સામૂહિક કબર / ખેતર ખોદતાં નીકળ્યાં 1500 હાડપિંજરો, ઠાંસીને દફનાવાયા, આ જીવડાંએ મારી નાખ્યાં

વૈજ્ઞાનિકોએ યુરોપના અત્યાર સુધીના સૌથી મોટા સામૂહિક કબ્રસ્તાનને ખુલ્લી પાડી છે. કબરમાં દફનાવાયેલા તમામ લોકો ચાંચડ નામના જંતુથી ફેલાતાં પ્લેગથી મર્યાં હતા અને અહીં તેમને સાથે જ કબરમાં દાટી દેવાયાં હતા. આ તો હજુ કંઈ નથી કારણે જે સમયે પ્લેગ ફેલાયો હતો તે સમયે લાખો લોકો મર્યાં હતા અને ખોદકામમાં હજુ હજારોની સંખ્યામાં હાડપિંજરો હાથ લાગી શકે છે. 

સામૂહિક કબરમાં 1500 લોકોના હાડપિંજરો મળ્યાં 
જર્મનીના ન્યુરેમ્બર્ગમાં સામૂહિક કબરમાં ઓછામાં ઓછા 1500 લોકોના હાડપિંજરો મળી આવ્યાં છે. 17મી સદીના પૂર્વાર્ધમાં ચાંચડ નામના જીવડાંને કારણે ફેલાયેલા બુબોનિક પ્લેગથી  લોકો મર્યા હતા જેમને અહીં દફનાવાયા હતા. કબરનો મંજર જોઈને ડરી જવાય તેવું છે. આજુબાજુમાં લાઈનબંધ લોકોને દફનાવાયા હતા, કબરમાં ખોપડીઓ અને હાડકાંનો માળો મળી આવ્યો હતો. કેટલાક મૃતદેહોને જ્યારે દફનાવવામાં આવ્યા ત્યારે તેઓ કપડાંમાં હતા અથવા કપડામાં વીંટાળેલા હતા, પરંતુ સામાન્ય રીતે તેમને દફનાવવાની જગ્યામાં ચુસ્તપણે દબાવવામાં આવતા હતા જેથી કરીને પ્લેગના જંતુઓ ત્યાંનાં ત્યાં મરી જાય.  

વધુ વાંચો : રાણીની લાશ પર રાજાની બોડી, 32 બલિ સાથે સોનાનો ઢગલો, 1200 વર્ષની કબરમાં હેરાનભરી દફનવિધિ

મકાન બાંધવા ખેતરમાં ખોદકામ વખતે મળ્યાં હાડપિંજરો
ન્યુરેમ્બર્ગમાં ઘર બાંધવા માટે ખેતરમાં ખોદકામ ચાલી રહ્યું હતું ત્યારે આ સામૂહિક કબર મળી આવી હતી. નિષ્ણાંતોએ કહ્યું કે કુલ હાડપિંજરોની સંખ્યા 2000ની આસપાસ હોઈ શકે છે. હાલમાં તો 1500 મળ્યાં છે પરંતુ જેમ જેમ ખોદકામ આગળ ચાલી રહ્યું છે તેમ તેમ વધારે હાડપિંજરો મળતાં જાય છે. 

ચાંચડ નામના જીવડાંથી ફેલાયો હતો પ્લેગ
યુરોપમાં 1300થી 1900ના દાયકા દરમિયાન ત્રણ વાર પ્લેગનો રોગચાળો ફેલાયો હતો અને લાખો લોકો માર્યાં ગયા હતા. ચાંચડ નામના નાના જીવડાંના ડંખથી આ રોગ ફેલાયો હતો અને પછી તેણે મોતનું ભયાનક તાંડવ ખેલ્યું હતું. યુરોપમાં બ્લેક ડેથ તરીકે ઓળખાતી પ્રથમ લહેર 1347થી 1351માં આવી હતી જ્યારે 1500ની સાલમાં બીજી અને છેલ્લે 1800ની સાલમાં ત્રીજી વાર પ્લેગ ફેલાયો હતો. 

One of the largest mass graves from the Plague has been found in Nuremberg. https://t.co/oxeOitgNWT

— KC Martin-Stone (@KCMartinStone) March 11, 2024

કબરમાંથી મળી ચિઠ્ઠી 
વૈજ્ઞાનિકોએ ખોદકામમાં 1634ની એક ચિઠ્ઠી પણ મળી આવી છે જેમાં સ્થળ પર પ્લેગ ફાટી નીકળવાની વિગતો આપવામાં આવી હતી જેમાં 1632 થી 1633 ની વચ્ચે 15,000 થી વધુ લોકો માર્યા ગયા હતા. આને કારણે તેઓ એ નિષ્કર્ષ પર પહોંચ્યા કે આ મૃતદેહો 1632-1633ના પ્લેગ રોગચાળાથી સંભવિત છે. નવા રિટાયરમેન્ટ હોમ પર કામ કરી રહેલા ડબ્લ્યુબીજી ગ્રુપના મેનેજિંગ ડિરેક્ટર રાલ્ફ શેકીરાએ જણાવ્યું હતું કે તેમને આવી મહત્વપૂર્ણ શોધની અપેક્ષા નથી. તેમણે કહ્યું કે અમારુ હવે પછીનું કામ બધા હાડપિંજરને દૂર કરવાનું અને પ્લેગ બેક્ટેરિયમ યેર્સિનિયા પેસ્ટિસના નિશાન માટે હાડકાંનો અભ્યાસ કરવાનું છે.