સુરેન્દ્રનગર / સૂરનો ગરીબ રાજા! આ કલાકારને વાંસળી વગાડતા જોઈ બે ઘડી તમારા પગ થંભી જશે, કરુણતા એ છે કે એક ટંકનું જમવાનું પણ નસીબમાં નથી

• સુરેન્દ્રનગરમાં મનમોહક વાંસળીના સૂર રેલાવતો કિશન
• વાંસળી વગાડી લોકોનું કરે છે મનોરંજન
• દૈનિક વાંસળી વગાડી જીવન નિર્વાહ કરે છે કિશન

સુરેન્દ્રનગરના દુધરેજ શહેરમાં જો તમને વાંસળીના મનમોહક સૂર કાને પડે તો તે વાંસળીવાદક કિશન મારવાડી હશે. જે વર્ષોથી દુધરેજમાં પોતાની વાંસળી વગાડવાની કલાથી લોકોનું મનોરંજન કરે છે. દુધરેજની ઝૂંપડપટ્ટીમાં રહેતા કિશન મારવાડી પ્રોફેશનલ વાંસળીવાદક કરતાં પણ વધારે પ્રતિભાશાળી છે. વર્ષોથી ગરીબીની અવસ્થામાં જીવતા કિશન મારવાડી અનેક પડકારો છતાં દૈનિક વાંસળી વગાડી પોતાનું જીવન નિર્વાહ કરવાની કોશીશ કરે છે. 

લોકોનું મનોરંજન પૂરૂ પાડે છે
કિશન મારવાડી આમ તો શહેરમાં મ્યુઝિક સિસ્ટમ સાથે માઇક અને વાંસળી લઇ બજારમાં લોકોનું મનોરંજન કરે છે. પણ અનેકવખત તેમને જમવાનું પણ નસીબ ન થતું હોવાનું તેઓ જણાવે છે. જો કે હાલમાં જ રાજ્યના ગૃહમંત્રી હર્ષ સંઘવીએ કિશન મારવાડીના ટેલેન્ટને બિરદાવી તેમને આર્થિક ટેકો આપવાનો વાયદો કર્યો છે. 

સારા કલાકારને મંચ આપવા હર્ષ સંઘવીનું આશ્વાસન 
કિશન મારવાડીને ખુદ રાજ્યના મંત્રી હર્ષ સંઘવીએ આશ્વસન આપ્યું છે કે રાજ્ય સરકાર મદદ કરશે તેમજ તેઓ વર્ષોથી ગરીબી વેઠવતા કલાકાર છે. જો કે, અત્યાર સુધી તેમને કોઈ મદદ મળી નથી તેમજ હવે મંત્રી હર્ષ સંઘવી મદદનું આશ્વશન આપતા તેમના ચહેરામાં ખુશી જોવા મળી રહી છે.