- ભારતમાં કોરોના વાયરસના કેસ સતત વધી રહ્યા હોઇ ચિંતાજનક સ્થિતિ
- દદરોજ હજારોની સંખ્યમા કેસો આવતા હવે રસીકરણ પર ભાર મૂકવામાં આવ્યો
- જેમણે રસીના બે ડોઝ લાગુ કર્યા છે તેમને બૂસ્ટર ડોઝ લાગુ કરવાની સલાહ
ભારતમાં કોરોના વાયરસના કેસ સતત વધી રહ્યા હોઇ ચિંતાજનક સ્થિતિ બની છે. આ તરફ હવે દરરોજ હજારોની સંખ્યામાં કોરોનાના નવા કેસ સામે આવી રહ્યા છે. આ દરમિયાન હવે રસીકરણ પર ભાર મૂકવામાં આવી રહ્યો છે. 14 એપ્રિલે 467 રસીના ડોઝ આપવામાં આવ્યા હતા. પુખ્ત વયનાં લોકો કે જેમણે રસીના બે ડોઝ લાગુ કર્યા છે, તેમને બૂસ્ટર ડોઝ લાગુ કરવાની સલાહ આપવામાં આવી છે.
સીરમ ઈન્સ્ટિટ્યૂટ ઓફ ઈન્ડિયાના સીઈઓ અદાર પૂનાવાલાએ કહ્યું કે આગામી ચાર-પાંચ દિવસમાં કોરોના બૂસ્ટર કોવોવેક્સ મોટા શહેરોમાં સપ્લાય કરવામાં આવશે. કોરોના સંક્રમણની અસર ખતમ થતાની સાથે જ સંબંધિત કંપનીઓએ વેક્સીનનું ઉત્પાદન બંધ કરી દીધું હતું. ભારત બાયોટેકે પણ કહ્યું છે કે, રસીના ઉત્પાદન માટે તૈયારીઓ કરવામાં આવી રહી છે. આ માટે હાલ કોઈ સત્તાવાર બેઠક યોજાઈ નથી. એવી અપેક્ષા છે કે, આગામી દિવસોમાં બજારમાં રસીનો પુરવઠો શરૂ થઈ જશે.
શું કહ્યું અદાર પૂનાવાલાએ ?
અદાર પૂનાવાલાએ જણાવ્યું કે મુંબઈ, પુણે, દિલ્હી, બેંગ્લોર અને હૈદરાબાદને આ સપ્તાહે રસીનો પુરવઠો મળવાનું શરૂ થઈ જશે. આ સિવાય કોવેક્સના 60 લાખ ડોઝ સપ્લાય માટે તૈયાર છે. ખાનગી હોસ્પિટલોને માંગ પ્રમાણે સપ્લાય કરી શકાય છે. કોવેક્સનું ઉત્પાદન ઓર્ડરના આધારે થશે. તેમણે કહ્યું કે, ભારત બાયોટેક પહેલાથી જ INCOVACC નું ઉત્પાદન કરી ચૂક્યું છે અને સપ્લાય માટે તૈયાર છે.
શુક્રવારે મુંબઈ અને પુણેમાં માત્ર બે હોસ્પિટલો એવી હતી જ્યાં કોવિડ બૂસ્ટર ડોઝ ઉપલબ્ધ હતા. જોકે આ રસી હૈદરાબાદ અને બેંગલુરુ જેવા શહેરોમાં ઉપલબ્ધ નથી. પુખ્ત વસ્તી, જેમણે કોવિડનો પ્રથમ અને બીજો ડોઝ લીધો છે, તેઓ બૂસ્ટર ડોઝ લાગુ કરી શકે છે. કોવેક્સના ડોઝ દિલ્હીની એક કે બે હોસ્પિટલોમાં ઉપલબ્ધ હતા, પરંતુ સ્ટોક માત્ર બાળકો માટે જ ઉપલબ્ધ હતો.
ભારતમાં ઝડપથી વધી રહ્યા છે કોરોના કેસ
ભારતમાં કોરોના વાયરસના સંક્રમણના કેસ ઝડપથી વધી રહ્યા છે. 14 એપ્રિલે 11,109 કેસ નોંધાયા હતા. અગાઉ સરેરાશ 5000-6000 કેસ નોંધાતા હતા. આ સાથે, સક્રિય કેસોની સંખ્યા વધીને 49,622 થઈ ગઈ છે. દૈનિક હકારાત્મકતા દર વધીને 5.01 ટકા અને સાપ્તાહિક હકારાત્મકતા દર વધીને 4.2 ટકા થયો છે. તે જ સમયે, રિકવરી રેટ ઘટીને 98.7 ટકા થઈ ગયો છે.
