ગાંધીનગર / અજ્ઞાતવાસ મુદ્દે ભાજપના ઋષિકેશ પટેલે કર્યા પ્રહાર; "કોંગ્રેસને એમના ઉમેદવારો પર વિશ્વાસ નથી"

ગાંધીનગર મહાનગરપાલિકા ચૂંટણીને લઈ રાજકીય માહોલ ગરમાયો છે. કોંગ્રેસના ઉમેદવારોને અજ્ઞાત સ્થળે લઈ જવામાં આવ્યા હોવાના મુદ્દે ભાજપે કોંગ્રેસ પર આકરા પ્રહાર કર્યા છે. ભાજપના નેતા ઋષિકેશ પટેલે કોંગ્રેસના આંતરિક રાજકારણ અને ઉમેદવારોને લઈને પક્ષમાં વિશ્વાસના અભાવના આક્ષેપો કર્યા છે.

પક્ષમાં અવિશ્વાસનું વાતાવરણ ઊભું થયું

ઋષિકેશ પટેલે જણાવ્યું હતું કે, કોંગ્રેસમાં આંતરિક કલહ હોવાના કારણે ઉમેદવારોને અજ્ઞાત સ્થળે લઈ જવાની જરૂર પડી રહી છે. તેમના જણાવ્યા મુજબ, કોંગ્રેસને પોતાના જ ઉમેદવારો પર વિશ્વાસ રહ્યો નથી અને આંતરિક રાજકારણના કારણે પક્ષમાં અવિશ્વાસનું વાતાવરણ ઊભું થયું છે.

ઉમેદવારોને અજ્ઞાત સ્થળે ખસેડવામાં આવ્યા

તેમણે વધુમાં આક્ષેપ કર્યો કે, કોંગ્રેસના આંતરિક વિવાદને કારણે જ તેના ઉમેદવારોને અજ્ઞાત સ્થળે ખસેડવામાં આવ્યા છે. ચૂંટણીના માહોલ વચ્ચે સામે આવેલા આ નિવેદનથી બંને પક્ષો વચ્ચે રાજકીય આક્ષેપ-પ્રતિઆક્ષેપ વધુ તેજ બનવાની શક્યતા છે.

આ પણ વાંચોઃ નેશનલ હાઇવે-48 પર દબાણ હટાવવાની કાર્યવાહી સામે વેપારીઓ હાઇકોર્ટમાં, વલસાડ, નવસારી અને સુરતના મિલકતધારકોની કોર્ટમાં દાદ

ગાંધીનગર મહાનગરપાલિકા ચૂંટણીને લઈને બંને પક્ષો દ્વારા સંગઠન મજબૂત કરવાની સાથે પોતાના ઉમેદવારોને એકજૂથ રાખવા માટે પ્રયાસો કરવામાં આવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ