ઝુંબેશ / અમદાવાદીઓ સાવધાન: આવતી કાલથી જો રોંગ સાઇડમાં નીકળ્યાં તો ગયા સમજો, સીધું જ લાયસન્સ કેન્સલ

અમદાવાદમાં આવતીકાલથી રોંગસાઇડ વાહનો ચલાવતા લોકો ટ્રાફિક નિયમોનો ભંગ કરતા પહેલા વિચાર કરજો. કારણ કે અમદાવાદમાં આવતીકાલથી 30 જૂન સુધી ટ્રાફિક વિભાગે રોંગ સાઇડ વાહન ચલાવનારાઓ સામે ઝુંબેશ શરૂ કરી છે.

શહેરમાં ટ્રાફિક પોલીસ એક્શનમાં

જે અંતર્ગત અમદાવાદ શહેરના મુખ્ય રસ્તા ઉપરાંત મહત્વના રોડ પર રોંગસાઇડમાં વાહનો ચલાવતા ચાલકો સામે સીધો ગુનો નોંધશે. ટ્રાફિક વિભાગે નિયમોનો ભંગ કરતા વાહનચાલકોને દંડવાનો નહીં પરંતુ સીધો ગુનો નોંધી કોર્ટમાં હાજર થવા, લાયસન્સ જપ્ત કરવા અથવા કેન્સલ કરવાનો નિર્ણય લીધો છે.

વાંચવા જેવું: વડોદરાના યોગ પ્રશિક્ષક પ્રવીણ મારીપલ્લી, જેને 41 શિખરો પર 108 સૂર્ય નમસ્કારથી નામ કમાઈ લીધું, હવે અંતિમ લક્ષ્ય...!

દંડ નહી સીધો ગુનો નોંધાશે

શહેરમાં રોંગસાઇડમાં દોડતા વાહનોને લઇ વારંવાર થતી અકસ્માતની ઘટનાઓને અટકાવવા આ નિર્ણય લેવાયો છે. તારીખ 22થી લઈ 30 જૂન સુધી રોંગ સાઈડ વાહન ચલાવનાર પાસેથી પોલીસ હવે દંડ નહી સૂધો જ ગુનોં નોંધશે.