ટલ્લી ક્રિકેટર / ફૂલ દારુ પીવાને કારણે આ મોટા ક્રિકેટરની તબિયત બગડી, હોસ્પિટલમાં દાખલ, વર્લ્ડ કપનો હીરો છે

• ઓસ્ટ્રેલિયાનો ઓલરાઉન્ડર ગ્લેન મેક્સવેલ હોસ્પિટલમાં 
• એડિલેડમાં પાર્ટીમાં પી ગયો ફૂલ દારુ
• ફૂલ પી જતા ભાન ભૂલ્યો, બેહાશ થતાં હોસ્પિટલમાં દાખલ 

વર્લ્ડ કપનો હીરો રહેલા ઓસ્ટ્રેલિયાના ઓલરાઉન્ડર ગ્લેન મેક્સવેલને દારુ પીવાનું ખૂબ ભારે પડ્યું. એડિલેડમાં એક પાર્ટીમાં મેક્સવેલ ગજા કરતાં વધારે દારુ પી ગયો હતો જેને કારણે તેની તબિયત બગડી હતી અને તેને એમ્બ્યુલન્સ બોલાવીને હોસ્પિટલ ભેગો કરવામાં આવ્યો હતો. તેણે એટલો દારુ પીધો કે ઉઠવાનું પણ ભાન રહ્યું નહોતું. મેક્સવેલે એડિલેડમાં એક પ્રખ્યાત ગોલ્ફ ઇવેન્ટમાં ભાગ લીધો હતો. આ પછી તે પબમાં પહોંચી ગયો. પબમાં પાર્ટી દરમિયાન મેક્સવેલે ઘણી પાર્ટી કરી હતી. આ પછી, તેની હાલત વધુ ખરાબ થઈ ગઈ. ત્યારબાદ તેને તાત્કાલિક રોયલ એડીલેડ હોસ્પિટલમાં લઈ જવામાં આવ્યો હતો. 

Australia's head coach spoke to Glenn Maxwell after the allrounder was briefly hospitalised following a night out 🗣

Full story 👉 https://t.co/y2YfD83oVj pic.twitter.com/dDfRrKHRDB

— ESPNcricinfo (@ESPNcricinfo) January 24, 2024

લોકોને ઓટોગ્રાફ આપીને મિત્ર સાથે સ્ટેજ પાછળ જઈને પીધો બરાબરનો 
એડિલેડના શો દરમિયાન મેક્સવેલ ચાહકો સાથે ઘણા ફોટા પડાવ્યાં હતા ત્યાર બાદ તે અને તેના મિત્રો સ્ટેજની પાછળ દારૂ પીને ગીત ગાવા જતા રહ્યા હતા. પછી બીજા મિત્રો પણ રૂમમાં આવ્યા. આ દરમિયાન મેક્સવેલ બેહોશ થઈ ગયો હતો અને જાતે ઊભો રહી શકે તેવી પણ હાલતમાં નહોતો રહ્યો ત્યારબાદ મેક્સવેલને એમ્બ્યુલન્સ દ્વારા હોસ્પિટલ લઈ જવામાં આવ્યો હતો. જોકે, તેને થોડા જ સમયમાં હોસ્પિટલમાંથી રજા મળી ગઈ હતી અને હવે તે ટીમની સાથે છે.

Glenn Maxwell:

-Last year got injured in a friend's party while running.

-In World Cup, Got injured because fell off a golf cart.

*-Now, hospitalised in ambulance after a night out drinking.* pic.twitter.com/btBJfZps84

— M.Mustajab (@Mustajab_FF) January 23, 2024

મેક્સવેલને ખૂબ શરમ 
મેક્સવેલને આ ઘટનાનો ખેદ છે તેણે કહ્યું કે હું આ ઘટનાથી ઘણી શરમ અનુભવું છું. આ ઘટના બાદ હેડ કોચ મેકડોનાલ્ડ્સે મેક્સવેલને આકરી ચેતવણી આપી હતી અને જરા માપમાં પીવાની સલાહ આપી હતી. ઓસ્ટ્રેલિયન ક્રિકેટમાં આ ઘટના ઘણા પડઘા પડ્યાં હતા. 

2023ના વર્લ્ડ કપનો હીરો છે મેક્સવેલ 
ઉલ્લેખનીય છે ગ્લેન મેક્સવેલ 2023ના વર્લ્ડ કપનો હીરો છે. વર્લ્ડ કપમાં અફઘાનિસ્તાન સામેની તેની 201 રનની ઈનિંગ તો આખી દુનિયાને યાદ છે. રમી ન શકાય તેટલી ઈજાની હાલતમાં મેક્સવેલે 128 બોલમાં 201 રન ફટકારતાં ઓસ્ટ્રેલિયાની અફઘાનિસ્તાન સામે મોટી જીત થઈ હતી. ભારત સામેની ફાઈનલમાં પણ મેક્સવેલે વિનિંગ શોટ ફટકારીને દેશને વર્લ્ડ કપ અપાવ્યો હતો. 

ભારતનો જમાઈ છે મેક્સવેલ
ઉલ્લેખનીય છે કે મેક્લવેલ ભારતીય મૂળની વિની રમણ સાથે લગ્ન કર્યાં છે. વિનીનો પરિવાર તામિલનાડુનો છે અને વર્ષોથી ઓસ્ટ્રેલિયામાં રહે છે.