ ગયા હતા અને ઘરોમાં પણ પાણી ઘૂસી ગયું હતું.
આ તસવીર શેર કરો
3/6
અમેરિકાના મિડવેસ્ટ વિસ્તારમાં પણ ભારે વરસાદે મુશ્કેલી વધારી છે. ઇલિનોઇસ, આયોવા અને ઇન્ડિયાના સહિતના વિસ્તારોમાં પૂર જેવી સ્થિતિ જોવા મળી રહી છે. અનેક જગ્યાએ ભારે વરસાદ નોંધાયો છે અને હજુ વધુ વરસાદની આગાહીથી લોકોની ચિંતા વધી છે. નીચાણવાળા વિસ્તારોમાં પાણી ભરાવાની સમસ્યા વધુ ગંભીર બની છે.
આ તસવીર શેર કરો
4/6
ગ્રીસના માની વિસ્તારમાં તોફાની વરસાદ બાદ અચાનક પૂર આવ્યું હતું. ભારે વરસાદના કારણે રસ્તાઓ પર પાણીનો જોરદાર પ્રવાહ જોવા મળ્યો. આ દરમિયાન મોટી ગાડીઓ પણ પાણીના પ્રવાહમાં રમકડાંની જેમ તણાતી જોવા મળી હતી. પૂરનું પાણી એટલું ઝડપથી વહી રહ્યું હતું કે લોકો માટે બહાર નીકળવું મુશ્કેલ બન્યું હતું.
આ તસવીર શેર કરો
5/6
બ્રાઝિલના કાસ્ત્રોમાં ભારે વરસાદની સાથે મોટા કરા પડ્યા હતા. કરા પડ્યા બાદ અનેક વિસ્તારોમાં રસ્તાઓ અને ખુલ્લી જગ્યાઓ પર સફેદ ચાદર પથરાઈ ગઈ હતી. ભારે પવન અને વરસાદના કારણે લોકો ઘરની બહાર નીકળવાથી બચતા જોવા મળ્યા. ખરાબ હવામાનના કારણે સામાન્ય જનજીવનને પણ અસર થઈ હતી.
આ તસવીર શેર કરો
6/6
ચીન, અમેરિકા, ગ્રીસ અને બ્રાઝિલ ઉપરાંત દુનિયાના અન્ય અનેક દેશોમાં પણ ભારે વરસાદ અને પૂરની સ્થિતિ જોવા મળી રહી છે. ક્યાંક રસ્તાઓ પાણીમાં ગરકાવ થયા છે તો ક્યાંક ઘરો અને વાહનોને નુકસાન થયું છે. અલગ-અલગ દેશોમાં કુદરતના રૌદ્ર સ્વરૂપની તસવીરો સામે આવી રહી છે. સતત બદલાતી હવામાનની સ્થિતિએ ફરી એકવાર દુનિયા સામે મોટો પડકાર ઊભો કર્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
