9 ફોટો ગેલેરી

તમારા કામનું / નિવૃત્તિ પછી EPFના પૈસા ક્યાં લગાવવાથી થશે રેગ્યુલર આવક? EPF Investmentનું આખું ગણિત સમજો

Last Updated: 03:09 PM, 28 September 2026

FOLLOW ON

શેર કરો

EPF Investment:જો રિટાયરમેન્ટ સમયે તમારી પાસે 50 લાખ રુપિયાનું EPF કોર્પસ હોય, તો તેને એક જ જગ્યાએ રાખવાને બદલે તમે તેને ફિક્સ્ડ ઇન્કમ , ડેટ અને ઇક્વિટી સાધનોમાં વહેંચી શકો છો. પરંતુ તમારે દર મહિને કેટલી રકમ ઉપાડવી જોઈએ અને આ કોર્પસ કેટલા સમય સુધી ચાલશે? અહીં તેની સંપૂર્ણ વિગત આપવામાં આવી છે.

1/9

1. રિટાયરમેન્ટ બાદ EPF સારુ ઓપ્શન

રિટાયરમેન્ટ સમયે જો તમારા EPFમાં 50 લાખ રુપિયા જમા થયા હોય, તો પ્રશ્ન માત્ર એ નથી કે આ ભંડોળ ક્યાં રોકવું. વાસ્તવિક પડકાર એ છે કે આ રકમનો ઉપયોગ કરીને માસિક ખર્ચ કેવી રીતે પૂરો કરવો, જેથી મૂળ મૂડી ખૂબ ઝડપથી ખર્ચાઈ ન જાય. નિવૃત્તિ પછી પગાર મળતો બંધ થઈ જતો હોવાથી, EPFની રકમને વિવિધ રોકાણના વિકલ્પોમાં વહેંચવાથી નિયમિત આવક મેળવવા અને લાંબા ગાળાની વૃદ્ધિ સુનિશ્ચિત કરવા વચ્ચે સંતુલન જાળવવામાં મદદ મળી શકે છે.

આ તસવીર શેર કરો

2/9

2. 50 લાખ રુપિયાને કેવી રીતે વહેંચવા?

માસ્ટર કેપિટલ સર્વિસીસમાં વેલ્થ મેનેજમેન્ટના AVPના જણાવ્યા અનુસાર, નિવૃત્તિ પોર્ટફોલિયોમાં ફિક્સ્ડ ઇન્કમ, ડેટ, ઇક્વિટી અને ઇમરજન્સી ફંડનું સંતુલન જાળવી શકાય છે. 50 લાખ રુપિયાની મૂડીનું ઉદાહરણ લઈએ તો, આ રકમના લગભગ 45% એટલે કે 22.50 લાખ રુપિયા નિશ્ચિત આવક આપતા વિકલ્પોમાં ફાળવી શકાય છે. તેમાં ડેટ ઇન્સ્ટ્રુમેન્ટ્સનો હિસ્સો 32.5% (16.25 લાખ રુપિયા) અને ઇક્વિટીનો હિસ્સો 17.5% (8.75 લાખ રુપિયા) હોઈ શકે છે. બાકીના 2.50 લાખ રુપિયા ઇમરજન્સી ફંડ તરીકે અલગ રાખી શકાય છે.

આ તસવીર શેર કરો

3/9

3. ફિક્સ્ડ ઇનકમથી કેટલી કમાણી?

22.50 લાખ રુપિયાની રકમ SCSS અને બેંક FD જેવા નિશ્ચિત આવક આપતા વિકલ્પોમાં રોકી શકાય છે. જો આ રકમ પર વાર્ષિક આશરે 7% વ્યાજ મળે, તો તેનાથી વાર્ષિક લગભગ 1.57 લાખ રુપિયાની વ્યાજની આવક થાય છે.બીજા શબ્દોમાં કહીએ તો, આ ભાગમાંથી લગભગ 13,000 રુપિયા ની માસિક આવક મળી શકે છે.

આ તસવીર શેર કરો

4/9

4. ડેબ્ટ રોકાણ કેમ જરુરી છે?

ડેબ્ટ રોકાણોમાં 16.25 લાખ ફાળવવાનો ઉદ્દેશ્ય પોર્ટફોલિયોમાં સ્થિરતા લાવવાનો અને જરૂરિયાતના સમયે પૈસા ઉપલબ્ધ રહે તે સુનિશ્ચિત કરવાનો છે; ડેબ્ટ મ્યુચ્યુઅલ ફંડ્સ જેવા વિકલ્પો આમાં મદદરૂપ થઈ શકે છે. જો આ હિસ્સા પર લાંબા ગાળે અંદાજે 6.5%નું વાર્ષિક વળતર મળે, તો તેનાથી વાર્ષિક આશરે 1.06 લાખ રુપિયાની વૃદ્ધિ થઈ શકે છે.

આ તસવીર શેર કરો

5/9

5. ઇક્વિટીમાં પણ રાખો અમુક પૈસા

નિવૃત્તિ પછી સમગ્ર મૂડીને સુરક્ષિત રોકાણોમાં જ રાખવાથી મોંઘવારીની અસર વધી શકે છે. તેથી, 50 લાખ રુપિયાની રકમના આ ઉદાહરણમાં, 8.75 લાખ રુપિયા ઇક્વિટીમાં ફાળવવામાં આવ્યા છે.આ રકમ લાર્જ-કેપ, ઇન્ડેક્સ અથવા હાઇબ્રિડ ફંડ્સ જેવા વિકલ્પોમાં રોકી શકાય છે. અહીં મુખ્ય ઉદ્દેશ્ય ઊંચું વાર્ષિક વળતર મેળવવાનો નથી, પરંતુ લાંબા ગાળે કોર્પસ પર મોંઘવારીની અસરને ઘટાડવાનો છે. લાંબા ગાળે સરેરાશ 10% વાર્ષિક વળતરની ધારણા કરીએ તો, આ હિસ્સો વાર્ષિક આશરે 87,500 રુપિયાનો વધારો આપી શકે છે.

આ તસવીર શેર કરો

6/9

6. દર મહિને કેટલી રકમ ઉપાડી શકાય છે?

નિવૃત્તિ અંગેનો એક મુખ્ય પ્રશ્ન એ છે કે 50 લાખ રુપિયાની મૂડીમાંથી વાર્ષિક કેટલા રકમ ઉપાડવી. એક્સપર્ટના મતે, દર વર્ષે 4-5% રકમ ઉપાડવાની વ્યૂહરચના અપનાવી શકાય છે. 4 % ના ઉપાડના દરે, 50 લાખ રુપિયાની મૂડીમાંથી વાર્ષિક આશરે 2 લાખ રુપિયા ઉપાડી શકાય છે, જેનો અર્થ છે કે માસિક આશરે 16,700 મળે. જો ઉપાડનો દર 5% રાખવામાં આવે, તો વાર્ષિક ઉપાડ આશરે 2.50 લાખ રુપિયા થાય, જેના પરિણામે માસિક રકમ આશરે 20,800 રુપિયા મળે. આમ, 50 લાખ રુપિયાની મૂડીમાંથી આશરે 16,700 થી 20,800 સુધીનો પ્રારંભિક માસિક કેશ ફ્લો મેળવી શકાય છે.

આ તસવીર શેર કરો

7/9

7. 1-2 વર્ષનો ખર્ચ અલગ રાખો

નિવૃત્તિ પછી બજારમાં મંદીના સમયગાળા દરમિયાન ખર્ચને પહોંચી વળવા માટે ઇક્વિટી વેચવા એ નુકસાનકારક સાબિત થઈ શકે છે. આ સ્થિતિ ટાળવા માટે, અમુક રકમ અલગ રાખવી આવશ્યક છે. ધારો કે તમારો માસિક ખર્ચ 20,000 રુપિયા છે, તો વાર્ષિક ખર્ચ 2.40 લાખ રુપિયા થશે. પરિણામે, બે વર્ષના ખર્ચને પહોંચી વળવા માટે અંદાજે 4.80 લાખ રુપિયા અલગ રાખી શકાય છે.આ રકમને એવા વિકલ્પમાં રાખી શકાય છે જ્યાંથી પૈસા સરળતાથી ઉપલબ્ધ થઈ શકે. આ રીતે, બજારમાં ભારે ઘટાડાની સ્થિતિમાં પણ રોજિંદા ખર્ચને પહોંચી વળવા માટે ઇક્વિટી વેચવાની જરૂર નહીં પડે.

આ તસવીર શેર કરો

8/9

8. EPF પર જ નિર્ભર કેમ ના રહો?

EPF નિવૃત્તિ માટે એક મોટી રકમ ઊભી કરવામાં મદદ કરે છે. જોકે, નિવૃત્તિ પછી જરૂરિયાતો બદલાય છે; માસિક પગારને બદલે, હવે રોકાણમાંથી થતી આવકની જરૂર પડે છે.એક્સપર્ટના જણાવ્યા અનુસાર, 58 વર્ષની ઉંમર પછી EPFમાં નવું યોગદાન બંધ થઈ જાય છે અને જમા રકમ પર મળતા વ્યાજની પણ એક મર્યાદા હોય છે. તેથી, નિવૃત્તિ પછી માત્ર EPF પર જ નિર્ભર રહેવાને બદલે, અન્ય વિવિધ રોકાણોમાંથી આવકની વ્યવસ્થા કરવી ખૂબ જ જરુરી છે.

આ તસવીર શેર કરો

9/9

9. DISCL AIMER

બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

આ તસવીર શેર કરો

સંકળાયેલા મુદ્દાઓ

withdrawal calculation regular income scss fd epf retirement investment plan