- ટીમ ઈન્ડીયા ટેસ્ટ અને વનડે રમવા બાંગ્લાદેશ પહોંચી
- સ્ટાર ક્રિકેટર દીપક ચાહરને મલેશિયાની ફ્લાઈટમાં થયો કડવો અનુભવ
- ફ્લાઈટમાં ખાવાનું ન અપાયું, સામાન પણ ખોઈ નાખ્યો
ભારતીય ક્રિકેટ ટીમ ટેસ્ટ અને વનડે રમવા બાંગ્લાદેશ પહોંચી ચૂકી છે પરંતુ એક ખેલાડીએ ફ્લાઈટમાં તેની સાથે થયેલા ખરાબ વર્તનની ફરિયાદ કરી છે.
સ્ટાર બોલર દીપક ચાહર ભારતીય ટીમ સાથે ન્યૂઝીલેન્ડના પ્રવાસે ગયો હતો. અહીંથી તે સીધો ઢાકા ગયો હતો અને બાંગ્લાદેશ શ્રેણી માટે ભારતીય ટીમ સાથે જોડાયો હતો. આ દરમિયાન ફ્લાઈટમાં તેની સાથે ખરાબ વ્યવહાર કરવામાં આવ્યો હતો.
એરલાઈન્સે મારો સામાન પણ ખોઈ નાખ્યો-ચાહર
દીપક ચાહરે ટ્વીટ કરીને કહ્યું કે તે મલેશિયન એરલાઇન્સ દ્વારા ઢાકા પહોંચ્યો હતો. તેણે બિઝનેસ ક્લાસમાં પ્રવાસ કર્યો. આમ છતાં તેમને ખાવાનું પણ આપવામાં આવ્યું નહોતું તેમજ એરલાઈન્સ દ્વારા મારો સામાન પણ ખોઈ નાખવામાં આવ્યો હતો. શ્રેણીની પ્રથમ વન ડે રવિવારે (4 ડિસેમ્બર) છે અને તે માત્ર 24 કલાકથી સામાનની રાહ જોઈને બેઠો છું. ચાહકે કહ્યું કે આવી સ્થિતિમાં મેચની કેવી રીતે તૈયારી કરવી?
દીપકે શનિવારે ટ્વીટ કર્યું
દીપકે શનિવારે ટ્વીટ કર્યું હતું કે, "મલેશિયન એરલાઇન્સમાં મુસાફરી કરવી એ ખૂબ જ ખરાબ અનુભવ હતો. પહેલાં તો, તેમણે મને કહ્યા વગર જ અમારી ફ્લાઈટ બદલી નાખી. ઈકોનોમી ક્લાસમાં ભોજન પણ પીરસવામાં આવતું ન હતું. હવે અમે અમારો સામાન મેળવવા માટે છેલ્લા 24 કલાકથી રાહ જોઈ રહ્યા હતા. કલ્પના કરો કે અમારે આવતીકાલે (રવિવારે) મેચ રમવાની છે.
મલેશિયન એરલાઈન્સે દીપકને ફરિયાદ માટે મોકલી લિંક
મલેશિયન એરલાઈન્સે ફરિયાદ કરવા માટે દીપક ચાહરને એક લિંક મોકલી છે. પરંતુ દીપક ચાહરે કહ્યું કે આ લિંક પણ ઓપન થતી નથી. મલેશિયા એરલાઇન્સે ટ્વિટર પર જવાબ આપ્યો, "ઓપરેશનલ, હવામાનશાસ્ત્ર અને તકનીકી કારણોસર આ થઈ શકે છે. અસુવિધા માટે અમે માફી માંગીએ છીએ. બાંગ્લાદેશ પ્રવાસમાંથી સૂર્યકુમાર યાદવ અને ઉમરાન મલિકને આરામ આપવામાં આવ્યો હતો, જેના કારણે તેઓ બંને સીધા જ ભારત પહોંચી ગયા હતા. જોકે ઈજાગ્રસ્ત મોહમ્મદ શમીના સ્થાને તેને વન ડે ટીમમાં સામેલ કરવામાં આવ્યો હોવાથી ઉમરાને હવે બાંગ્લાદેશનો પ્રવાસ ખેડવો પડશે. દીપક ચાહર પણ ન્યૂઝીલેન્ડથી ભારત આવવાને બદલે સીધો ઢાકા પહોંચ્યો હતો.
બાંગ્લાદેશ પ્રવાસ માટે ભારતીય ટીમ
ભારતની વન-ડે ટીમ : રોહિત શર્મા (કેપ્ટન), શિખર ધવન, વિરાટ કોહલી (વાઇસ કેપ્ટન), શ્રેયસ અય્યર, મનીષ પાંડે, રિષભ પંત (વિકેટ કીપર), હાર્દિક પંડ્યા, રવિન્દ્ર જાડેજા, કૃણાલ પંડ્યા, વોશિંગ્ટન સુંદર, રાહુલ ચહર, ખલીલ અહમદ, દીપક ચહર, નવદીપ સૈની.
ભારતની ટેસ્ટ ટીમ: રોહિત શર્મા (કેપ્ટન), કેએલ રાહુલ (વાઇસ કેપ્ટન), શુબમન ગિલ, ચેતેશ્વર પૂજારા, વિરાટ કોહલી (વિકેટ કીપર), શ્રેયસ અય્યર, રિષભ પંત (વિકેટ કીપર), કેએસ ભારત (વિકેટ કીપર), રવિચંદ્રન અશ્વિન, રવિન્દ્ર જાડેજા, અક્સર પટેલ, કુલદીપ યાદવ, શાર્દુલ ઠાકુર, મોહમ્મદ શમી, મોહમ્મદ સિરાજ, ઉમેશ યાદવ.
ભારતનો બાંગ્લાદેશ પ્રવાસ
4 ડિસેમ્બર, પ્રથમ વન-ડે (ઢાકા) સવારે 11.30 વાગ્યે
• 7 ડિસેમ્બર, બીજી વન-ડે (ઢાકા) રાત્રે
11.30 • 10 ડિસેમ્બર, ત્રીજી વન-ડે (ઢાકા) રાત્રે 11.30 વાગ્યે
• 14-18 ડિસેમ્બર, પ્રથમ ટેસ્ટ (ચિત્તાગોંગ)
• 22-26 ડિસેમ્બર, બીજી ટેસ્ટ (ઢાકા)
