બનાસકાંઠા / સાસુ, વહુ, દીકરી અને દીકરાએ સામેથી મોતને પોકાર્યું! દાંતીવાડા ડેમમાં પરિવારના 4 સભ્યો કર્યો સામૂહિક આપઘાત, પંથકમાં સન્નાટો

• દાંતીવાડામાં પરિવારનો સામૂહિક આપઘાત
• દાંતીવાડા ડેમમાં પરિવારના 4 સભ્યોએ ઝંપલાવીને જીવન ટૂંકાવ્યું
• સાસુ,વહુ, દીકરી અને દીકરાએ આપઘાત કર્યા હોવાની ચર્ચા

રાજ્યમાં વધુ એકવાર સામૂહિક આપઘાતનો બનાવ સામે આવતા ચકચાર મચી જવા પામી છે. બનાસકાંઠાના દાંતીવાડા ડેમમાં પરિવારે સામૂહિક આપઘાત કર્યો છે. અત્રે જણાવીએ કે, દાંતીવાડા ડેમમાં પરિવારના 4 સભ્યોએ ઝંપલાવીને જીવન ટૂંકાવ્યું છે. જો કે, સમગ્ર મામલે પોલીસે તપાસ હાથ ધરી છે.

સામૂહિક આપઘાતનો બનાવ
એક જ પરિવારના ચાર સભ્યોએ આપઘાત કરી લેતા સમગ્ર પંથકમાં અરેરાટી વ્યાપી જવા પામી છે. વિગતો મુજબ સાસુ, વહુ, દીકરી અને દીકરાએ આપઘાત કર્યા હોવાની ચર્ચા છે. પાલનપુરના નાની ભટામલના પરિવારે આપઘાત કર્યા હોવાની પ્રાથમિક માહિતી સામે આવી છે. જો કે, સ્થાનિકો લોકોએ ડેમમાંથી ચારેય લોકોના મૃતદેહ બહાર કાઢ્યા છે અને પોલીસને સોંપ્યા છે.

પોલીસે તપાસ હાથ ધરી
દાંતીવાડ ડેમમાં ઝંપલાવી એક જ પરિવારના ચાર સભ્યોએ આપઘાત કરી લેતા પોલીસ સમગ્ર બનાવના પગલે ઘટનાસ્થળે પહોંચીને વધુ કાર્યવાહી હાથધરી છે. જો કે, હજુ સુધી આપઘાતનું ચોક્કસ કારણ જાણવા મળ્યું નથી. આ બનાવના પગલે ઘટનાસ્થળે લોકોના ટોળે ટોળા ઉમટી પડ્યાં હતાં. તેમજ સમગ્ર દાંતીવાડા પંથકમાં સન્નાટો વ્યાપી જવા પામ્યો છે.