કચ્છ / નેપાળી મહિલાઓની ગેંગ ઝડપાઈ, ઘરકામ માટે રાખતા પહેલાં ચેતી જજો, આવી રીતે કરતી ચોરી

આંતરરાજ્ય ઘરફોડ ચોરીના ગુન્હામાં સંડોવાયેલ બે નેપાળી મહિલાને આદિપુર પોલીસે ઝડપી પાડી છે.આરોપી મહિલા ઘરકામના બહાને પોશ વિસ્તારોના મકાનોમાં ઘૂસી વિશ્વાસ કેળવી ઘરફોડ ચોરીને અંજામ આપતી હતી.મહારાષ્ટ્રના પુણે, થાણે અને કર્ણાટકના બેંગ્લોર સહિત 6 જેટલી ઘરફોડ ચોરીના ગુન્હાઓનો ભેદ પોલીસે ઉકેલી દીધો છે

પોલીસે બે મહિલાઓને ઝડપી પાડી

આદિપુરમાં ચાર મહિના પહેલા ઘરફોડ ચોરીનો ગુનો નોંધાયો હતો. તપાસ દરમિયાન પોલીસને માહિતી મળી કે નેપાળી મહિલાઓ આદિપુરની વિવિધ સોસાયટીઓમાં ઘરકામ માટે મકાન શોધી રહી છે. પોલીસે હ્યુમન ઇન્ટેલિજન્સ અને ટેકનિકલ સર્વેલન્સના આધારે બે મહિલાઓને ઝડપી લીધી..પકડાયેલી સલીના ધનબહાદુર શાહી અને રવીના ઉર્ફે વિવેક શાહી પાસેથી કુલ રૂ.1,85,790નો મુદ્દામાલ કબજે કરાયો છે.જેમાં સોનાની ડાયમંડ રિંગ, મોબાઈલ ફોન અને રોકડ રકમનો સમાવેશ થાય છે.

મહિલાઓની ચોરીની મોડસ ઓપરેન્ડી શું હતી

પોલીસની પૂછપરછમાં ખુલાસો થયો છે કે આરોપી મહિલાઓ પહેલા ઘરકામની નોકરી મેળવી મકાન માલિકનો વિશ્વાસ જીતી લેતી.ત્યારબાદ પરિવારની હિલચાલ અને ઘરમાં રહેલા કિંમતી સામાનની માહિતી મેળવતી. પરિવાર બહાર જાય ત્યારે સાગરીતોને બોલાવી ઘરફોડ ચોરીને અંજામ આપતી..

મહિલાઓએ ગુજરાત સહિત અન્ય રાજ્યોમાં પણ કરેલ ચોરીનો ભેદ ઉકેલાયો

મહિલા આરોપી ચોરીનો સોના-ચાંદીનો સામાન અને અન્ય વસ્તુઓ નેપાળ લઈ જઈ વેચી નાખતી હતી. જ્યારે રોકડ રકમ મોજશોખ, ફરવા અને ફ્લાઇટના ખર્ચમાં વપરાતી હતી. પોલીસ તપાસમાં આદિપુર ઉપરાંત પુણેમાં ત્રણ, થાણે અને બેંગ્લોરમાં એક-એક સહિત 6 જેટલી ઘરફોડ ચોરીનો ભેદ ઉકેલી દીધો છે.

આ પણ વાંચોઃ પશુપાલકો આનંદો, આ ડેરીએ કરી મોટી જાહેરાત, મળશે 10% ડિવિડન્ડ

ત્રણ આરોપીઓને ઝડપી પાડવા પોલીસે ચક્રોગતિમાન કર્યા

આરોપી પાસેથી સોનાના ડાયમંડ રીંગ , નેપાળી ચલણ , રોકડ, મોબાઈલ સહિત કુલ 1,85,790 નો મુદ્દામાલ કબ્જે કર્યો. આ કેસમાં નેપાળના ભીમબહાદુર નરબહાદુર શાહી, વીરેન્દ્ર બહાદુર ઉર્ફે વિવેક શાહી અને ભીમબિર ઉર્ફે પ્રિન્સ બીરા શાહીની સંડોવણી ખુલી છે. ફરાર ત્રણેય આરોપીને ઝડપી પાડવા પોલીસે ચક્રોગતિમાન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ