અમદાવાદ / તહેવારોમાં રોગચાળાએ માથું ઉચક્યું, ગુજરાતના આ શહેરમાં ડેન્ગ્યુ, ચિકનગુનિયાએ ભરડો લીધો

અમદાવાદમાં તહેવારોમાં રોગચાળાની સ્થિતિમાં વધારો થયો છે. સોલા સિવિલ હોસ્પિટલમાં છેલ્લા એક સપ્તાહમાં 7480 ઓપીડી નોંધાવા પામી છે. તેમજ ડેન્ગ્યુનાં 10, મેલેરિયાનાં 12, ચિકનગુનિયાનાં 4 કેસ નોંધાયા છે. તેમજ વાઈરલ ઈન્ફેક્શનનાં 1600 કેસ નોંધાયા છે. કુલ 395 દર્દીઓ દાખલ છે. જેમાંથી 29 બાળકો છે. તેમજ અકસ્માતથી ઈજાગ્રસ્ત થયેલા 94 કેસ નોંધાયા છે.

સોલા સિવિલમાં ક્યાં રોગનાં કેટલા દર્દીઓ નોંધાવા પામ્યા

આ બાબતે સોલા સિવિલનાં આરએમઓ ડો. કિરણ ગોસ્વામીએ જણાવ્યું હતું કે, તહેવાર દરમ્યાન લગભગ 7480 જેટલી ઓપીડી નોંધાવા પામી છે. જેમાં 576 દર્દીઓ હોસ્પિટલમાં દાખલ છે. તેમજ ડેન્ગ્યુનાં 117 સેમ્પલ લેવામાં આવ્યા હતા.જેમાંથી 10 દર્દીઓનાં રિપોર્ટ પોઝીટીવ હતા.

વધુ વાંચોઃ પાક નુકસાનીમાં ખેડૂતોને અપાયું વળતર, જાણો અંદાજિત કેટલા કરોડની સહાય ચૂકવાઇ

તેમજ મેલેરિયાનાં 95 દર્દીઓનાં સેમ્પલ લેવામાં આવ્યા હતા. જેમાંથી 12 દર્દીનાં રિપોર્ટ પોઝિટીવ આવ્યા છે. જ્યારે ચીકનગુનિયાનાં 20 દર્દીનાં સેમ્પલ લેવામાં આવ્યા હતા. જેમાંથી 4 દર્દીનાં રિપોર્ટ પોઝીટીવ હતા. તેમજ સ્વાઈન ફ્લુનો કોઈ દર્દીનો રિપોર્ટ પોઝીટીવ આવ્યો નથી. આ રીતે ગયા અઠવાડિયે જુદા જુદા રોગનાં દર્દીઓ હોસ્પિટલમાં નોંધાવા પામ્યા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ