નેશનલ / સરકારી નોકરીઓમાં 99% ગોટાળા પર બાબા રામદેવ બોલ્યા- મારે ફરી તો આંદોલન ના કરવુ પડે...

યોગ ગુરુ બાબા રામદેવે સરકારી નોકરીઓમાં કથિત ગોટાળાને લઈને આંદોલન શરૂ કરવાની ચેતવણી આપી છે. તેમણે જણાવ્યું હતું કે સરકારી નોકરીના ઇન્ટરવ્યૂ દરમિયાન મોટા પાયે ગેરરીતિઓ આચરવામાં આવે છે, જેમાં ચોક્કસ જ્ઞાતિ, વર્ગ કે સંગઠનો સાથે સંકળાયેલા ઉમેદવારોને પ્રાધાન્ય આપવામાં આવે છે અને અન્યને બાકાત રાખવામાં આવે છે.

તેમણે જણાવ્યું હતું કે, જો વ્યવસ્થામાં સુધારો નહીં થાય, તો તેમણે કદાચ આંદોલન શરૂ કરવું પડી શકે છે. જોકે, તેમણે સ્પષ્ટ કર્યું હતું કે તેઓ અરાજકતા કે આંદોલનની તરફેણ કરતા નથી, પરંતુ દેશમાં પ્રવર્તતી અનિયમિતતાઓને સુધારવી અત્યંત આવશ્યક છે.

બાબા રામદેવનું કહેવુ છે કે, સમગ્ર દેશમાં ભારે રોષ જોવા મળી રહ્યો છે. તેમણે કહ્યું, "શાળાઓ અને કોલેજોના વિદ્યાર્થીઓ વીજળી, પાણી અને પુસ્તકોના અભાવ અંગે ફરિયાદો કરી રહ્યા છે. ભલે તેઓ પરીક્ષાઓ પાસ કરી લે, પરંતુ ધોરણ 10 અને 12માં મેળવેલા ગુણનું કોઈ મહત્વ રહેતું નથી; પસંદગી સ્પર્ધાત્મક પરીક્ષાઓના આધારે થાય છે. વધુમાં, સરકારી નોકરીના ઇન્ટરવ્યુ દરમિયાન 90-99% ગોટાળો હોય છે."

તેઓ પોતાની સંસ્થાઓ, જ્ઞાતિઓ કે વર્ગોમાંથી જ લોકોને રાખે છે અન્ય લોકોને બાકાત રાખીને ભરતી કરે છે. આ બાબત ન્યાયના સિદ્ધાંતોની વિરુદ્ધ છે. ભરતી પ્રક્રિયામાં ઘણીવાર નાણાંની લેવડદેવડ કે લાંચનો સમાવેશ થાય છે. જો સ્થિતિમાં સુધારો નહીં થાય, તો દેશમાં આંદોલન થશે. હું વિરોધ પ્રદર્શનો કે અરાજકતાનું સમર્થન કરતો નથી, પરંતુ વ્યાપક સ્તરે ગેરરીતિઓ ચાલી રહી છે. આમાં સુધારો થવો જરૂરી છે. નહીંતો એવી પરિસ્થિતિ સર્જાઈ શકે છે કે જેમાં બાબા રામદેવને આંદોલન શરૂ કરવાની ફરજ પડે.

આ પણ વાંચો: સ્વતંત્રતા દિવસ સમારોહમાંથી ફરી ગાયબ થયા રાહુલ ગાંધી-ખરગે, સામે આવ્યું કારણ

બાબા રામદેવે રાજકારણીઓને અપીલ કરી હતી કે તેઓ પરસ્પર ઝઘડવાને બદલે રાષ્ટ્રહિતમાં સાથે મળીને કામ કરે. તેમણે કહ્યું કે રાજકારણીઓએ એકબીજા સાથે લડવું ન જોઈએ. પાકિસ્તાન અને વિદેશી સત્તાઓ જેવા બાહ્ય પરિબળોનો સામનો કરવાનો હોવાથી આંતરિક ઝઘડાઓ ટાળવા જોઈએ. તેમણે ટિપ્પણી કરી હતી કે દ્વેષભાવ રાખવો યોગ્ય નથી અને દેશમાં થઈ રહેલા સકારાત્મક વિકાસને બિરદાવવો જોઈએ. બાબા રામદેવે ભારપૂર્વક જણાવ્યું હતું કે અન્ય લોકો પ્રત્યે નફરત ન રાખવી જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ