G20 Summit / PM મોદીએ કેનેડાના વડાપ્રધાન સમક્ષ ઉઠાવ્યો ખાલિસ્તાનનો મુદ્દો, જુઓ જસ્ટિન ટ્રુડોએ શું કહ્યું..

• દિલ્હીમાં G-20 શિખર સંમેલન યોજાયું
• PM મોદીએ ઘણા દેશોના રાષ્ટ્રપતિઓ સાથે દ્વિપક્ષીય બેઠકો કરી
• PM મોદીએ કેનેડાના PM જસ્ટિન ટ્રુડો સાથે મુલાકાત કરી 

દિલ્હીમાં G-20 શિખર સંમેલન દરમિયાન PM નરેન્દ્ર મોદીએ ઘણા દેશોના રાષ્ટ્રપતિઓ સાથે દ્વિપક્ષીય બેઠકો કરી છે. વડાપ્રધાન મોદીએ કેનેડાના પીએમ જસ્ટિન ટ્રુડો સાથે મુલાકાત કરી. બંને નેતાઓએ વિવિધ ક્ષેત્રોમાં ભારત-કેનેડા સંબંધોની સંપૂર્ણ શ્રેણી પર ચર્ચા કરી. આ મીટિંગ અંગે પીએમ મોદીએ X પર પોસ્ટ કરીને લખ્યું, પીએમ જસ્ટિન ટ્રુડો સાથે ફળદાયી મુલાકાત રહી. અમે વિવિધ ક્ષેત્રોમાં ભારત-કેનેડા સંબંધોની સમગ્ર શ્રેણી પર ચર્ચા કરી. સૂત્રોના જણાવ્યા અનુસાર આ દરમિયાન પીએમ મોદીએ કેનેડાના પીએમ જસ્ટિન ટ્રુડો સાથે ખાલિસ્તાનનો મુદ્દો પણ ઉઠાવ્યો હતો.

Met PM @JustinTrudeau on the sidelines of the G20 Summit. We discussed the full range of India-Canada ties across different sectors. pic.twitter.com/iP9fsILWac

— Narendra Modi (@narendramodi) September 10, 2023

કેનેડાના વડાપ્રધાને શું કહ્યું?

આ બેઠક બાદ ખાલિસ્તાન અને વિદેશી હસ્તક્ષેપના મુદ્દે કેનેડાના વડાપ્રધાન જસ્ટિન ટ્રુડોએ કહ્યું કે, બંને મુદ્દાઓ સામે આવ્યા. વર્ષોથી પીએમ મોદી સાથે અમે આ બંને મુદ્દાઓ પર ઘણી વાતચીત કરી છે. કેનેડા હંમેશા પ્રતિબદ્ધ છે. અભિવ્યક્તિની સ્વતંત્રતા, અંતરાત્મા અને અમે અમારી અભિવ્યક્તિની સ્વતંત્રતા અને શાંતિપૂર્ણ વિરોધનું રક્ષણ કરીશું અને તે અમારા માટે અત્યંત મહત્વપૂર્ણ છે. કેનેડાના વડા પ્રધાને કહ્યું, સમય આવી ગયો છે કે આપણે હિંસા રોકવા અને નફરતને પાછળ ધકેલવા માટે હંમેશા હાજર રહીએ. મને લાગે છે કે આ સમુદાયના મુદ્દા પર એ યાદ રાખવું જરૂરી છે કે થોડા લોકોના કાર્યો સમગ્ર સમુદાયને અસર કરતા નથી. આની બીજી બાજુ એ છે કે અમે કાયદાના શાસનનું સન્માન કરવાના મહત્વને પણ પ્રકાશિત કર્યું અને અમે વિદેશી હસ્તક્ષેપ વિશે પણ વાત કરી.

 

Productive discussions at the G20 Summit for a better planet... pic.twitter.com/rNSOOHpB5L

— Narendra Modi (@narendramodi) September 10, 2023

ભારત કેનેડાનું મહત્વપૂર્ણ ભાગીદાર છે

ભારત-કેનેડા સંબંધો અને પીએમ મોદી સાથેના તેમના સંબંધો વિશે કેનેડાના વડા પ્રધાને કહ્યું, અમે જાણીએ છીએ કે ભારત વિશ્વમાં એક અપવાદરૂપે મહત્વપૂર્ણ અર્થતંત્ર છે. ભારત આબોહવા પરિવર્તન સામે લડવાથી લઈને વૃદ્ધિ અને સમૃદ્ધિ પેદા કરવા સુધીની દરેક બાબતમાં મહત્વપૂર્ણ ભાગીદાર છે.